عنوان الموضوع : لو خطيبك يقولك اول مره يشوفك يقولك(عاريه)
مقدم من طرف منتديات نساء الجزائر

لو خطيبك يقولك اول مره يشوفك يقولك(عاريه)



السلام عليكم ورحمه الله وبركاته

كيفكم ياحلوين؟؟

اخباركم ؟؟

بصراحه ترددت كثيراَ اني اكتب لكم قصتي بس قرات كم قصه وتشجعت اكتب لكم قصتي

اني بنت عمري 17 سنه في صف ثالث ثانوي دخلت المدرسه صغيره بلواسطه لان عمري ماكان يسعي لدخول المدرسه لصغر سني

عائلتي امي وابوي واخواني 5 وخواتي 2 واني الثالثه

خطبوني 3 وماوافقت وحتى ابوي ماكان يوافق

وفي يوم من الايام خطبني ولد عمي وهو مدين وملتزم وكل الي في حارتنا يشهدو انه رجال وحضى بحترام جميع اهالي الحاره برغم انه صغير عمره 21

جاء ابوي يسئلني ايذا كنت موافقه او لا ؟؟قلت اله لا ما ابغاه وبعدي صغيره

ابوي تكلم واجد وامي جت كلمتني وكثر الطق يفك للحام فوافقت

وحنا عادتنا في حارتنا ان يعقد ويشوفها ويصور معاها

اول يوم شافني فيه كانت حفلتي ماقال الي ولا كلمه ولا حتى سلم بس اخته قالت اله حط يدك عشان تسلم قال كيف احط يدي عليها وهي (عاريه)

اصدمت بقوه من كلمته وانحرجت وماقدرت اتكلم بعمره ماسمعت احد يقولي كديه وولد عمي اهو الي يقولها لي

بس انتظرت متى يلبسني الشبكه والدبل ويطلع

لما طلع رحت قلت لامي انه قالي كديه قالت ماعليه مسكين ماشاف بنات ماعنده الى اخت وحده ومسافره مايعرف كيفه البنات قلت ليها مو عذر انه يقولي كديه هدي كلمه مو بسيطه وايدا اول مره يشوفني يقولي كديه شلون بعدين امي حقرتني وراحت عني

قلت مابكبر الموضوع بس بنبهه على كلمته الي قالها(وخطيبي من النوع الي يعرف يبرر مواقفه )

لما قلت اله شلون تقول لزوجتك كديه وحتى ماتسلم قال اعذريني انا مابعمري شفت بنت كذا شكلها قلت اله يعني ماتشاهد تلفزيون ماتشوف البنات؟؟قال اشاهد وشوف البنات بس ماتوقعت ان في بنات في السعوديه كديه(اهو من صغره يدرس في امريكا)
قلت اله شفت بنات اعظم امريكا البنات الي فيها كلهم عبايات ماتشوفهم

قال لا بس الي اعرفه ان بنات السعوديه ان و....و....و.....

قلت اله المهم اني من النوع الي ماحب اتناقش واجد بس انبهك اني مو من النوع الي يسكت عن حقه وانت خطيبي وعزيز وغالي فما بقولك شي بس لا تجرجني وتقولي كلام كديه والمفروض ماتقول عاريه لان مو لابسه لبس عاري لابسه مثل اي بنت

قال طيب انا اسف اعذريني ماتوقعت اني بسلم او بلمس بنت يعني لمريكيات اشوفهم من بعيد لا بعيد

طوفت الموضوع وطنشته

بعد يومين قال انا مابغاك تلبسي برقع البرقع حرام قلت اله مو حرام قال حتى لو مو حرام زوجك مايبيك تلبسيه خلاص لاتلبسيه قالت اله طيب

وحنا قانونا في بيتنا ان البنت مايصير عندها جوال الى لما تنخطب امي مايعجبها بنت وعندها جوال لازم تكون مخطوبه او مزوجه

وخطيبي قلت اله ابي جوال قال اوكي

ونتظرت 3 شهور وماجاب الي جوال ولا حتى مصروف شهري مايعطيني ولما امي وابوي بيعطوني ماخد من عندهم اقول ليها لا خطيبي عطاني مصروفي استحي اخد من عند امي وابوي واني مخطوبه

قلت اله اني في المدرسه ما افطر لان ماعندي فلوس قال مايحتاج تفطرين اخذي فطيره من بيتكم وعصير مايحتاج تاخدي من المدرسه قلت اله ماحب كديه اني مع صديقاتي كل يوم الفطور على بنت شنو بسوي ايذا جاء يوم وصار دوري ان اشتري الفطور
قالي غيبي لا تروحين ايدا صار يومك عشان لا تشتري لاحد فطور

وكل يوم يجيب مشكله ويتهاوش واني من النوع الي مايهتم يعني اهو عصبي يجي يصرخ اقوله هونها وتهون والهون احسن مايكون صلي على محمد واسكت ولا اصارخ معه

اهو لما شافني كديه فكر ضعف في شخصيتي

وصار يجي كل يوم يصرخ ومره ضربني بدون سبب وهو معصب من ابوه ويتكلم معي عن الموقف قلت اله مهما يكون ابوك ومالك غناء عنه عصب وضربني

قلت اله ليش تضرب قال اسكتي لاكسر راسك

قلت اله لاتفكرني لما اسكت اخاف منك اني اسكت لان مابي ازيد المشاكل بس انك تمد يدك علي لا ماسمح لك

وقلت لامي ضربني شنو اسوي عشان احل هذي المشكله
قالت منه لنفسه بيعرف ان مو زين يضرب خطيبته لاتقولي له شي

قلت باخد بنصيحه امي وبسكت

بس وجهه مو وجه خير ماينعطى وجه تمادى وصار ماعنده شي غير الصراخ والضرب

قلت اله خلاص مابغاك خلينا نفسخ الخطوبه

قالي ادري انك ماتبغيني لان( انتي عندك علاقه بواحد انتي تبغيه وهو يبغاك )قولي اسمه احسن عشان اعرفه؟؟

قلت اله اني بنت ناس

ساعدوني شنو اسوي ماحبه اكرهه ماسوى لي شي عشان احبه كرهني في حياتي تعبت منه مو راضي يفسخ الخطوبه قال انه بيزوج وحده ثانيه ولا بيفسخ الخطوبه

شنو اسوي عشان اخليه يفسخ الخطوبه ؟؟؟

>>>>> ردود الأعضـــــــــــــــــــاء على الموضوع <<<<<
==================================


افسخي الخطوووبة لانه انسااان تااافهة كيف له ان يضربك وانتي مجرد خطيبته اسمحي لي امك لا تعرف ان تنصحك عددددل

ابتعدي عنه فورا لانه ما منه فااايدة


__________________________________________________ __________

ياربي عليك انتي اسمحيلي اقولك تحبين اللت والعجين زي مايقولوا
اولا اذا قال عاريه لانه ماعمره شاف وحده عاريه انتي حبه حبه لحد مايتعود على الموضوع
ثانيا لاتطلبي طلبات منه لو تموتي من الجوع لانه هو مفكر انك تستغليه اذا جاب من عنده كثر خيره وانتي اشكريه واذا ماجاب بعد الزواج راح تمصي دمه؟؟؟من كثر الطلبات
وثالثا لاتكسري الميانه لدرجة انه ماعاد يعملك حساب ويطول ايده عليكي والسبب انتــــــــــــــــــــــــي؟
حطي حدود موتخلينه علىالطالعه والنازله يضربك
الرجال يبي لهم نــــــــــار هاديه وكلام حلو ولاتدققين في كل شي ؟؟؟؟
اسمحيلي انتي اللي اسلوبك خطأ ونقل الكلام بين الاهل في كل شي مو صحيح
والله يكون في عونك


__________________________________________________ __________

اهلين اختي عاشقه يسعدني اني اكون اول من يرد لك
انا لو مكانك اذا جا البيت ماستقبله ولا اشوفه واقول لاهلي اني مابغاه واكيد اهلك حيتفهموا موقفك لانه صح
ولا تقولي باحاول اعدله اللي مثله مايتعدلوا
وخلي ابوكي يكلموا وهو في الاخير راح يرضخ ويتعب ويسيبك
والله يرزقك باللي احسن منه يحتويكي ويسعدك
اختك توفي


__________________________________________________ __________

انتي صغيرة على الزواج .. ما أدري ليش أستعجلتوا ...

خبري الوالد .. وشوفيه شو بيرد عليكِ ..

ناقشيه وخبريه السلبيات ...

وبعدين حتى هو صغير .. انتوا الأثنين صغار ..

فيمكن هذا من صغر سنه .. ما يعرف الحياة ...

بس يضربك وأنتي بعدك في بيت أهلك ؟

إذا صار الطلاق لا سمح الله ..

علاقة الأهل بتتأثر ..

حاولي قدر الأمكان تتجنبي هالموضوع ...

ناقشي أحد كبير بينكم .. خاصة أنكم أهل ..

كلمي أحد يكون واسطة خير ...

وان شاء الله خير


__________________________________________________ __________

عزيزتي ,, عاشقة الجش

قصة محزنة والله قصتك

انا اعرف ان فترة الخطوبة المعروف عنها ان الخاطب يعمل اي شيء

لكي يرضى خطيبتة ,,

الموضوع واضح جدا..........هذا الشخص لا يصلح للزواج

ضعي راحتك وسعادتك هي الاولوية في تفكيرك ,,,

يا اختى كيف سوف تكون حياتكِ مع هذا الزوج بطبع سوف يكون صعب المعاشرة

عصبي ويضرب ,, وانتِ كيف تحملتي ضربة لكِ ,,

هذة اهانة ما بيجوز يمد ايدة عليكِ ,,و بأي حق أصلا هو يضربك؟؟

لا حول ولا قوة الا بالله

شنو اسوي عشان اخليه يفسخ الخطوبه ؟؟؟

كلمي ولي امرك وخبريه بكل شيء عملة معك حتى يذهب لعمك

وانشاء الله عمك يجد لكِ الحل ,,

تحياتي ,