عنوان الموضوع : منشان الله انصحووووووووني تعبت من التفكير
مقدم من طرف منتديات نساء الجزائر

منشان الله انصحووووووووني تعبت من التفكير



السلام عليكم ورحمة الله وبركاته

انا عايشة حياتي على امل وثقة برب العالمين بس مابعرف ساعات بحس حالي صح وساعات بخاف بدي منكن تساعدوني بنصائحكم

انا عمري 18 مرباية ومحترمة كتير باحدى الأيام دخلت تشات وصرت مشهورة هنيك الكل بيعرفني ومشهورة بين الكل باحترامي وأخلائي بيوم من الأيام حكيت مع واحد لأول مرة تناقشنا عادي وبكل احترام ويا أخي وهيك وكانت المرة الوحيدة يلي منعرف فيها بعض يعني مو من زمان شايفين بعض
المم صرنا اصددقاء وبينا كل شي محترم ومن اخلائي وتهذيبي واسلوبي بالحكي كتير انشد الي وحبني وحبينا بعض وصرلنا هلأ سنة بالضبط المهم الشاب كتير كان سادئ وبدو يخطبني
ونحن منحكي ع النت صرت قلو انا بنت بشعة موحلوة بنوب مع هيك بعت اهلو يخطبوني للعلم انه ماشافني ولامرة ولاصور المرةة الأولى يلي شافني فيها هيا ببيت اهلي
المهم اهلي رفضو لسبب انه هو بعيد عن منطقتنا يعني من عنا لعندهم 3ارباع الساعة بالسيارة ورافضين انه منطقة بعيدة وهيك
بس انا والشاب منحب بعض كتير وعلاقتنا كتير قوية ومافي بيناتنا شي غلط بالعكس دايما منحكي عن الدين والأحكام يعني ماصار بيناتنا شي غلط ولاحتى بالحكي
ولو بدكم تقولولي شو حب ومدري شو فسدؤوني انا واثقة من حب هالشخص ئلي مليون بالمية ولو بخيروه بيني وبين روحه بيختارني والدليل كتييييييييييير شغلات صارت بهالمدة يلي بيناتنا وتركنا بعض وبعدنا كتير بس دايما رب العالمين بيجمعنا
يعني يلي بينا كل خير ونحن قاصدين كل خير بس مامنعرف نحن عنا أمل برب العالمين كتير
وللعلم انا من عيلة متحفظة يعني ماعنا حب وخرابيط وحكي شباب بس انا خبرت امي واختي وخالي دري من امي بالموضوع لما الشاب اجا خطبني بس ابي مابيعرف وبخاف كتير خبرو انه هالشاب وانا منحكي
ونحن طالبين الخير والحلال ومابدنا غير هيك يعني لو اهلي بوافقوا ليجي يخطبني اليوم قبل بكرا بس دايما بقلو استنى لاخد البكالوريا ونحن خايفين لو اجا كمان اهلي يرفضوا
ونحن مستحيل نعيش بدون بعض وكمان هو حاللف يحربم علي البنات من بعدك ومابلمس مرأة غيرك وانا مو كتير هالجمال لتقولي متعلئ بجمالي بس وربي مابعرف نحن املنا برب العالمين كبير بس موعارفين شو نعمل

بدي نصيحتكم اخواني انتوا خبرة ممكن تنصحوني؟

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمة الله وبركاته
ياعمري انت قلت ان اهلوا زاروكم وشافوك والشاب شافك ولكن اهلك رفضوا لبعد المسافه بيناتكم
ولو اني مااشوف بعد المسافه مبرر لرفضك
وبعدها وباخر الطرح تقولين انو هو مستعد يجي يخطبك اذا اهلك وافقوا
ياعمري اذن الموضوع الان متعلق باهلك وبس
وافقوا وخلاص
ربي يسعدكم ويهنيكم


تحياتييييييييييييييي


__________________________________________________ __________

حبيبتي بعد المسافه مش سبب متل ما قالتلك الاخت المشرفه لو كان كل واحد منو باخر الدنيا عن التاني وربنا كاتبلو نصيب راح تكونو لبعض انا خطيبي بعيد عني ساعتين تقريبا بلسياره وكنت كتير خايفي لما طلبني وكنت مفكره ما راح يقبلو بس رب العالمين كاتبلي ون من نصيبو نصيحه حارحي ابوكي وخبريه احسن ما تطول العلاقه بينكو ويعرف من حدا تاني ويعند اكتر واتكلي على الله وازا الله راد تكونو لبعض راح يقبل اكيد وانا بدعيليك من قلبي اهلك يوافقو وتعيشو ل العمر مع بعض من غير ايه مشاكل ويضل الحب بينو على طول بلتوفيق


__________________________________________________ __________

يسلمو اخواتي

معكم حق مو مبرر بس هيك ابي

اختي المشرفة انا قصدي اتقدملي اول مرة ورفضوا اهلي منشان هالسبب بس نحن بدنا بعض ومو عارفين يتقدملي مرة تانية او لاء او ايمت بدو يتقدم ولو رفضوا شو بصير ولو خبرت ابي شو قلو؟قلو اتعرفت عليه من النت؟ مابتفوت براسه والله

قولولي شو اعمل

نتوكل ع الله ويجي يطلبني مرة تانية؟
ولو رفضوا شو بدي ساوي؟


__________________________________________________ __________

يعني اهلي هما يلي موراضيين


__________________________________________________ __________

طيب ياعمري قلتِ ان الوالده عارفه بالموضوع خليها هي تكلم أبوكِ ويرجعو أهل الولد يخطبوكِ من جديد
حاولي حبيبتي انك تنهي هالموضوع والكلام معاه وارسي لك ع بر والله يوفقك للخير