عنوان الموضوع : موعاجبني وضعي
مقدم من طرف منتديات نساء الجزائر

موعاجبني وضعي



السلام عليكم ورحمة الله وبركاته


أنا مو قادرة أرتاح أعصابي فلتانه
وربي مقهورة ..بقولكم كل شئ لأني حدي متضجرة ولاعندي أحد أتكلم وياه ويسمعني..النفس عافت

من قبل كم يوم صارت بين أهلي خلافات قويه قويه
لدرجه صار بعض من خالاتي بجهة والبعض بجهة ثانيه
مرة من المرات جتني خالتي طلعت لي فضايح بنات خالتي الثانيه مع امي
كانوا قايلين عني كلام قوي قوي بحق كرامتي وشخصي
وحده كانت تقول لأمي ترى بنت ماعندها شخصيه وغيرة من الكلام ماقدر أقوله وأمي ماشاء الله عليها تقول لها اي والله وش أسوي هذي الي الله بلاني فيها وغييييرة من الكلام
ولما حاججت امي بكلامها قالت لي شوفيهم عندهم أبهاتهم يعزونهم وأنتي خليك طبيعيه معهم لأنك بتحتاجينهم بعدين
الله لايحوجني لهم والله كلام امي مثل السم صحيح أنا مذلوله عندهم بس مو لهذي الدرجه
أنا ماحب أذكر وش انا سويت لهم بس والله ماقصرت معهم وهم هذي نظرتهم لي ..يعني هذا جزاي الي احصله اللحين الاقي كلام منهم يسم البدن
والمشكله كانوا يجوني بوجه ثاني وأنا مغفله
أنا مابي أسكت عن حقي ..مو كل مرة أمشيها لهم
تلقونهم اللحين يتحلطمون علي بعد ..أنا أتفاجئ بمعاملت أهلي معاي يسحبون علي فجأة أثاري هذولا يتكلمون علي عندهم ..يعني تخيلوا مجلس كامل يتمحور حديثه علي وأنا مغفله مدري عن شي
أنا ماراح أصير مثل أول
أبيييييهم يندمون ..لو هم قدامي اللحين أذبحهم
بنات ابي تصرف وياهم مستقبلا ..أعتقد حتى الرسميات مايستحقونها
لو تشوفون تعاملهم معي تتفاجئون صحيح انا ماسويت لهم شي بس هذي الغيرة وماتسوي
أنا ابيكم تحطون أنفسكم مكاني وش التعامل الي بتتعاملون فيه وياهم
للعلم أنا لو اقوم عليهم راحوا يشتكون علي عند أمي وتصير علوم لأن أمي معهم حق او باطل
بس هالمرة طفح الكيل مستحيل أسكت
و لما اصير معهم كريمه ..هذا لأني من تحت لا تحت
او ان عندي مصلحه
وهذا تعبيرهم لي ..وهكذا تستمر الحياه

>>>>> ردود الأعضـــــــــــــــــــاء على الموضوع <<<<<
==================================


الناس الي ماتقدر احترامك لها وتتعامل وياك بهذا الاسلوب
لاتحترميها
الطيب في هذا الزمان ماتخليه الناس في حاله


__________________________________________________ __________

حولي تطنشي كلامهم
وخليكي واثقه من نفسك عزيزتي


__________________________________________________ __________

كوني دائما احسن منهم و قابلي السيئة بالحسنة


__________________________________________________ __________

الي يقهر ان امك واقفه معاهم زين كلميها على انفراد وقولي لها على الي يصير ماتدرين

الله يفرج همك ويصلح حالكم يارب العالمين


__________________________________________________ __________

المشاركة الأصلية كتبت بواسطة رندى2
الناس الي ماتقدر احترامك لها وتتعامل وياك بهذا الاسلوب
لاتحترميها
الطيب في هذا الزمان ماتخليه الناس في حاله

وهذا الي بيصير
الله يجزاك خير
نورتي