عنوان الموضوع : ندمانه على سالفه قلتها
مقدم من طرف منتديات نساء الجزائر

ندمانه على سالفه قلتها



مرحبا

يابنات عندي سالفه ودي اقولها لكم مضايقتني مره وكل ما اتذكرها اكره نفسي واتمنى انه صار شي هذاك اليوم ومنعني من اللي سويته
انا يابنات لساني متبري مني ما احفظ السر واثق بأي احد واقول له كل شي حتى لو اهلي قالو لي لاتعلمين احد اقول طيب لاتشيلون هم واذا شفت وحده وجلست معها وطولنا بالحكي اثق فيها على طول وافرط اللي عندي كله والله كنت غبيه وثرثاره لكن انضربت على راسي وماعدت اتكلم بشي وسرت اتعقد من جلستي مع الناس واحاول مااتكلم كثير عشان لساني ماينفلت بشي اندم عليه لأني شفت خيانه من اللي حولي من يسمعو مني شي يروحو يفضحو فيني وينشرو كلامي
لكن الحين اخذت درس وانضربت على راسي وسرت احفظ السر ومو
اي شي اقوله للناس
المهم
كان فيه موقف ما انساه قلت كلام انقلب على راسي
بقول لكم السالفه
اخوي الأصغر متزوج من قريب وزوجته طيبه وحبوبه انا من شفتها كذا وثقت فيها ع طول وقلت لها سالفه كانت امي مانعتني اقولها لأحد
ومن غبائي رحت اقول لها
السالفه انو اخوي الكبير قال لأمي ايش رايك اكلم زوجتي عن ندى تخطبها لاخوها او ولد اخوها
انا سمعت السالفه غلط ورحت اعلم زوجة
اخوي الاصغر قلت لها انو فلان وفلان خطبوني بس انا رفضت<<ابو البكش
استغربت هي وطالعت فيني قالت طيب ليش ماوافقتي قلت بس كذا
انا شفت نظراتها تغيرت
وعرفت بعدين ان الولد يطلع ولد خالتها
وهي تمون على خالتها مره يعني اكيد بتروح تقول لها بس من عرفت بعدين ان لها علاقه فيهم امنتها انها ماتقول لأحد وقالت
ماعليك

اللي انا خايفه منه شيئين : يا أما انها بتعلم
خالتها وبنطيح من عينها
لأن خالتها مادرت عن الموضوع لانه كل الكلام كان بين اخوي وامي
الشي الثاني اخاف انها تعلم اخوي ويسوي سالفه مع ان كلامي لها
كان قبل سنتين بس اكيد للحين باقي براسها اخاف في يوم من الأيام يصير بيننا سوء تفاهم وتروح تتكلم بالموضوع وتفضحني
والله كل ما اشوفها اتذكر كلامي لها واندم قد شعر راسي


شورو علي يابنات دخيلكم مالي الا الله ثم
انتم حتى خواتي ماقلت لهن السالفه اخاف ياكلني بقشوري
لاتطنشون الموضوع يابنات الله يسعدكن محتاجه لو كلمه تجبر خاطري

>>>>> ردود الأعضـــــــــــــــــــاء على الموضوع <<<<<
==================================


فديت قلبك ياندى والله انك طيووووبه

اول شي حاولي تغيري من اسلوبك وحاولي تمسكين لسانك بالبدايه رح يكون صعب بس بعدين رح تتعودي --

واما زوجةاخوكي الموضوع تقولين له سنتين --يعني لاتشيلين هم ولاتفكري لانه لو تبي تتكلم كان تكلمت من زماااان وسمعتي بالمووووضوع----

لاتوسوسين حبيبتي وانسي السااالفه



والله يسعدك ياندى الحلوووه دنيا واخره


__________________________________________________ __________

اهلين اختي ندى
حالتك هذه تشبه حالتي احب اقول كل شي بس قدرت اضبط نفسي وسويلي stop
ثاني شي اذا مرت اخوك طيبه زي ماتقولي اكككككيد راح تحترم طلبك لانك اخت زوجها
واذا تحب تسولف كثير مثلك اكييييييد راح تجيب الطاري لهم . لاكن انتي ادعي ربك هذا الدعاء وربي راح يحفض لك كل شي (اللهم إني أسألك العفو والعافية في ديني ودنياي وأهلي ومالي

اللهم استر عوراتي وآمن روعاتي

اللهم احفظني من بين يدي ومن خلفي وعن يميني وعن شمالي ومن فوقي وأعوذ بك أن أغتال من تحتي)واتمنى لك التوفيق


__________________________________________________ __________

*بسم الله علي*
‏*اضواء القطب*
مشكوراااااات
خففتو عني الله يخفف عنكم ويفرج همكم دنيا وآخر ويسهل دربكم يارب


__________________________________________________ __________

لاتخافين حبيبتي السالفه لها سنتين وتفكرين فيهاا لوكانت تبغى تقول كان قالت من زمان وانتي لاتثقين بأي احد خلي كلامك رسمي وبشكل عاام بعيد عن الخصوصياات وسالفتك بسيطه حبيبتي لاتشيلين هم
والله يسعدك ويوفقك ..


__________________________________________________ __________

خلاص خليها درس لك العمر كله

وان شاء الله ماراح تقول لحد

ولاتفكري في الموضوع كثير تتعبي

والله يرزقك بالزوج الصالح