أبويه طفش مني أنا -تم الرد
عنوان الموضوع : أبويه طفش مني أنا -تم الرد
مقدم من طرف منتديات نساء الجزائر
أبويه طفش مني أنا
السلام عليكم ورحمة الله وبركاته
يا بنات والله أني ما كتبت موضوعي الا أنو أنا عارفه أنكم راح تواسوني وتتفهمو مشكلتي
أنا بنت من بين أربع أخوات ولكني ما أعرف كيف حظي الله يعلم فيا والله يبنات حظي الحمد لله والشكر بس كل شيء أسويه ما يجي بالسهاله كل شيء أتعب تعب شديد على بال مااحصله حتى لو شيء تافه أنا تعبت في طفولتي وتعبت في مراهقتي وحتى دحين في شبابي والله يبنات ما ابالغ ساعات أحس أني بنفجر من كثر التعب ولكن الله معايه والله ماابالغ ما افتكر انو طفولتي كانت حلوه ولا اي مرحله في حياتي عشتها طبيعيه ومرت بسهوله الحمد الله على كل حال ..
أنا عمري 22 سنه كنت أدرس دبلوم وخلصته والحمد لله جبت نسبه تأهلني اني أكمل في الجامعه ونظام الجامعه المتخلف ما يعادل السنين لو كنت أبغى أكمل بكالوريوس في نفس التخصص الى درسته في الدبلوم المهم أضطريت أني أدرس سنه تحضريه (بالنسبه ليه كانت سنه تدمريه )
والله يابنات كانت جدا صعبه ودوامها طويل ورسبت في ماده وتعبت تعب ودمرت نفسيتي والحمد لله عديتها على خير ونجحت ورحت الجامعه وبدئت مرحلة البكالوريوس اخ بس أخس وأفضع كل شيء صعب ومافي أحد متعاون والاساتذه يتقصدو يصعبو الاسئله والمناهج جدا جدا جدا طويله والله يبنات انا اشتكي لصحباتي في أقسام أخرى يستغربو ويقولو كأنك ثنويه عامه والله يبات أني أدرس وأذاكر و أتعب نفسي وفي نهايه درجتي 60 والله الاسئله جدا صعبه أشتكينا للمسئولين ولاكن بدون فايده وكل البنات درجاتهم والله يعين يس
ساعات أقول انا أيش خلاني أكمل بكالوريوس وأتعب تعب طلاب الماجستير ما يتعبوه ولا حتى الثانويه العامه وساعات أقول كلو عشان نفسي وعشان مستقبلي ...
المهم طيلت هذه السنين الاربعه أبويه الي يوديني ويجيبني من الجامعه والله يبنات ما تتخيلو قد أيش عانيت أبويه أنسان عصبي جداومو متفهم ولا مقدر التعب أحس نفسي حمل ثقيل عليه في الروحه والجيه ساعات أنسب وأنهان ويصرخ عليا ويحط حرت التعب فيه والله يابنات ساعات أبويه يقول الله يفكني منك وساعات أحسها في عينه من دون ما يقولها وفي تصرفاته في الصباح يجي ويصرخ عليا ويقولي قبل ما يوديني و أغلب الأحيان أنسب وأنشتم بألفاظ مو حلوه
قبل أمس يقول لأمي متن تخلص بنتك دراسه أمي قالت له باقيلها 3 سنينوقلها أنا تعبت من الروحه والجيه .........
مو بس في روحت الجامعه في كل شيء ألقه صعوبه فيه مع أبويه ما في شيء أقوله اليوم الا يتنفذ بعد شهر يمكن ؟؟؟؟بعد الأهانه طبعاوالله يابنات تعبت من المضاربات تعبت من الصوت العالي تعب من أنو أطلب شيء خلاص سايره أغلب أشيائي أشتريها من مكافئتي المتواضعه الله يعين بس
والله حتى في أبسط الأشياء أبويه يدخل نفسه حتى لو كانت نسائيهمافي تفاهم معي والدي العزيز ولا نقاش ولا أي أسلوب حضاري في الحوار (ههههههههه) شر البليه ما يضحك
أنتو عارفين خلاص سايره جدا رسميه في تعاملي مع أبويه تجنبنا للمشاكل ولكن ساعات المشاكل تجي لين عندي حتى سايره في الغرفه أجلس أذاكر أغلب وقتي وما اطلع ساعات أتمشي معاهم ولا أسافر عشان المشاكل الي يختلقها أبويه الله يحفظه ساعات توصل للظرب
هذا مو معناته أنو أبويه دينصور بس نادرا ما تلاقيه هاديء ومتفاهم
والله يابنات أنو انا الحمد لله ما نقصني شيء من علم وجمال وأدب ولكن والدي الله يهديه يشوفني قبيحه وكم مره أنخطب بس مايصير نصيب الله لسه ماراد وأبويه يقول عشنكم مو حلوات يروحو العرسان
يابنات والله انا ما اقول كدا الا من باب الفضفضه وأنا عارفه أنو مافي أحد كامل و أنو هذا والدي ولازم أتحمله ومهما كان هوا الي رباني بس ساعات الواحد يوصل لمرحله ما يستحمل فيها وأنا لسه باقيلي 3 سنين في دراستي وأبويه الي يوديني أن شاء الله أذا ربي كتبلنا عمر وهو من دحين طفشان مني
أنتو راح تقولولي ما تدري يمكن الأحوال تتغير وربنا يفرجها وتتجوزي أو تجيبو سواق بس أنا دحين تعبانه من رؤية انو أنا هم على أبويه وتعب .
والله أني أدعي ربي أنو يفرجها عليا ويهدي والدي ويصبرني ويرزقني بالزوج الصالح أنا وجميع بنات المسلمين والحمد لله أنا متفائله برب العالمين خير وربي ما بضيع دعاء عبده حتى لو تحقق لو بعد حين ..
أدعولي يابنات بالفرج الله يفرجها عليكم والله اني تعبانه والله يفرح أهلنا فينا عن قريب أنا وأياكم وجميع بنات المسلمين كان بوظيفه صالحه أو زوج صالح متفهم الله يسعدكم دنيا وأخره ومعليش أني طولت عليكم
>>>>> ردود الأعضـــــــــــــــــــاء على الموضوع <<<<<
==================================
غاليتي الدنيا هكذا مايجي شي بالساهل وجيبي لك سواق وارتاحي
وادعي الله دايما ان الله ييسر امورك ويوفقك
__________________________________________________ __________
الله يسعدك ياقلبي بس من فين أجيب سواق لازم أبويه يجيب ؟؟؟؟؟ وحاولنا معاه بس بدون فايده
__________________________________________________ __________
ادعي الله دايما ان الله ييسر امورك ويوفقك
__________________________________________________ __________
فديتــــــــــــــك
والله يالغاليه محد مرتاح بحياته بس الصبر زين ياقلبي
اصبري والله رح يفرجها ان شاء الله
الله يسهل امورك ويسعدك بالدنيا والاخرة
ويرزقك بالزوج الصالح اللي يعوضك
يـــــــــــــــــــــــــارب
__________________________________________________ __________
ياقلبي ترانا كلنا مافي طفوله مثل الحين وانا اقولها لاولادي ويستغربوا
زماننا غير عن الحين
احنا بعد عند ابهاتنا كانوا يعصبوا ويشتموا
ولكن شفوي الحين
مع الكبر ولما احنا كبرنا وتزوجنا وخلفنا
صاروا يحبونا وتشوفين احيانا الدمعه بعيونهم عشانا
والله مشاوير المدارس والجامعات صعبه رايح جاي
انا اسمع اخواني واخواتهم
يشتكون من هالمشاوير مع اولادهم
يعني مو ابوك بس
انتي الحين حبيبتي قوليلي مين اللي مو عصبي الحين ؟؟
غصب عنا نعصب الظروف المحيطه فينا وتصرفات الاخرين ومشاكل البيت وطلبات البيت ووو
كلها ترى تأثر
وانتي ان شاء الله لما تتزوجي بتحسي بهالشيء
في نفسك وفي زوجك بعد
ترانا بشر لنا قدره على التحمل وممكن ننفجر بأي لحظه بدون سابق إنذار
وانتي اعتبري تحملك من باب بر الوالدين
واذا فيه شيء خاص نسائي مره فهمي امك ماتخليه يدخل بلطف لانكم تستحون
او يتدخل بس من بعيد لبعيد بدون ماتعرفوا
اما الزواج ..
والله النصيب ياقلبي مو جمال ولا غيره
وكله فيه خيره بس ابوك يمكن من كثر مايسمع ان فلانها حلوه وخطبوها الناس صارت عنده قاعده
وحتى الجمال يختلف من عين لعين
والله اشوف بنات عاديات جدا احيانا احد يقول عنهم جميلات
الناس تختلف في مقاييس الجمال
رد مع اقتباس
