عنوان الموضوع : قصة ولادتي بأبني البكر
مقدم من طرف منتديات نساء الجزائر

قصة ولادتي بأبني البكر



السلام عليكم ورحمة الله وبركاته
اليوم حبيبت اكتب لكم قصة ولادتي بأبني البكر
انا حملت بعد عشرة ايام من زواجي ( احكوا ما شاء الله )
كان عمري 19 سنة كان حملي الحمد لله سهل والله يسره علي هذا فضل من الله ..................
لما دخلت في الشهر التاسع بلش معي الطلق
زي ما بحكوا عندنا الختايرة (توازين ) يعني الجنين بهيئ نفسه للخروج
ضل معي الوجع لحتى صرت تقريبا عشرة ايام بالحمل
رحت على المستشفى عملولي فحص حكويلي معاك توسع 3 سم وانت بكرية ما بدنا انولدك ارجعي على البيت كل ما طول الجنين بالبطن كان احسن
المهم لما صرت تقريبا باليوم 18 من الشهر التاسع بلش الوجع معي اكتر على الساعة تسعة باليل
روحت اتحممت بالماء الساخن لانه بحمي الطلق
وبعدين صار الطلق يحمى ضليت اروح واجي بالبيت لحتى اذان الفجر وانا ميتة من الوجع ونزل دم ( اكرمكم الله ) رنيت على حماتي وصحيت زوجي ورحت على المستشفى
اوصلت المستشفى عملولي فحص طلع عندي توسع خمسة سم
طبعا غيرت ملابسي ولبست ملابس المستشفى والله لايوريكم الوجع
كان الطلق مني من دون ما يعطوني طلق بالعكس كانوا يعطوني مسكنات من وجع الطلق وما في وقت بين طلقة والثانية

المهم صار معي توسع 9 سم بس العظم الي من تحت مارضي يتوسع
حتى ينزل الجنين
صارت القابلة والدكتورة يعملولي توسع هم يعني هم صار يشدوا فيه من تحت حتى يتوسع العظم
والله لا يوريكم الوجع من كتر الوجع صار عندي نقص اوكسجين وحطولي اوكسجين وكنت راح اغيب
الدكتورة حكت لحماتي اذا ما بتولدت كمان شوي راح اعمل الها قيصرية ...........
طبعا صارت الساعة 12 الظهر دخلت على غرفة الولادة وكان هذا اخر امل وان اشد على شان الطلقة واخر شي نزل بالشفط يعني شفطو الله وكيلكم شفت نجوم الظهر وانا بولد
بس الحمد لله ما شفت ابني ولا كأني تعذبت طول من اذان الفجر للساعة 12 الظهر



الله يعطي كل وحدة بتشتهي الخلفة امين يارب
بعدين صبايا الحوامل لا تخافوا كل هالتعب واحملت مرة تانية في ابني التاني وعمره الاول 6شهور وكانت ولادته ولا اسهل الحمد لله
وحملت مرة تانية وعمر ابني التاني سنة والله اعطاني بنوتة وهسة عمرها سنتين وناوي اعملها كمان مرة ان شاء الله


اعطوني رايكم بقصتي

>>>>> ردود الأعضـــــــــــــــــــاء على الموضوع <<<<<
==================================


حمدلله عسلامتك والله يخليلك ياهم ويجعل حملك الجاي وولادتك سهله


__________________________________________________ __________

الحمد لله علي سلامتك و يتربوا في عزك ..الولادة صحيح صعبة لكن لما نشوف البيبي طلع ننسي كل الالم ..ربنا لاتحرم كل وحدة هالاحساس الرائع بالامومه.الف شكر حبيبتي زمرد


__________________________________________________ __________

الحمد لله على السلامه الله يخلي الك اولادك ويحفظهم من كل شر
وربي يعطيك الحمل هاد الشهر متل ماتتمنين


__________________________________________________ __________

الحمد لله على السلامه الله يخلي الك اولادك ويحفظهم من كل شر
وربي يعطيك الحمل هاد الشهر متل ماتتمنين


__________________________________________________ __________

حبيباتي يسلموا على ردودكم ونورتم صفحتي