عنوان الموضوع : علاج جديد للمتكيسات مثلي الحقواالحقوا... -الجمل و الولادة
مقدم من طرف منتديات نساء الجزائر

علاج جديد للمتكيسات مثلي الحقواالحقوا...



السلام عليكم ورحمة الله وبركاته
بصراحه يابنات وانا افرفر بالعاده في قوقل طحت على موضوع اتمنى مايكون قديم او انكم تعرفون هالشي فقلت افيدكم مثل ماانا استفدت منه كثييييييييييير
هذي ياطويلات العمر تقول ان خالتها لها عشر سنوات ماحملت بعدين راحت عند دكتور بالطائف اسمه طارق العزيزي بالنهضه
وماعطها اي علاج ولا ابر منشطه نفس الي ناخذ وتنفخت بطونا منها
هذي عطاها نظام غذائي تمشي عليه مع تمارين لانها كانت سمينه شوي
وقالها ان الابر المنشطه تطلع البويضه وتكون ناضجه من برى بس من جوى مافيها شي بس مع هذا النظام تحلف هذي البنت ان خالتها حملت بعد قدرة الله وعطاها بعد حبوب جلوفوكاج500 وحبوب الفوليك بس لاغير
وهذى هو النظام الي مشت عليه
وهذي هي الحمية الغذائية:
النظام الغذائي خالي تماما من كل أنواع النشويات والسكريات لأنها السبب الأساسي في تكون التكيسات وبالتالي لخبطة الهرمونات وضعف التبويض....

المواد الغذائية المسموحه:
اللحوم بجميع أنواعها (لحم - دجاج - سمك ) وابتعدي عن القلي في الزيت وعن جلود الدجاج لأنها مليانه هرمونات......

مافي مشكلة لو حطيتي شوية زيت مع شربة الخضار او مع الدجاج لكن مايزيد عن ملعقه واحده ويفضل لو تستخدمين زيت الزيتون......

البيض والحليب ومشتقاته مثل اللبن والزبادي والجبنة والقشطة واللبنة .....الخ وخذيها كاملة الدسم مافي أي مشكلة.....

الخضار بجميع أنواعها مثل الخس والجرجير والملفوف والفلفل والفاصوليا والكوسا والبقدونس ......الخ ماعدا الجزر والطماطم لأنها تحتوي على نسبة من السكر.....

الفواكه مسموح لك بالبرتقال والتفاح فقط لاغير وتاكلين حبة تفاحه وحبة برتقالة في اليوم وماتزيدين عنها أبدا لأن الهدف من النظام المحافظة على الجسم مايدخله أي نسبة زيادة من السكر...


المواد الغذائية الممنوعه:

النشويات بجميع أنواعها مثل الرز والمكرونه والخبز والمعجنات وكل مايصنع من الدقيق الأبيض.....
البطاطس...والنشا والشوفان....
البقوليات مثل العدس والفول والحمص والذرة...
السكريات بجميع أنواعها وأولها السكر الأبيض والحلويات....
الشاي والقهوة والمشروبات الغازية....
العنب والتين والمانجو وكل الفواكه ممنوعه ماعدا التفاح والبرتقال....
العصيرات بجميع أنواعها وخاصة المعلبه لأنها تحتوي على نسبة عاليه من السكر وممكن تشربين عصير برتقال أو تفاح فقط وتعصرينه في البيت وممنوع إضافة السكر.....
العسل والتمر....

الخبز البر ممنوع لكن الدكتور قال مافي مانع لو تاخذين شريحه وحده من التوست البر كل صباح فقط وبعدها تعملين رياضة علشان تحرقين اللي أكلتيه.....
وانا ناويه ان شاء الله اطبق هذا النظام لانه فعلا الرياضه والرجيم للي فيها تكيس مهههههههههههم
اتمنى تكونوا استفدتوا من هذا الموضوع ويلا خلونا نتحمس ونسوي رجيم ورياضه عشان نحمل ان شاء الله
انتضر ردودكم..
منقوووووووووووووول...

>>>>> ردود الأعضـــــــــــــــــــاء على الموضوع <<<<<
==================================


جزاكي الله كل خير حبيبتي , فعلا علاج التكيس هو الرجيم والرياضة و(جلوكوفاج + فوليك أسد) لأن هذا بالضبط اللي اتبعته أختي وبعد مت نزلت 25 كيلو بأربع شهور حملت والحمدلله. أنا ما عندي تكيس بس عندي لخبطة هرمونات ويقولون حلها نفس الشي الرجييييييييييم


__________________________________________________ __________

طيب حبيبتي لازم نسوي رجيم بصراحه انا مليت من جسمي ابي انحف عشان احمل يارب استمر ومااطفش لاني على طول امل


__________________________________________________ __________

يالله شو أكره الرجيم صعب وايد التزم فيه بس اللي قاعدة أسويه ألحين اني أفطر بتوست أسمر وجبن وبين الوجبات تفاح و بالغداء آكل خفيف بس ما اتعشى وأمشي رياضه وفعلا نقصت 2 كيلو ب10 أيام وبالويك الاند الماضي كان عندي ضيوف وخبصت بالاكل وايد (الحلو والمالح) ورجعوا ال 2 كيلو بكل سهولة, يعني مشقة عشان ينزلون والزيادة بمنتهى البساطة تحصل. أحس اني طفرت ومليت من وضعي والله


__________________________________________________ __________

تصدقين انا مااكل شي لدرجة اجلس باليوم والثنين ماكل الا شيبس وعصير
الشهيه عندي معدومه بس اسمن ليش مادري
بصراحه تعبانه مدري اشلون اسوي رجيم وانا اصلا ماكل شي


__________________________________________________ __________

المصيبة هي الشيبس والعصير)) فديتج يالغالية لازم تاكلي أكل مفيد, يقولون لو الواحد ما أكل أبدا يسمن لأن الجسم يستوي عنده مثل انذار انه في مجاعة فيخزن الدهون وما يحرقها عشان يحمي نفسه, أنا تابعت فترة مع دكتور تغذية زمان قبل 6 سنوات وقالي لازم تلتزمي بالثلاث وجبات بالاضافة الى السناكس يعني تقريبا تاكلي 5 مرات باليوم مع ممارسة الرياضة. بس الوجبات اللي تاكليها لازم تكون خالية من الدهون والسكريات ويكون في نسبة قليلة فواكه وممنوع نشويات يعني لستة طويلة من الممنوعات. وفعلا نقصت معا كنت 63 كيلو وأصبحت 49 كيلو بس بعد الزواج رجعوا للأسف