عنوان الموضوع : زوجي ما عنده اسلوب
مقدم من طرف منتديات نساء الجزائر

زوجي ما عنده اسلوب






السلام عليكم يا حلوين ..
انا متزوجة صارلي سنتين بس عندي مشكلة مو قادرة أتعايش معاها واهيا اسلوب زوجي معاي .. شفتو الشباب كيف يكلمون بعض بعنف و صوت عالي و عصبية و ألفاظ خشنة ؟ اهو يكلمني بنفس الطريقة و دايما اقول له ان هالاسلوب غلط و لازم اسلوبك يكون راقي معاي مثل ما انا اسلوبي راقي معاك

هو يعرف الاسلوب الراقي يكلم فيه امه و ابوه و اخواته البنات او الناس في الشركة معاه .. يتكلم بكل أدب و لباقة بس معاي يكلمني كأني وحدة من الشارع !

طبعا ماله داعي اقول لكم كيف يكون الاسلوب لما يحصل نقاش أو زعل أو خلاف .. يبتدي الكلام الفاضي و الاسلوب الغلط و انا اما اقول له عيب هالاسلوب و ما أكمل حواري معاه او اني اتضايق و ابكي

ساعدوني .. انا حاسة ان مالي قيمة عنده واهو شايف نفسه صح ولا يعترف بغلطه

>>>>> ردود الأعضـــــــــــــــــــاء على الموضوع <<<<<
==================================


الله يعينك حبيبتي والله ماأدري أيش أقولك بس أن شاءالله النبات يفيدوك أب


__________________________________________________ __________

تبغي نصيحتي كلميه بنفس الاسلوب وشوفي كيف يتادب


__________________________________________________ __________

هم هكذا الرجال
او بالأحرى ماكو واحد خالي من العيوب
اسلوبه مو حلو لاتتجاوبين معاه ولاتاخذين وتعطين
مع الايام يتغير ...من انتقدت اناموضوع ... كوني له أربع تكسبينه ...تعجبت عزيزتي !!!!
لو انت كنت له أربع ماكان سوه هكذا معك
امنياتي لك بحياة خاليه من المشاكل


__________________________________________________ __________

الله يعينك عليه انشاء الله يتغير
تصدقين ان الدعاء باب الي يدقه الله مايرده والله يفرج علينا جميعا لك تحياتي واشواقي اختي


__________________________________________________ __________

الله يكون معك بس اقولك خلاه يحس بقيمتك ازعلى عليه او روحى للبيت اهللك يمكن الله يصلح حاله