عنوان الموضوع : بتذاكرى لابنك ومش متجاوب معاكى تعالى اقوللك حاجة مهمة رعاية الطفل
مقدم من طرف منتديات نساء الجزائر

بتذاكرى لابنك ومش متجاوب معاكى تعالى اقوللك حاجة مهمة



]بتذاكرى لابنك ومش متجاوب معاكى تعالى اقوللك حاجة مهم



بصى يا ستى كتير مننا لما بتذاكر لاولادها بتشتكى ان البنت او الولد مش متجاوبين معاها


وتقول ده استيعابه ضعيف او تبتدى تتنرفز عليه وتقوله انت غبى وانا غلبت معاك


طبعا انتى عارفة ان كدة غلط بس مش بتقدرى تمسكى نفسك


ماتقوليليش انا مجربة


بصى بقى فى حاجة مهمة لازم تعرفيها


الاطفال اللى بيتعلمو انواع يعنى ايه يا جنتى؟؟


يعنى فى متعلم سمعى ومتعلم بصرى ومتعلم لمسى...وهكذا


معنى كدة ان مش كل طفل بيستخدم حواسه للتعليم زى التانى


يعنى ايه بردو ؟؟؟


يعنى فى طفل بيتعلم الحاجة كويس اوى لما يسمعها


وفى طفل لازم يشوفها وفى لازم يعملها او يمسكها بايده


يعنى العيب مش عند ابنك العيب فى المناهج الجميلة بتاعتنا اللى بتعتمد على اسلوب واحد فى التعليم


انتى دورك ايه بقى يا ماما ؟؟؟


دورك تعرفى ابنك من اى نوع وتوصليله المنهج بتاعه بالاسلوب اللى هو عاوزه مش اللى المدرسة بتعلمه بيه


يارب يكون موضوعى افادك فى حاجة


لسة عندى اساليب وطرق كتير لتعليم كل نوع من انواع الاطفال ان شاء الله هاكتبها كلها


مستنية ردودكو


استنونى

فهرس الموضوع

المتعلم السمعى

المتعلم البصري

المتعلم اللمسي

ابنى انهى نوع منهم؟ [/COLOR]

>>>>> ردود الأعضـــــــــــــــــــاء على الموضوع <<<<<
==================================


بتذاكرى لابنك ومش متجاوب معاكى تعالى اقوللك حاجة مهمة
بصو يا قمرات

اولا هانيجى للمتعلم السمعى

زى بنتك يا نجلاء

ده محتاج دايما يسمع المادة العلمية وبطريقة مبهرة و متكررة

يعنى مثلا الحروف

دايما دايما يسمعها على هيئة اغنية

هاتيله اغانى من على النت بتعلم الحروف وحتى القواعد النحوية او جدول الضرب مثلا لو كان كبير شوية

دايما طول اليوم غنى معاه وخليه يشاركك حتى النطق لما يبتدى يتملى لاااااااااااااااااازم تنطقى صح وبالراحة علشان المعلومة تثبت معاه

انا بنتى من النوع ده وكلمات الانجليش الكبيرة كنت بقسمها واعملها مقاطع اغنية صغيرة وعمرها مابتنساها

هارجعلكو تانى معلش بس والله اولادى مش عارفة اكتب منهم حاجة

هانيمهم وارجع


__________________________________________________ __________

بتذاكرى لابنك ومش متجاوب معاكى تعالى اقوللك حاجة مهمة
السلام عليكم

نيمت القرود قصدى الكتاكيت بتوعى وجيت

وعلى الرغم ان واضح ان الموضوع مش عاجبكم بس انا غلسة وهاكمل بردو هههههههههه

نيجى بقى للمتعلم البصرى

وده طبعا بيستخدم عينيه للتعليم اكتر من اى حاجة

ده تعملى معاه ايه؟؟

ده يا ستى تعمليله اراجوز هههههههههه بجد مش بهزر

كل حاجة بتعليمهاله لازم معاهاحركة بايدك او بوشك اوحتى بجسمك كله يعلم بيها الحاجة دى وتفضل مرتبطة بيها فى دماغه

زى مثلا لو بتعلميه up و down يبقى ترفعى ايدك فووووووووووق فى up و تنزلى تقعدى فى down عمره ما هاينساها

غير بقى اللوحات التعليمية اعمليها انتى وهو و الزقيها فى كل حتة قدامه

يعنى خليه طول ماهو ماشى شايفها وهكذا

وانتى وابداعاتك بقى


يتبع


__________________________________________________ __________

بتذاكرى لابنك ومش متجاوب معاكى تعالى اقوللك حاجة مهمة

المتعلم اللمسى بقى ده اكتر نوع مظلوم عندنا هنا فى مصر

وكل اللى حواليه بيتهموه بالغباء وعدم القدرة على الاستيعاب

مع انه اكتر نوع تقدرى تبدعى معاه و له افكار واساليب كتيرة

النوع ده بيتعلم كل حاجة عن طريق ايده يعنى لازم يمسك كل حاجة ويعملها بايديه علشان تثبت فى دماغه

ابسط واقرب فكرة هى الصلصال

تقدرى تشكلى معاه الحروف والارقام

فى فكرة تانية ودى بتنفع مع الاطفال اللى بيحبو البازل والفك والتركيب

اعمليله الحروف على ورق مقوى وقسميها لقطع وعليه يركبها ويكون الحروف تانى

وبالنسبة لتقسيم المجموعات اعمليله مجموعات من اشكال مختلفة ولخبطيهم وهاتيله صناديق صغيرة وهو يقسم

الفكرة دى كمان بتنفع فى حروف اللام الشمسية والقمرية وهكذا

فى حاجات كمان شفتها فى محلات اللعب حروف وارقام صغيرة بلاستيك مجسمة ومعاها علامة+ و- للجمع والطرح كمان علامة > و< ورخيصة جدا يا بنات

استغلى كمان اى حاجة موجودة وشكلى منها الحاجة اللى عاوزة تعليميهاله

اعرف واحدة بنتها كانت مغلباها فى حروف الانجليش وكانت فاكرة ان عندها مشكلة او نسبة ذكائها قليلة

وفى يوم عملتلها بطاطس محمرة صوابع البنت كتبت بالبطاطس حرف a وقالتلها على اسمه ومن يوها مامتها بتجسملها اى شيئ عاوزة تعلمهولها

يعنى مش لازم حاجات غالية ومتعبة علشان تعلمى ابنك

استنى ليا كلمة اخيرة معاك فى المشاركة اللى جاية


__________________________________________________ __________

بتذاكرى لابنك ومش متجاوب معاكى تعالى اقوللك حاجة مهمة
بصى يا حبيبتى

انتى بس اللى تقدرى تحددى ابنك من اى نوع من الانواع دى

انتى اللى عارفة قدراته وميوله

بالراحة على اولادنا اوعى تكونى سبب فى انه يكره التعليم

وقت المذاكرة خليكى مرحة ومبسوطة كانك بتلعبى معاه واوعى تشتكى منه لحد ادامه ابداااااااااااااااااااااااااااا

خدى الموضوع بهدوء وراحة ومرح

مش هاتبقى انتى والوزير عليه ههههههههههههه

فى الاخر بدعى ربنا انى اكون قدرت افيدك فى حاجة ومش طالبة بس غير دعوة حلوة ليا ولزوجى واولادى

يللا بقى عاوزة الدعوات تنزل زى المطرة عليا

احبكم فى الله


__________________________________________________ __________

اي والله كلامك صحيح

تعرفي انا عندي مشكله في بنتي ..... اولى ابتدائي

لما تكتب الكلمات بالبيت .. تكتبها صح ،،، لكن بالمدرسه تحط حروف او تنقص حروووف

مع اني اخليها تكتبها اكثر من 3 مراااااااااااات ،،،، واليوم كانت عندها كلمتين املاء

عمر _ رأس ...... عمر كتبته > عمس ....... وكلمه الراس ما كتبتها نهائي

انا استغررررربت والله منها



طولتها وهي قصيررررررره 00

واحنا كمان نحبك في الله يا جنتي ،،،