عنوان الموضوع : تعالو شوفوا قصتني وعطوني من نصايحكم
مقدم من طرف منتديات نساء الجزائر

تعالو شوفوا قصتني وعطوني من نصايحكم



السلام عليكم ورحمة الله وبركاته

انا قصتي اني تزوجت وبد الزواج على طول حملت واستانست لما سمعت الخبر وريلي حيل استانس وخبرت كل الي كانو حامل لان في حريم في العيله كانوا حوامل بس بينهم شهور يعني أنا آخر وحده فيهم وأولهم بنت أخوي وكنا مستانسين أنا وهيه وايد والاشهر تمر دشت هيه شهر التاسع وأنا السابع وكانت مشتريه كل أغراض البيبي وأنا يعني شوي لأني بعدني السابع والمفاجأه سمعت بخبر ولادتها بس للأسف يابت بنت وماتت وأول ما سمعت خفت وما صدقت خفت عليها وعلى نفسي لأني أول مره أحمل ومر على الموضوع أسبوع تقريبا وبعدين صارلي نفسها ياني الم وايد ورحت المستشفى على فكره انا ف السابع وربيت ويبت ولد فرحت فيه وايد بس كنت خايه يروح مني لأنه في السابع دعيت الله انه يخليلي ياه الناس تنام وأنا من البكاء ما عرفت النوم المهم الياهل عاش 3 أيام وعقب ربي خذاه طبعا انا صحت وايد وكلما ربو الحريم الي كانوا معانا حمل زاد حزنا أكثر وأتمنا أن ولدي يكون عايش الصراحه من الي صارلي أحس ان تعقدت من الحمل وخايفه أحمل وأوصل الشهر السابع ويصيرلي نفس الشي رغم تعبي في فترة الحمل كان وحامي كريهه وخايس يعني ما حسيت بأيام زواجي تعبت لدرجه اني حسيت نفسي بنتهي من الدنيا وأنا خايفه أحمل مره ثانيه ادعولي

>>>>> ردود الأعضـــــــــــــــــــاء على الموضوع <<<<<
==================================


حبيبتي الله يعوض عليك وعلينا بالصالح والسليم المتعافي


وهذي اراد الله هو اللي اعطي وهو الي اخذ وانتي لسه صغيرة وقدامك العمر ان شاء الله

يا قلبي مافي شي يخوف انتي ادعي الله واستغفري والصدقه اهم شي

واوصيك با الرقيه الشرعيه فهي علاج لك الامراض البدنيه والنفسيه

والله يطمن قلبك ويفرحك ويفرح كل محررررررررروم يا كريم


دعوااااااااااااتكم لي با الشفاء من المرض الي فيني


__________________________________________________ __________

الله يعوض عليج يارب ومكتوب ومقدر حبيبتي والله له مااعطى وله ماخذ وماتدرين يمكن خيره لج في دينج ودنياج اتمنى لك دوام الصحه والتوفيق


__________________________________________________ __________

حبيبتي الله يعوض عليك ويجعله شفيعا لكي يوم القيامه
بعدين انتي باقي في اول حياتك ولاحقه على العيال ودوختهم
الله يرزقك بالذريه الصالحه ويحفظهم لك وتشوفين اولادك وهم يكبرو قدام عيونك انشااااااااااء الله
وتقبلي تحياتي


__________________________________________________ __________

هلا ام سواف الله يعوضكم بخيرمنه وعادي حبيبتي لوتحملين مافي شي يدعي للخوف اذا انتي سليمه من الامراض المعديه وغيرها اهم شي الاستغفار والصدقه
الله يعوضكم وتملين البيت كتاكيت صغااار


__________________________________________________ __________

allah y3awdek habibti wallah za3altini cho badek tsawi hek denye sbori o la tkhafi o bokra rabi y3awdek nchalah bad3elek habibti.