عنوان الموضوع : أنتي مطلقه ................لاتتشرطين
مقدم من طرف منتديات نساء الجزائر

أنتي مطلقه ................لاتتشرطين



السلام عليكم:
كيف حالكم حبيباتي والله أشتقت لكم بس انشغلت الفتره الماضيه عن المنتدى
رحنا العمره وجلسنا فتره في مكه ودعيت لكل اللي دعولي إن الله يحقق أمانيهم

المهم
الكل تقريبا عرف موضوعي وليش أنا تطلقت والظلم اللي حصل من زوجي
والحمد لله أنا صابره ومحتسبه لكن اللي يصير لي يذكرني دائما بالظلم اللي
حصل لي ويرجعني للهم والألم والدموع
أنا ولله الحمد أنخطبت من أكثر من واحد ولله الحمد خصوصا إنه مامر على طلاقي
أكثر من خمس شهور بس مو هذي المشكله المشكله إني إذا جيت أناقش أهلي
باللي يخطبوني أو أرفضهم لسبب ما قالو لي أنتي مطلقه وتتشرطين
طيب وإذا كنت مطلقه ما يحق لي أختار الإنسان اللي راح يشاركني حياتي
ما يحق لي أطلب مواصفات معينه في الرجل اللي راح يكون أبو لعيالي
طيب وش ذنبي إذا أنا إنظلمت من إنسان أناني مافكر فيني ولا قدرني
إنسان ماعنده رجوله ولا عنده أي إحساس بالمسؤوليه
ليش الرجل إذا طلق يحق له يختار اللي يبي ويتزوج اللي يبي
مثل زوجي اللي خطب وحده من قرايبه بنت ماتزوجت ووافقو عليه رغم إنهم
عارفين وش سوا فيني يعني الرجل إذا أخطأ يبنسي خطاه ولا كأنه سوا شئ
لكن الزوجه حتى لو ماتخطي تجلس تدفع خطأ غيرها طول عمرها
أنتي مطلقه لاتتشرطين أنا ماكثرت الشروط لكن لا بد أكون حريصه على
الزوج اللي بعيش معه باقي عمري ولازم أكون أحرص حتى ماأكرر معاناتي
مع زوجي الأول أبي صاحب دين وخلق يقدرني ويقدر أهلي ويسعدني
أبي ماأكون زوجه ثانيه وأكون سبب في تعاسة أي امرأه لأني قبل كل شئ أحط
نفسي بمكانها
يعني إذا كنت مطلقه لازم آخذ أي واحد يتقدم لي وهو يروح يعيش حياته
وأنا أجلس طول عمري أدفع غلطه مالي ذنب فيها
طيب وإذا ماجاني اللي أبيه وش أسوي
حسبي الله عليه ذبحني وجرحني آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ ه
بس أحس الدنيا مسكره بوجهي تعبت من كلام اهلي وكلام الناس حتى أن فيه
وحده قالت لي بنات تزوجوا متزوجين أنتي مطلقه تبين ولد قالتها بإستهزاء
ماتدري أنه فعلا جاني ولد بس مستحيل أتزوج واحد ماتزوج لأنه لابد مايجي يوم
ويقول لي أنا تزوجتك وأنتي مطلقه وغير كذا مايمدحون أخلاقه وش أسوي
والله تعبت أنا عارفه إنه هذي أرزاق من الله لكن ليش نظرة الناس والمجتمع للمطلقه كذا
ترى والله ما يحس بمعاناة المطلقه إلا اللي جربته
أنا مظلووووووووووووووووووومه
ماأدري أرضخ لضغط أهلي وأتزوج اللي يجي ولا أصبر على كلامهم وأنتظر اللي ببالي وأخاف أتأخر ويروح عمري
أنصحوووووووووووووووووووني الله يخليكم

>>>>> ردود الأعضـــــــــــــــــــاء على الموضوع <<<<<
==================================


أولا ...الله يكون في عونك يا أختي على اللي يصير معك مع اني ماعندي علم بتفاصيل مشكلتك بس والله زعلت علشانك جدا ودعيت ان الله بفرج همك ويسعد قلبك ويرزقك بانسان يستاهلك ويقدر هالجوهرة اللي الله رزقه بها ...لأن تفكيرك ماشاء الله وحدة غيرك كانت تعطي لنفسها الأعذار وتعمل ما تريد الله يزيدك من الحكمة والعقلانية ..
تانيا أنا أؤيدك في كل ما قلتي وحسيت بك مع اني لست مطلقة ( لأنك قلتي ما تحس بشعوري الأ المطلقة ) نعم أختي تمسكي برأيك وحاولي تقنعين أهلك به وأخبريهم هل تريدون أتزوج اي شخص وأحمل لقب مطلقة لمرة تانية .....لا انتي انسانة ومن حقك الدفاع عن نفسك ورأيك ولا تتنازلي لأنك مطلقة لأنه من حقك أن تعيشي حياة اسريه هانئة سعيدة مع زوج محب يحترمك ويقدرك ويخاف الله قبل كل شيء حتى لا يظلمك ....
وأسأل الله العظيم أن يفرج كربك ويرزقك من حيث لا تحتسبين .....وبالنسبة لزوجك السابق الذي ظلمك وكلي أمرك فيه الي الله فقط ولا تزعلي نفسك ولا تفكري ومثل ما قال المثل ((يابخت من بات مظلوم ولا بات ظالم ))
ولا تنسي الصلاة وقيام الليل والدعاء أختي والله لن يتخلى عنك أبدا فالله هو أرحم الراحمين .....


__________________________________________________ __________

لانك عايشه في مجتمعنا الرجعي


__________________________________________________ __________

بس ياعمري الرجل لو اصبح عمرة في ستين يستطيع ان يتزوج وينجب
ولكن المرءة فترة وينتهي كل شي

لاتضيعن عمرك وانتي تنتظري
اذا جاءكم من ترضون دينه فزوجوه
الله يوفقك يالغلا


__________________________________________________ __________

المشاركة الأصلية كتبت بواسطة الزوجة المطيعة
أولا ...الله يكون في عونك يا أختي على اللي يصير معك مع اني ماعندي علم بتفاصيل مشكلتك بس والله زعلت علشانك جدا ودعيت ان الله بفرج همك ويسعد قلبك ويرزقك بانسان يستاهلك ويقدر هالجوهرة اللي الله رزقه بها ...لأن تفكيرك ماشاء الله وحدة غيرك كانت تعطي لنفسها الأعذار وتعمل ما تريد الله يزيدك من الحكمة والعقلانية ..
تانيا أنا أؤيدك في كل ما قلتي وحسيت بك مع اني لست مطلقة ( لأنك قلتي ما تحس بشعوري الأ المطلقة ) نعم أختي تمسكي برأيك وحاولي تقنعين أهلك به وأخبريهم هل تريدون أتزوج اي شخص وأحمل لقب مطلقة لمرة تانية .....لا انتي انسانة ومن حقك الدفاع عن نفسك ورأيك ولا تتنازلي لأنك مطلقة لأنه من حقك أن تعيشي حياة اسريه هانئة سعيدة مع زوج محب يحترمك ويقدرك ويخاف الله قبل كل شيء حتى لا يظلمك ....
وأسأل الله العظيم أن يفرج كربك ويرزقك من حيث لا تحتسبين .....وبالنسبة لزوجك السابق الذي ظلمك وكلي أمرك فيه الي الله فقط ولا تزعلي نفسك ولا تفكري ومثل ما قال المثل ((يابخت من بات مظلوم ولا بات ظالم ))
ولا تنسي الصلاة وقيام الليل والدعاء أختي والله لن يتخلى عنك أبدا فالله هو أرحم الراحمين .....

يا أختي أنا قصتي غريبه وإذا بغيتي تعرفينها افتحي موضوعي آهاتي بعد فراقك ياليان
والف شكر لك حبيبتي على كلامك اللي صار مثل البلسم لجراحي


__________________________________________________ __________

المشاركة الأصلية كتبت بواسطة روز الرياض
لانك عايشه في مجتمعنا الرجعي

فعلا ياأختي روز متى تتغير نظرة الناس للمطلقه صارت الوحده تشوف النون وما يعلمون وتصبر علشان ماتمر بهاللحظه الله يعيننا بس