عنوان الموضوع : قصة ولادة ام يزن بالتفصيل الممل -للحوامل
مقدم من طرف منتديات نساء الجزائر

قصة ولادة ام يزن بالتفصيل الممل



انا اتزوجت من شي سبع سنين بنت 15 وصغيرة عانيت كتير من صعوبة الحمل ومن دكتور لدكتور

الكل يحكيلي البويضات صغيرة الحمد لله رحت لدكتور في منطقة بعيدة عنا وحكالي عندي تكيس مبيضي ومن اول شهر تميت حامل بس لللاسف نزل البيبي بعد شهر من الحمل وتميت مداومة عند الكتور نفسه لمده سنتين اووووو كتير وفي يوم رحت علا المسبح مع بيت حماي وصارت مشكلة بيني وبين حماتي


بسبب نزولي للمسبح ئال يعني خوف علي ماكون حامل وروحنا البيت وعملتلي مشكلة مع زوجي وكان سببها طلاقي وتاني يوم راح للشيخ وردني الحمد لله وبعد 3 ايام حسيت الدورة متاخرة وحللت وطلع حمل
وانبسط زوجي ونسي الماضي كله وصار يخاف علي اكتر من قبل والحمد لله وفيت 3 شهور الوحام وصار جماع بينا ونزل علي شوية دم صرت ابكي حكالي زوجي لا تبكي الحمد لله اعطا واخد ورحت للمشفى ومن كتر مهمه مناح ما رضيو يفحصوني حكتلي بس نامي علا ضهرك ونمت دغري حسيت بحركة خفيفة طمنت قلبي عليه فيها ورحت للدكتور وحكالي كل شي تمام
وبالشهر الخامس رحت لدكتوري وصفن صفنة طويلة بالتلفاز انا خفت منها
اللي هوه بحكي في خيط بسيط رفيع بكيس البيبي حكيتله بضر بموت ابني حكالي لا ما بضر الا ان لف علا اصبع ايده او رجله بس حكينا الحمد لله ومن الخوف رحت علا دكتور ليفحص كل الاعضاء تاعت البيبي حكالي برضه ما تخوف بس كل شهر ونص تعي نعملك فحص ما بتخسري شي حكيت برضه افضل مر شهر طوييييييييييل ورحت للدكتور نفسه برضه صفن بالتلفاز قلبي صار يدق بسرعة وسالته شو فيه حكالي ما في مي علا الجنين ئلتله شو وووووو ونزلت عن التخت وانا ابكي اتصلت بزوجي ورحنا لشي 3 دكاترة هداك اليوم يقولون في مي بس قليلة جدا بس شو السبب للمي تروح واعضاء الجنين سليمة اكيد الخلاصة لانه انا معي تكيس مبيضي ولازم اخد علاج من اول حملي والسبب تركي لدكتوري اللي بعيد عني طلعت الخلاصة متجلطة وما في علاج لانه الوقت تاخر كتير
حكولي اشربي مي عالفاضي رحت لدكتورة الاعشاب اللي بروح عليها حكتلي بس السفرجل والعسل وانا ما بحب السرفجل نهائي بس عشان ابني رح اتحمل واكل وبعد شي اسبوعين رحت للدكتور اعطاني ابرتين للراتين للبيبي للولادة المبكرة وفش يومين زوجي صحاني من النوم
وحسيت مي تنزل علي حكيت ييييييي ببول علا حالي اجلكم الله وحطيت يدي علا البنطال شفت دم كمان اتصل زوجي سيارة ورحت للموت برجلي حطوني تحت المراقبة مع اني خايفة
كل فترة ياخدوني غرفة الولادة للتخطيط مع اني بموت من الوجع ويرجعوني علا غرفتي جت امي تننام عندي الله يخليها لانه ما في حد ينام عندي وكل ما شوف امي ننايمة علا الارض اتمنى الموت ميت مرة بس الحمدلله طلع الصبح وانا بالوجع وناديت الممرضة حكتلها ما اتحمل الوجع جت اخدتني علا غرفة الولادة هون الموت حطتني بغرفة الاستعداد او التحضير للولادة ونسيتني وجلست تتكلم مع باقي الممرضات
وانا بالوجع من كتر ما صوتت جت تشوفني تفحصني حكتلي 2 سنتي واحتمال مش حالة ولادة وسابتتني وراحت علا اساس ملائكة الرحمة انا فتحت الباب ما شفت احد هربت عند امي ابكي ما بدي اولد وصارت امي تقرالي قران وتبكي علا بكائي الله يخليها يا الله ما احلا الامهات وصرت امشي بكردور الغرفة وفجاة حسيت شي رح ينزل رحت اترجى الممرضة تولدني قيصري حكتلي لا بس بصراخ اجلسي علا الكرسي حاولت اجلس ما قدرت حكتلي روحي التخت افحصك بس نتفة تفاجئت تقول ييييييي حالت ولادة انتي واتصلت علا الدكتور واجا بعد كل المعاناة والوجع ولدت ابني يزن الحمد لله ورجوني اياه واخدوه الحاضنة بس ولدت لازم تنزل المشيمة صح تقوم الممرضة تنتشها نتش وتفقع الخلاصة ببطني يعني نتفة وصار نزيف اللي كانت تصوت فيي صارت تترجاني ما تحرك واتصلت علا دكتوري عشان ينضف الرحم عندي وهاي ولادة تانية خلصو مني واخدوني علا غرفة ما بعد الولادة وبس ولدت كالعادة يعني بدي اكل يومين بدون اكل اسال امي بدي اكل تقولي حماتك جابت الشوربة من الضهر وخربانة حكيتلها عادي بدي اكل نزلي المي وخلي الرز بس بدي اكل واكلت الشوربة الخربانة عشان حماتي سالت عني كتير وبس اكلت بدي انام كيف نمت ما بعرف صحيت وبحكي الصلاة خير من النوم واللمرضة تسالني روحتي شفتي ابنك حكتلها لا ئلتلي روحي ورحت وشفت يزون وتاني يوم من الولادة رحت ازوره لقيتهم حاطين لابني اكسجين سالت شو هاد حكولي اكسجين حكيت طيب ليش مبارح ما كان في شي حكتلي شربناه حليب وطلع زيادة وتعبنا صدره عملت مشكل انا وياه بس حكيت بعدين ابني عندها لتروح تضره تاسفتلها بس مش من قلبي والحمد لله كنت كل يوم ازوره ويشوفني يفتح بس اكون عنده وفي يوم صدفت اني اكون والطبيب بفحصه سالته شو بالنسبة لابني حكالي اسبوع زمن وتيجي توخديه انبسطت كتير وفي يوم التامنن من ولادتي ضبيت بيتي ونضفته وفجاة يرن التتلفون حسيت قلبي رح يوقف سلفتي ردت صارت تبكي حكتلها انا ابني مات خلص والله نطقتها اللهم اجرني في مصيبتي واخلفني خير منها الحمد لله يا بنات ادعولي بالله عليكم بالذرية الصالحة استاهل التقييم ولا لا الصراحة

>>>>> ردود الأعضـــــــــــــــــــاء على الموضوع <<<<<
==================================


حبيبتي ام يزن الله يعوضك خير يارب
انا مابعرف انو ابنك توفى
ياعمري والله زعلتيني عليكي
ان شاء الله تعبك كولو بتلاقيه عند الله
ويارب تبشرينا انك حامل عاجل وغير اجل ياااارب
قصتك محزنه جدا تقييم ونجوووم حبيبتي لعيونك


__________________________________________________ __________

المشاركة الأصلية كتبت بواسطة حمامة السلام 86
حبيبتي ام يزن الله يعوضك خير يارب
انا مابعرف انو ابنك توفى
ياعمري والله زعلتيني عليكي
ان شاء الله تعبك كولو بتلاقيه عند الله
ويارب تبشرينا انك حامل عاجل وغير اجل ياااارب
قصتك محزنه جدا تقييم ونجوووم حبيبتي لعيونك



لا تحزني علا غالي حبيبتي الحمد لله علا كل حال وشكرا لدعواتك لي


__________________________________________________ __________

الله يعوضك يا اختي
انا كمان مات ولدي لاني ولدت مبكرا
الله يرحم ابنك ويجعله شفيع الك ولابوه و يعوضك كل خيييير يا رب
لساتك صغيرة وتجيبي كثييييير اولاد
احلى تقييم لعيوونك


__________________________________________________ __________

الله يعوضك خير وتجيب اولاد كثير يارب يرزقك الذرية الصالحة


__________________________________________________ __________

اختي الزهرة البنفسجية وام عمر مشكورات نورتي صفحتي