عنوان الموضوع : ســــــــــوريــــــــــة يا حبيبتي -تم الرد
مقدم من طرف منتديات نساء الجزائر

ســــــــــوريــــــــــة يا حبيبتي



السلام عليك ورحمة الله وبركاته

رح أفتح أول موضوع إلي، مابعرف أديش عدد السوريات هون بهدا المنتدى بس يلي بعرفه انه الأخوات الخليجيات ماشاء الله هون كتار

هدا الموضوع عام هو إبداء رأي وطبعا أنا بحترم رأي كل صبية فيكن وطبعا كلكن خزيت العين صبايا متزوجة أو عازبة ورح نضل صبايا طوووووول العمر

أكيد كل وحدة فيكن عندها رأي بالسوريين ممكن عن طريئ اختلاط فيهن أو سمعت عنهن من حدا أو ممكن معرفة بعيدة أو زرتيها وطبعا ما بدنا ننسى الأخوات السوريات كمان مغتربة أو عايشة هون بسورية لسا

فيكي تعطي رأيك بالسوريين بكللللل صراحة بس طبعا بدون كلام أو ألفاظ بتجرح وأكيد أنا رح احترم رأي كل وحدة فيكن وبتمنى ما حدا يجيب سيرة الأوضاع الحالية بالبلد لأنه بكفينا نحنا السوريين غصة بالألب بس بألبكن ادعولنا وادعو لبلدنا خلينا نتزكر الأوئات الحلوة والمناطئ الحلوة

أنا سورية عايشة حاليا بالشام وأنا أصلي شامية لما نئول شامية يعني من دمشق.

طبعا كل وحدة بلدها غالية عليها وبتحسها غير أي بلد بالعالم أنا بالنسبة إلي هوا الشام بينعش النفس والفطور بباب توما (منطئة بالشام) بطير العئل مع صوت فيروز يمكن تجو تئلولي سماع الأغاني حرام رح ئلكن صح بس تلات رباع سكان البلد هون بتعشئ فيروز الصبحيات بصوتها الرايئ

شوارع الشام الئديمة أو الجديدة بتخليني فكر أديش حلوة بلدي وشوارعها وإضاءتها بالليل (أيام ما كنا نطلع بالليل)

شعب بلدي مخلط بس كلنا عايشين مع بعضنا متفئين ما منتعامل على أساس دين ولا طايفة وطبعا متل أي شعب بالعالم انا عم أحكي عن الغالبية بس ما عممت كلامي لأنه ممكن تجي وحدة تئلي لا انتو بتتعاملو بتمييز رح ئلها مو الكل لكن البعض مزبوط

شعبنا عملي وبنفس الوئت بحب يبسط حاله وئت الشغل شغل ووئت البسط والمشاوير إله نصيب بحياتنا

أنا كسورية بحب تراب سورية وهواها، بحب نزلة الجامعة بحب شلة رفئاتي يلي بمئام أخواتي الله يسرلن وألبنا على بعض وخوفنا على بعض يمكن أكتر من الأخوة انا وياهن

هاتو لشوف رأيكن أنتو ويلي ما فهمت علي شي كلمة تخبرني وأنا ممكن فسرلا ياها واعزروني على عاميتي اذا في وحدة ما عرفت شي كلمة

ناطرتكن لنشوف شطارتكن

>>>>> ردود الأعضـــــــــــــــــــاء على الموضوع <<<<<
==================================



لك شوووووووووو ئصتكن مافي حدا مبين الواحد لازم يركد وراكن لحتى تردو

يعني شو المطلوب مني حتى تتفاعلو مع موضوع يعني في مشاهدات بس مافي ردود


__________________________________________________ __________

هلا فيك ختي
و نورت المنتدى
و الله اللي بعرفو عن السوريات انهن احنان
و فيهم لمسة الانوثة
يعني من غير مزايده
الصراحة تقال


__________________________________________________ __________

المشاركة الأصلية كتبت بواسطة قبائلية
هلا فيك ختي
و نورت المنتدى
و الله اللي بعرفو عن السوريات انهن احنان
و فيهم لمسة الانوثة
يعني من غير مزايده
الصراحة تقال

للأسف أخت قبائلية أنا ولا مرة تعاملت مع تونسيين بس يلي بعرفه أنه تونس بلد بيستحئ أنه ينزار لأنه كتيييييير حلو إن شاء الله بس يصحلي زيارة لتونس أكيد مارح ئصر

طبعا بتشكر رأيك وأكيد أنا بدي الصراحة وليس المجاملة


__________________________________________________ __________

المشاركة الأصلية كتبت بواسطة دمشقية!
للأسف أخت قبائلية أنا ولا مرة تعاملت مع تونسيين بس يلي بعرفه أنه تونس بلد بيستحئ أنه ينزار لأنه كتيييييير حلو إن شاء الله بس يصحلي زيارة لتونس أكيد مارح ئصر

طبعا بتشكر رأيك وأكيد أنا بدي الصراحة وليس المجاملة

تسلمي قلبي
و تشرفينا باي وقت
بس يا قلبي ليش اجامل
انا لا بعرفك و لا شي
هاي قناعتي و انا قلتها


__________________________________________________ __________

لك ميت مرحبا بحبيبتي دمشقية كيفك ياألبي والله شوي وحتبكيني نفسي افطر بباب توما واتعشى أشة بالميدان واخد معي حلو واكل نابلسية وبوظة من الحميدية واطلع على قاسيون واعد بالهويات واسمع زممير السيارات تبع العرسان مشتاقة لتراب الشام ألبي لحيطأ الله يفرجها عليهون يارب
تحياتي ألك موضوعك بجنن