عنوان الموضوع : بنات طلبتكم لاتدعون على احد..تعالووو شوفو وش صار معاي اليوم
مقدم من طرف منتديات نساء الجزائر

بنات طلبتكم لاتدعون على احد..تعالووو شوفو وش صار معاي اليوم



حبيباتي اسمعوالقصه

كيفكم حبيباتي
اول شئ بحطكم في الصورة عشان تعرفون معاناتي
انا لمن يروحون عيالي للمدرسة قلبي يشب نار
احس بخوف عليهم مو طبيعي لدرجة زوجي يقول انتي موسوسه
مايجيني نوم الين يرجعون للبيت
الله لايحرمني منهم
في الصباح لمن يدق تليفون البيت يفجعني
اتوقع وحده من مدارس عيالي
يارب تستر عليهم
المهم اليوم الصباح دقت ع البيت وحده بالغلط
واعتذرت وقفلت
انا قفلت السماعة ودعيت عليها
قلت فجعتيني الله يفجعك
يارب سامحني ولاتفجع مسلمة
هالكلام الساعة 11 تقريبا
الساعة 12 جالسة بالصلاة انتظر وصول عيالي
وطبعا اول واحد يجي الصغير اللي بالروضة
الله يحفظه ويخليه لي
والصغير هذا من بين اخوانه له حب مو طبيعي
وشقاوته جننتني وجننت ابلته
انا راده الباب وجالسه ع الكنب
الا الداده اللي معاه بالباص اندونوسية
ولاعمرها دخلت البيت بس توصله للباب وتروح
المهم داخله بالباب
وتصيح مدام مدام مدام
بنات رجليني ماتشيليني حسيت ولدي صار له شئ
انفجعت وربي فجعه ماتتخيلونها
يوم رحت يمها الا تشيلي نظر عيني وقميصه من ظهره غرقان دم
يوه يابنات ماتوقعته حي وربي
ياربي سترك عليه ياربي احفظه لي
يطامر بالباص واخذ السايق لفه وطاح على قزاز الشباك
من الجنب وانفتح رأسه
فتحه صغيرة بس الدم شئ
وربي مادري كيف اخذته بس اشوف هو يتنفس والا لا
الحمدلله اللي هونها علي
يارب تحفظ صغاري وتسامحني على دعوتي على الحرمه المسكينه
تكفون لاتدعون على المسلمين والمسلمات
الدعاء اذا ماهو بمحله يرجع على صاحبه
ادعولي بنات ربي يحفظ لي عيالي ويرزقني برهم
أهي أهي أهي

>>>>> ردود الأعضـــــــــــــــــــاء على الموضوع <<<<<
==================================


الله يحفظ لك عيالك
ويرزقك برهم


__________________________________________________ __________

الله يهدينا وإياكم ويصلح أولادنا ويحفظهم جميع ..
وهذا خير مثال أختي ..
ومشكورة على نقل تجربتك ..للعظة والعبرة ..
تقبلي ودي ..


__________________________________________________ __________

الله يهديك يا اختي حاولي تخففين من الدعاء اذا متعوده عليه

الله يحفظلك اولادك ولا يفجعك فيهم


__________________________________________________ __________

الله يحفظهم لك ويخليهم والله ويرزقك برهم ,,


__________________________________________________ __________

الي والله وانتي الصادقه الواحد يمسك لسانه والحمدلله ع سلامة ولد الله يشفيه ويشفى مرضى المسلمين
والحمدلله ع كل حال