عنوان الموضوع : 45 سنه وحامل تم الاجابة
مقدم من طرف منتديات نساء الجزائر

45 سنه وحامل



حبيباتى انا عندى 45 سنه وفؤجئت بالحمل ومش فرحانة ومش زعلانة لانى اعلم جيدا انه لا اعتراض على حكم الله وقضاؤه ولكنى محرجة من اولادى فانا عندى طالب فى 2 كلية اداب وواحد فى 3 ثانوى وواحد فى اولى اعدادى مش عارفة اقوللهم ايه ده غير انى حاسة ان صحتى مش زى الاول نفسى علطول باخده بالعافية وفى حالة نهجان باستمرار وحاسة ان مخى وقف عن التفكير ومش عارفة اقول لامى ازاى دى كانت لسه مبهدلة اختى وكان عمرها 35 امال انا هتعمل معايه ايه وسلايفى هنا فى البيت اوريهم وشى ازاى حاسة انهم هيتريقوا عليا خصوصا ان سلفتى اللى اضغر منى بسنة هتبقى جدة خلال شهور الوحيد اللى فرحان فرحة غريبة جدا هو زوجى وان كل اللى اعرفة انى استحالة اغضب ربنا بس متلخبطة ياريت تفكروا معايا لاحسن انا حاسة انى مخى اتشل عن التفكير

>>>>> ردود الأعضـــــــــــــــــــاء على الموضوع <<<<<
==================================


ان شاء الله هذا الحمل يكون خير على حياتك و ربما يغير لك حياتك و ان شاء الله تكون بنت تفرحك و تجدها في كبرك
ولا تفكير في كلام الناس و أولادك اكيد راح يتقبلو الفكرة و يفرحو لك كثير
وعليك بالراحة و شوفي فرحة زوجك سوف تنسيكي كل شيء
ربي يثبت لك حملك و يسهلك أيام حملك و ولادتك
لا تقطعينا فنحن بإنتظار سماع مرحلة حملك


__________________________________________________ __________

لا تقنطي من رحمة الله يا أختي عساه خيرا لك وإن شاء الله ربي يتمم لك على خير وأنا متأكدة أن أبناءك سيفرحون كثيرا عند سماع الخبر، إدعيلي أختي بالشفاء و الذرية و الصالحة فدعاؤك مستجاب بإذن الله


__________________________________________________ __________

اختي المهم زوجك فرحان وهي رحمة من رب العباد وعسى خير لالك ياااارب الله يتمم حملك ع خير


__________________________________________________ __________

الله يتمملك على خير
والمهم ان زوجك فرحان
وبنسبه لاولادك عادي جدا
هذه سنة الحياه وشئ طبيعي تحملي حتى لو كنتي ب 45سنه

تحياتي

لولو


__________________________________________________ __________

المشاركة الأصلية كتبت بواسطة نهال الجزائرية
ان شاء الله هذا الحمل يكون خير على حياتك و ربما يغير لك حياتك و ان شاء الله تكون بنت تفرحك و تجدها في كبرك
ولا تفكير في كلام الناس و أولادك اكيد راح يتقبلو الفكرة و يفرحو لك كثير
وعليك بالراحة و شوفي فرحة زوجك سوف تنسيكي كل شيء
ربي يثبت لك حملك و يسهلك أيام حملك و ولادتك
لا تقطعينا فنحن بإنتظار سماع مرحلة حملك

حبيبتى كلامك سر قلبى وجزاكى الله كل خير وانا فعلا 22 سنة جواز كان نفسى فى بنت لكن ربنا ماارادش وكنت دايما بقول ان البنت هى اللى بتشيل امها زى ما انا واخواتى البنات مع امى وربنا ييسر الحال