عنوان الموضوع : فرجو همي الله يفرج همكم
مقدم من طرف منتديات نساء الجزائر

فرجو همي الله يفرج همكم



السلام عليكم ورحمة الله وبركاته
بنات انا بدخل بالموضوع على طول بصراحه حبيت افتح قلبي عندكم لعلي القى الكلام الي يريحني ويطمن قلبي

في البدايه انا متزوجه لي تقريبا خمس سنوات والحين بدخل بالسادسه
احب زوجي واحترمه انسان عصبي بس طيب
ماكتب لي ربي حمل سويت فحوصات وكل شي طلعت بلاوي الدنيا كلها فيني والحمد الله على كل حال

بس انا عايشه حزينه طول وقتي ابكي
ماني حاسه اني مثل الناس الي عايشه
صرت اتحاشى اروح لعزومات او مناسبات لان الكل مو راحمني من نظراتهم ومن كلامهم
اتمنى القى لي شغل انسى همومي بس ماني لاقيه
زوجي مشغول عني اغلب وقته برا البيت
بعدين صرت اشوف منه بوادر خيانه وصرت اسكت لاني عارفه مافيه احد حاس فيني
ماعندي صديقات اتواصل معهم

ولا احد اشيكله الي بقلبي غير ربي سبحانه

بس حياتي صارت ممله ابي يكون لي صديقات اكلمهم اشكيلهم اطلع وياهم
لدرجة صرت احس اني ناقصه ماني مثل الناس

ابي اطفال يونسون وحدتي مليت وانا كذا عايشه
مستحيل ماانام الا وانا ابكي لدرجه ادعي قبل انام واقول يارب يكون هذا اخر يوم لي بالدنيا

والله نفسيتي تعبانه تركت العلاج بالمشفى لانهم قالو اخر حل لك للانجاب الانابيب
ولازم انزل وزني بس والله تعبت مانزل سويت المستحيل موراضي ينزل

تركت المشفى ورحت لعند حرمه تعالج وعطتني علاج وتحاميل تبهذلت من العلاج الي طعمه يجيب الهم صايره بس ابكي من العذاب الي انا فيه

وامس نزلت علي الدوره وحسيت الدنيا تسكرت بوجهي

انا خلاص تعبت والله مليت تكفون ادعولي ربي يفرج همي وييسر امري

بليز لاتطلعون من موضوعي الاوانتو رادين ولو بدعوه منكم

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمه الله وبركاته...

حبيبتي...

اسال الله العلي العظيم
ان يفرج همك ويريح قلبك
ويرزقكك الذريه الصالحه الباره فيك
المحسن خلقها وخلوقها

حبيبتي...

شكيتي لنا لكن هل شكيتي لله رب العالمين
كيف علاقتك بربك
دعوتيه يوم او شهرين او اربع ومليتي؟؟

حبيبتي...

اذا تسكرت الدنيا بوجهك اعرفي ان ربك كريم
ويفتح لك ابواب رزقه باذن الله
ودائما بابه مفتوحه سبحانه

حبيبتي...

نصيحه نظمي وقتك
خلي لك يوميا ورد يومي بقيام الليل
ويكفي ربنا سبحانه ينزل بالسماء الدنيا ويقول هل من داعئي فاستجيب له
واهم شي قلبك لازم تصفيه من الذنوب والمعاصي وتتركيها لوجهه الله سبحانه
لقوله عليه السلام في مامعني الحديث ان العبد يحرم الرزق لذنب يذنبه
ففتشي عن نفسك

وعليك يالغاليه

بالاستغفار..وفضل الاسغفار عظيم
استغفري في الليوم اكثر من مائه مره

وعليك..

بالصدقه..عظيمه جدا
تصدقي بنيه الرزق والذريه ولو تاخذين رز وتضعينه بالزرع
او على الشباك او ماء في السطح تشرب منه الطيور ولك اجر باذن الله
او تخصصي محفظه وكل يوم تضعي ريال واخر الشهر يطلع معك مبلغ تصدقي به
لعمال الطرق او غيرهم
وفيه لي موضوع عن طرق الصدقه ومجربه ان شاء الله تفيدك

وعليك يالغلا..

سوره البقره فاخذها بركه وتركها حسره

وعليك...

استغلال اوقات الاستجابه
واعرف وحده يوم الجمعه من الصبح تفرش سجادتها كل ساعه
ركعتين او اربع وتدعي ربها علشان تضمن ساعه الاستجابه
وماشاء الله ربي رزقها بطفل بعد مانتظرت سنين

عليك حبيبتي..

عدم الياس والقنوط من رحمه الله بل ابتسمي
انتي الان في رحله وعلاج فعال نعم مع رب العالمين
الم يقل انه الرحمن الرحيم الرزاق الكريم
سبحانه
التجئ اليه
واشكي همك
باذن الله يسمعك ويرزقكك

حبيبتي..

هذا الي اقدر اقوله لك
اعملي لنفسك جدول
اهم شي حسن الظن بالله العظيم
والتوكل عليه
وابتسمي يالغلا
الي خلقنا ماراح يضيعنا
وكل شي مكتوب في كتاب ومقدر ومكتوب

اسال الله العلي العظيم ان يرزقكك
ويسعدك دنيا واخره
وباذن الله مايمر شهر الا تبلغينا


وفقكك الله

فمان الله


__________________________________________________ __________

الصراحه ما قصرت اختي سر ابوها
الله يفرج همك وهموم المسلمين
امين


__________________________________________________ __________

الله يفرج همك وهم كل المهمومين
انصحك بشيء مهم خذي شيء ثمين وغالي جدا عليك وتصدقي به بنية ان الله يفرج عليك وسترين اثر ذلك بحول الله
ولا تنسي ان تثقي بالله وتدعي طوال الوقت وتستغفري وان شاء الله ربي يفرج عليك


__________________________________________________ __________

الله يرزقك بالذرية الصالحة
والحمد الله انو في حل لحالتك الي هو طفل الانابيب
شوفي مركز صحي وتابعي معاه عشان تنزلي وزك
واذا مافي قللي من اكلك وكثري السلطات
وكثفي حركتك صيري امشي سوي رياضة بالبيت
واشتري ميزان للوزن
وكل اسوبع قيشي وزنك وتلاقي في تحسن
الله يرزقك بالذرية الصالحة


__________________________________________________ __________

الاخت سر أبوها وفت وكنت راح أسألك نفس سؤالك هل توجهتي لله هل قمتي الليل لقيام الليل - أستغفرتي _ متى أخر يوم

المهم زي ما ذكرت الاخت ما شاءلله عليه عطتك معلومات كثير كثير حلوة ولازم تتطبقيها عشانك وعشان حياتك ولزوجك - ولمستقبلك -

من الان أعتبري نفسك لسة عروووس زيني نفسك عطري نفسك دلعي نفسك جددي من أثاث البيت حتى لو قديم - اجذبي زوجك خليه يشاركك همومك صدقيني بتحسي كل الهموم أتبخر - بس انتي أبدأي ولا تيأسي - تعرفين انك مذنوبة لأنك تدعي على نفسك الموت قبل النوم طيب كيف ربك راح يرضى عليك وانتي طالبة الموت - ليه غطيتي نفسك للأرض ظلمتي دنيتك ليه - لازم تعرفي ان الدنيا لسة بخير -

ومع منتدى سيدتي راح تتعرفي على صديقات قلبهم كبير يوسع للكل - عندك قسم الطبخ - قسم صحتك - أقسام دينية ولا تنسي تدخلي نادي سيدتي في مواظيع كثير كثير حلوة - حبيبتي حاولي تغيري من نفسك - واذ سؤالك كيف -

الجواب منتدى سيدتي