عنوان الموضوع : من حرقه قلبي الله لايوفقه يارب ادخلي يمكن تستفيدي شي -الجمل و الولادة
مقدم من طرف منتديات نساء الجزائر

من حرقه قلبي الله لايوفقه يارب ادخلي يمكن تستفيدي شي



انا بكتب هالموضوع من القهر
ياليت ام حاتم تقرا الموضوع

انا بقولكم قصتي
وبدخل من دون مقدمات
الدكتور مفروض مايفرق بين اي مريض والثاني صح ولا اخترع
يابنات انا رحت حق الدكتور محمد البقنه وحده منكم دلتني عليه ورحت من بدايه مارحت وانا كنت اكتب لكم مره الدكتور الغى العمليه مره خربط في ابري واخري شي ماكتب لي مثبتات زي باقي البنات
انا في البدايه كنت افكر ان حالتي سهل ولاتستدعي مثبتات ولان عمري 20 فكرت يثبتو عادي
يوم رحت لدكتور ثاني بعد فشل العمليه وقلت له الطريقه ا
للي استخدمها معاي انصدم واستغرب قال هذا دكتور شاطر غريبه جدا
بعدين عرفت ان كل هالاشياء بالعمد سواها لي البقنه ضل ياجل بالعمليه كل شهر يطلع لي شي جديد
في البدايه كان بيسوي لي عمليه تلقيح صناعي وبعد مااخت الابر وكل شي
يوم العمليه بعد الابره التفجيريه قال لي بتنلغي العمليه حيوانات زوجك قيله جد وماتنفع
ومره ثانيه جيت قالي لسى باقي فيك اثر العلاج مع انه الابر اللي اختهم قليله جدا واجلها بعد شهرين بعدها رحت مره ثالثه واخت الابر ويوم رجعت له على انه يوم العلمليه الابره التفجيريه قالي انت عمليتك تلقيح صناعي وانا عصبت وقلت كيف تلقيح صناعي وانت ملغي العمليه عشان حيونات زوجي قليله وقلت انت مستحيل تصير هالعمليه قال البقنه اجل خلاص بزيد لك الابر وزيد لي الابر وعطاني ابر تحت الجلد اخر يومين وهي مفروض تنعطي بالبدايه المهم هو اعتذر وقال انا ماقدر اسوي لك عمليه السحب لاني عندي مؤتمر وحولني لدكتور ثاني سحب لي وقالي هالدكتور اخذي تحميلتين يوميا والبقنه رجع لي الاجنه وقال لا ماتاخذي ثنتين بس وحده
يوم فشلت العمليه قالي خلاص تعالي الشهر الجاي اذا تبين تسوينها من جديد انا استغربت منه لانه اول ابر اختهم حق التلقيح الصناعي هو يقول ضلت شهرين يوم اروح له يقول باقي اثر العلاج والحين انا اخت ابر اقوى منهم بكثيير وقالي تعالي الشهر الجاي تسويها
عاد انا مارحت له كرهته حسيته متقصد يفشل عمليتي رحت حق دكتور ثاني ولا قالي فيك اثر العلاج ولا شي سوى لي تحاليل وفي نفس الهر اول مانزلت لي الدوره بديت اخذ العلاجات
الله لايوفق البقنه خذو مني كل فلوسي وانا هالعمليه بعت ذهبي كله تدروي ليه
لان مذاهبنا غير لان الدكتور سعودي السعودييين عندهم التفرقه واجبه ولازم
انا مستحيل اسوي عند دكتور سعودي
لاتلموني اللي تبي تسبني وتكرهني كيفها بس انا بقول اللي بقلبي
ماتدرون كيف الالم اللي عنيته من هالابر والادويه ويكفي الملغ طلعت روحي على ماجبته لان زوجي مديون ولا يقدر يدبر شي يادوب يسدد ديونه
ليه يعني لان مذاهبي غير مذهبه صرت كافره مااستحق طفل حرام عليكم
ربي ارحم من عبيده ورزق اليهود والكفار وكل الناس اللي يعصونه يعني بتصير ارحم من الله
ربي مابيترك احد الله اكرم منكم

وكل اللي عندي صراحه الدكتور حق غيري سو لهم بذمه وضمير بس انا لا
واللي معاي في نفس الغرفه سالتها بعد وقالت لي الخطوات حقتها غير
حتى وحده فيكم يوم قلت لها قالت انا سوى لي طريقه ثانيه ويمكن تختلف على حسب الحاله
بس الحقيقه شي ثاااني
على العموم شكرا لكم انكم قريتو موضوعي
وعادي اي وحده تبي تستهزء ولا تطنز بعد عادي
كلامي مخربط ولا منسق جاي اللي بقلبي كتبته حتى مارجعت وقريته
اعذرووني من ماتبي طفل

>>>>> ردود الأعضـــــــــــــــــــاء على الموضوع <<<<<
==================================


أسأل الله أن يرزقك من حيث لا تحتسبين أخية


__________________________________________________ __________

بسم الله الرحمن الرحيم



السلام عليكم ورحمة الله وبركاته

أختي الغاليه ... الله يلوم اللي يلومك .. معك حق في ان يحترق قلبك,, وصدقتي من مننا ماتبي تكون أم .. الله مايخلي أحد أبدا ولا يرضى بالي صار.. وأعذرك أنك قلتي كذا عن السعوديين لأن اللي صار معك مو قليل ,, لكن أصابع يدينك مو سوى والسعوديين مو كلهم سوى شوفي أنا سعوديه لكن .. والله الذي لا اله الاهو , أن في عملي أراعي الكل وبالأخص الأجانب لأني أرحمهم وأشفق عليهم من باب أنهم يدفعون فلوس وتكلفه كبيره,, لذا أراعيهم أكثر.. صحيح في ناس مايخافون الله ويفرقوا بين الناس لكن ماراح يخليهم ربي.. العمل أمانه خصيصا في المجال الطبي,, لأن الواحد بياخذ راتب ولابد أن يحلله .. بصراحه حاسه فيك يالغاليه ..
واسأل الله تعالى لك الذريه الصالحه ولكل أم منتظره الله لايحرمكم رزقه ويقر أعينكم بأطفال لكم عاجلا غير اجل..أميييين
تقبلي مروري.. وأحترامي وتقديري
دمتي بخير يارب


__________________________________________________ __________

الله يرزقك حبيبتي بالحمل بتوأم سليمين معافيين عاجلا ليس اجلا

اكيد مش كل الناس مثل بعض ... وين ما تروحي في الصالح وفي الطالح

واكيد السعوديين اخوانا واحنا بنحبهم كثير وزيهم زي اي بلد مسلم فيهم من يخاف الله وفيهم من لا يحسب حساب الاخره

اشعر بقهرك ومعاناتك حبيبتي والله يعوضك خير ويجعل ألمك وتعبك في ميزان حسناتك

ويرزقك بالذريه الصالحه التي تقر عينك


__________________________________________________ __________

بالعكس حبوبه انا اشتغل بالمجال الطبي ونراعي الاجانب خصوصا بالاسعار
كثير ننزل من قيمه الابر والتنويم الخ
بس اظن انتي قصدك اختلاف بالمذهب يعني هو سني وانتي لا ؟
بس هو ايش عرفه بمذهبك ؟
عموما اذا كان ظالمك ومتقصد الله حسيبه وبيعاقبه ، والله يرزقك من حيث لا تحتسبين
اذا ربك راد بتحملين وتجيبين بدون منيه هالدكاتره ومغثتهم
كلها ارزاق وسعي خلقك بس


__________________________________________________ __________

مو شرط انه الدكتور ماعلجك زين علشان المذهب انا سعوديه وماافرق بين سني وشيعي كلنا اخان وديننا علمنا على التعاون وحب الغير مثل ماقال الرسول صلى الله عليه وسلم حب اخيك المسلم مثلما تحب لنفسك مافرق بين السني والشيعي موكل دكتور معالج زين يكون بسبب التفرقه والله انا مثلجلست اربع سنوات ماحملت وتعالجت عند دكتوره مصريه ماقصرت فيني اعطتنى ادويه مادري من جابتها كان وقت الدوره تعطيني حبوب ابلع 4حبات مع بعض غير ادويه ثانيه من كثر مابلعم صرت استفرغ ومعدتي التهبت غير الابر المنشطه والابر التفجيريه والاشعه التلفزيونيه بعت كل شيء ذهبي وجولاتي انا وزوجي غير السلف من كل اقاربنا تسلفنا وفي النهايه طلع علاجها كله غلط وماحملت وبعدين دلوني على دكتوره ثانيه نفس الشيء مصريه بس عالجتني زين وجلست عندها اتعالج 6شهور والحمدلله حملت مع اني خسرت خساره بس علشان اشوف عيالي والحمدلله تعبي ماراح وكل شيء حظ لازم تأمنين بالله اول شيء مو الدكتور الله يرزقك انشأالله ويقوم ملكنا الغالي بالسلامه قولو امين