عنوان الموضوع : ااريد حل
مقدم من طرف منتديات نساء الجزائر

ااريد حل



والله يا بنات اني تعبت من كتير التفكير انا مشكلتي زوجي الله يهديه من قبل 7 سنين تاجر با الفلوس وللاسف او النصيب خسرهم وكان المبلغ كبير وصبرت عليه متل اي زوجه تصبر على زوجها وتوقف معه وكان علينا ديون كتير وبعد هيك بعنا البيت لاحتى نخلص من الديون
وبعنا البيت مع العفش حتى نخلص وسدينا الديون يلي علينا وزاد معنا مبلغ وكنا متفقين انه نشتري شقه على قد الفلوس بس للاسف راح واشترا فيهم اسهم وكل يوم عن يوم بخسرهم وضل منهم 10 الف بحكيلو اسحبهم واعمل فيهم شي يطعمينا ولانه كمان سكنين في الايجار والله تعبت من كتير ماحكيت معه واهلي كانو يساعده في دفع اجار محل كان يشتغل فيه وبعد هيك باع المحل وبرضو ضيع الفلوس وهسه بطلب مني احكي لاهلي انه بيتنا فاضي مافي عفش كتير وبده من بابا يعطيه ويفتحلو مشروع بحكيلو اسحب فلوسك واشتغل فيهم واهلى راح يساعدوك مو راضي بدو ياخد منهم ويضلو فلوسه متل ماهمه وانا والله خايفه يضيعوا الفلوس وانا عندي اولاد با المدرسه شو اعمل والله محتاره حكيت معه با العقل وبا العناد بس مافي اي رد منه غير انه لما بفتح الموضع بزعل مني وبحكيلي هيك اراده رب العباد شو اعمل ماحدا يحكيلي استحملي والله مليت وتعبت والمصيبه اني في بلد غير بلد اهلي شو اعمل والله بحكي وانا من داخلي نار مابعلم فيها غير ربي واسفه كتير على الاطاله بس مالي غيركم بعد ربي

>>>>> ردود الأعضـــــــــــــــــــاء على الموضوع <<<<<
==================================


عنجد الله يعينك. هاي من اكبر المشاكل اللي بتواجه العائلات لانها بتحدد مصير اولادنا المادي. انتي غلطك من الاول انك سمحتيلو يتمادى بهالشي المفروض من حد ما حسيتي انو عم يضيع فلوسو قلبتي الدنيا على راسو حتى ما يستمر بهالشي وتصفو بلا بيت . المهم اللي صار صار هلاء . بس شو هالكلام هيك راد رب العباد ؟ ما احنا عارفين كل شي بارادة رب العباد بس كمان رب العباد ما قال انو يضيع فلوسو عالاسهم والكلام الفاضي ويترك اولادو هيك لانو رب العباد بيحاسبة على هالشي كمان. شوفي حبيبتي متل ما بتقولي انو ما عم يسمع منك . انتي دخلي اهللك واهلو بالموضوع وخليهم يشوفولك حل جذري قبل فوات الاوان لانو اللي ضيع هالمبالغ قادر بكل سهولة يضيع العشر الاف . وانشالله كل مشاكلكم بتحنل يارب . تحياتي الك


__________________________________________________ __________

انا اهلي بعرفو با الموضوع واهله كمان بس ماحدا قادر يخليه يتراجع عن مشورعه وانا والله خايفه وتعبانه كل يوم احس اني بضيع انا وولادي بسببه بس شو اعمل اكتر من هيك حتى لما افكر اني اسيبه بضل المشكله هي ولادي وين اروح فيهم بلدي مابرضو في اولادي بدو يعمل مشاريع ومو مهم نتائجهم وبس يخسر بحكي ياريت رديت من اول


__________________________________________________ __________

السلام عليكم ورحمة الله وبركاته

اختي الله يعينك هذة مشكلة الكثير
فهنا عدم التفاهم وعدم الحوار والعجلة في الامور

اختي ان اقبلتي بآي عرض او شيئ تدكري انكم تستخيروا الله في الامور كلها

اختي لازم يكون لك كلمة ورآي وتتفقي انتي وزوجك في كل شيئ

ولا تتعجلوا والله يكون بعونكم

استغفر الله العظيم رب العرش الكريم

تحياتي لكم


__________________________________________________ __________

مشكلتو انو بيتاجر في الاسهم

هي اكبر مشاكلو زي ما فهمت

لو بيترك هاي الطريق يمكن حالكم يتغير


الله يعينكم ويهديه احسن من كل اشي

لا اتطاوعيه في تجاره الاسهم وخليكي معاه في اي مشروع تاني

وتقبلي مروري


__________________________________________________ __________

الله يعنيك