عنوان الموضوع : قصة حملي (عبرة ودرس) -الجمل و الولادة
مقدم من طرف منتديات نساء الجزائر

قصة حملي (عبرة ودرس)



انا قصتي بدأت من قبل ان اتزوج
لايروح فكركم لبعيد ...........
زوجي عنده عشق شديد للأطفال وحب غير
طبيعي من وهو صغير وهو يحلم يصير اب
لدرجة انه كان لمى حماي يشتريلو لعبة
يخبيها لابنه اتخيلو وما يلعب فيها كتير
بلاش تنتزع او يصير فيها شي وكان يجمع هل العاب
بكيس صغير ولمى اتزوجنا وشفت الكيس انصدمت
وانبسطت ومتل اي سيدة خفت ما اقدر احققلو حلمه بأنه يصبح اب
وزوجي من منطقة بيحبو الاطفال ولازم عندهم الزوجة تحمل من اول شهر
من اول يوم بزواجي وانا حاسة انه علي مسؤولية كبيرة قد الجبال
من جهة زوجي اولاّ وبيت حماي ثانيأّ
...كنت خايفة وانا براقب بوضعي وبنعمل قصارى جهدنا
للحمل ولكن كانت عندي مشكلة وهي (مشكلة الحليب)
كان عندي حليب ومتل ما ابتعرفو وجود الحليب بياّثر على الحمل
ومع الزمن بيعمل عقم لدى المرأة
خفت والتبكت وبكيت وازعلت وانحرق دمي واسهرت
طيب شو الحل شو العمل وين اروح كيف احمل
اخ بس من هديك الايام الله لا يعيدها على حد يارب
وببداية الزواج كان وضعنا شوي مكركب من جهة المادة
فما فكرنا بالعلاج وقررنا نصبر وهاي الدوامة استمرت
فقط لمدة شهرين وبعدها ووالله لا ادري من اين اتت لي الفكرة
واتذكر كان يوم الوقفة قبل العيد وكأنها همسة بأذني او فكرة
او لست ادري كيف هذا وقررت ان الجأ لله وحده وانا اقرأ سورة
مريم بشكل شبه يومي ......
وهذه كانت اول اسرار حملي وبعدها بطريقي للعمل شعرت ان لدي
وقت فراغ فلما لا املئه بالاستغفار
وهذه كانت ثاني اسرار حملي
وعرفت ان هناك ادعية للحمل
*ربي لا ذترني فرداّ وانت خير الوارثين
*ربي ارزقني فرحة اسجد لك باكة
*ربي ارزقني بالفرح كما بشرت زكريا بيحيى
كنت اقرائها بشكل يومي الالاف المرات
والاهم من ذلك كله او بالاحرى تاج ذلك كله
هو الثقة بالله والتوكل عليه واليقين
بأن الله هو المعالج وهو الذي بيده الامر كله وهو ان راد شيء انما يقول له كن فيكون
كم يقشعر بدني واخجل من نفسي كلما تذكرت كرم الله علي
كم اشعر بضعفي في تلك الايام وكيف رحمة الله قوتني
بنات امهات الله كريم كريم كريم كريم كريم
عن جد الله عظيم ورائع وذو سلطان حنون وجبار
يا بنات الجأو لله واطلبو ما شأتم بصدق النية والاخلاص
لن اخرج عن الموضوع كثيرأ ..........
المهم استمر وضعي هكذا لمدة شهر
وبعدها تفاجأت بأختي تتصل علي وتقول لي ها شو كان موعد
دورتك قبل 4 ايام شو صار معك فحصتي ولا لسى
وهذه المكالمة
اختي :مرحبا ...... كيف حالك شو اجتك
انا :لا
اختي:موعدها قبل 4 ايام مو لازم تجي
انا: اكيد خربطة هرمونات متل الشهر الماضي وبعد كم يوم ابتجي
اختي: اسمعي شو ابتخسري جيبي الجهاز وافحصي اليوم ازا اه خير از لا ما ابتخسري شي
انا: يختي لا اتعشميني مشان الله الي فيني بكفيني وصرت ابكي
اختي:اسمعي بتجيبي الجهاز اليوم فاهمة ورح ارنلك واشوف
انا:اسمعي لازم الوحدة تكون مو ماكلة احسن مو ازا بجيبو اليوم وبعمل الفحص بكرة ع صلاة الفجر
اختي:خلص ماشي بانتظار تلفونك ماشي سلام

**وانا دخلت بدوامة كبيرة ومالها اّخر ما بدي اعشم حالي وكنت حابة احتفظ بأمل
ولو بسيط بس ازا جبت الجهاز وما طلع حمل رح يتلاشى الامل يارب شو اعمل

المهم وانا مروحة من دوامي رحت واشتريت الجهاز بس لمى انزلت من السيارة
شعرت بدوخة رهيبة وقفت شوي وحكيت بعقلي اكيد ارهاق لازم ارتاح شوي
انزلت واشتريتو وارجعت وشعرت بنفس الدوخة بالزبط حكيت اكيد ارهاق يلعن ابو الشغل

المهم روحت ع البيت وانا بستنى ننام علشان يجي بكرة واعمل الفحص
والله بحكي وبدني مقشعر اتذكرت هديك اللحظة اصحيت من النوم على اذان الفجر
وكانت بتشتي الدنيا وانا بأخر بحالي علشان ما يروح الامل ادراج الرياح

المهم كنت مخبية الجهاز علشان ما يشوفو جوزي طلعتو من جيبة معطفي
واخدتو واتجهت للتواليت واعملت الفحص واستنيت شوي ومو قادرة اتطلع
ع الجهاز خايفة خايفة مغمضة عيوني وببكي وببكي وبحكي يارب يارب
وشتا وصوت الاذان وصوت دقات قلبي اعلى من صوت المطر
خفت وارتجفت وقررت افتح عيوني خلص واشوف النتيجة
فتحت عيوني واتطلعت ع الجهاز وشفت الصاعقة يا بنات خطين
والله خطين حامل انا حامل مش معقول ياربي نفسي اطلع للسما
نفسي امشي بالشارع واركض شكرا يارب شكرايارب
اتوضيت وصليت ركعتين شكر لله ورنيت على اختي وحكتيلها
حامل ولك حامل انا حامل صرنا نبكي احنا التنتين
وحكتلي لا تحكي لجوزك هلأ المهم ما بعرف ليش حبيبت اعمل فحص بالمختبر
لاتأكد وبعدين بخبرو بس المهم ما نمت للعشرة
وانا صافنه ومستغربة ووووووو........
المهم البست ورحت اعملت الفحص وطلع حمل وبعدين انزلت على درج المختبر
كل 60 درجة بخطوة من الفرح
ورحت لدوامي وكان اطول يوم بحياتي ولمى روحت وخبرت زوجي
وشفت دموع الفرح بعيونه كان كل شيء صار كوم ودموعه الغالي
كوم تاني

**هاي قصتي يا بنات وبتمنى تستفيدو منها ولا تنسو سورة مريم
والاستغفار والادعية والاهم يكون عندك ثقة ويقين وتوكل ان الامر كله
بيد الله
يا بنات لا تتصوروالثقة بالله تصنع المستحيل والمعجزات
واهم شي لا تنسوني من دعاكم ولا تنسو انه هاد كله بيد العظيم جل شانه

>>>>> ردود الأعضـــــــــــــــــــاء على الموضوع <<<<<
==================================


والله العضيم قصتك اثرت فيا لدرجة اني وانا اكتب في التعليق دمعتي على شفرة عيوني
..المهم ربي يخليك لزوجك ويحميكم ويرزقكم بالاولاد الصالحين

وجزاءا لامانك بالله رح تشوفي رح يرزقكم ربي بالاولاد الى ان تكتفوا...
ههه


__________________________________________________ __________

ما شاء الله قصتك كلها دروس وعبر

وعشت جو القصة معك

ربي يحفظك وييسر أمرك ويسهل ولادتك

وعقبال كل المنتظرات يفرحوا متلك

ربي ما يحرم هالفرحة لحدا

أحلى تقييم يا غالية


__________________________________________________ __________

حبيبتي شكرا على مشاعرك الرقيقة
تسلميلي فديت عيونك والله
ودموعك


__________________________________________________ __________

الف مبرووووك الحمل والله يفرحك بشوفت ضناك بحضنك


__________________________________________________ __________

المشاركة الأصلية كتبت بواسطة لطيفة بكلامي
ما شاء الله قصتك كلها دروس وعبر

وعشت جو القصة معك

ربي يحفظك وييسر أمرك ويسهل ولادتك

وعقبال كل المنتظرات يفرحوا متلك

ربي ما يحرم هالفرحة لحدا

أحلى تقييم يا غالية


شكرا يا غالية على كل شيء والله
والله كريم لا اتخافي ما رح يبخل على اي وحدة
نيتها صادقة وقلبها طيب
نورتيني والله