عنوان الموضوع : الي سويته صح ولا لأ؟؟؟
مقدم من طرف منتديات نساء الجزائر

الي سويته صح ولا لأ؟؟؟



السلام عليكم ورحمة الله وبركاته

كيفكم صبايا وشو اخباركم .. حبيباتي حابة اشوف رأيكم بشغلة سويتها ورجعت ندمت عليها .. بس الله يهديني انا وتسرعي...

اتصلت علي صديقتي.. وقالت لي ابغاكي في موضوع .. بندور لاخوي على عروسة..وابغاكي تشوفيلنا وحدة حلوة زيك وناعمة زيك وبيضاء زيك ..
قمت انا قلت لها تبغي وحدة زي انا فيه اختي !!!
قامت قالتلي بالله طيب شوفيلنا الموضوع مع اهلك ورديلي خبر .. انا ندمت كثير اني اتسرعت وعرضت اختي عليها مع انو ماشاء الله اختي ما ينقصها اي حاجة.. وانا بصراحة ما ادري صديقتي تعرف انو عندي اخت اصغر مني ولا لأ لانو عمرهم ما اتقابلوا مع احد من اهلي ولنا زمان من بعض ..

وندمت اكثر لما عرفت مواصفات اخوها الولد ما كمل دراسته ولسة يدور على وظيفة وانا عارفة اهلي ما يرضوا بكذا..

زعلت من نفسي عشان اتسرعت .. على الاقل كان سمعت مواصفات اخوها وبعدين اتكلم .. طيب دحين انا شايلة هم ردي عليها ايش راح اقولها .. وخايفة تصير حزازيات بيننا والسبب انا الله يهديني..

وانا من ساعتها قلت لها لو ماصار نصيب ما ابغى الموضوع يأثر على صداقتنا..

بالله لاتحرموني من ردودكم نفسي اعرف الي سويته صح وعادي ولا عيب والمفروض اني ما اسويه..

بانتظار ردودكم..

>>>>> ردود الأعضـــــــــــــــــــاء على الموضوع <<<<<
==================================


حبيبتى ليه انتى معزبة نفسك اولا انك تقولى لها على اختك مش غلط ولا حاجة وكمان ممكن تكون صديقتك عارفة انك عندك اخت فحبت تقولك كده وتلمح على اختك بس المفروض انك كنتى تعرفى المواصفات الولد الاول لانك بتقولى ان مواصفاته ما تتناسبش مع اختك فكدة ممكن صديقتك تزعل لو رفضتو اخوها فانتى ما تساليش عن الموضوع تانى ولو صديقتك كلمتك لو اختك بتدرس ممكن تقوليلها انها هتكمل دراسة ومش عايزة خطوبة دلوقتى بحيث انها ما تزعلش واهم حاجة تقولياها ان ده طبعا نصيب وان ده حاجة وصداقتكم حاجة وربنا يوفقك ان شاء الله ارجو انى اكون ما طولتش عليكى واكون افدتك


__________________________________________________ __________

حبيبتي عاادي جدا


انا صديقتي متزوجه واحد


واختها هي اللي كلمت اخته عليها

يعني نفس حكايتك الحين

وبعدين اذا الولد طلع فيه عيب انتي قولي لها


مثلا \ في ناس طلبوا اختك بدون علمك واعطوهم اهلك وعد


يعني زي كذا


او اسألي اهلك بالاول وشوفي ردهم


وخليهم يسألوا عالولد يمكن يطلع طيب ويستاهل


ربي يسعدك انتي واختي ولا يجيب الفراق والزعل ابدا بينك وصديقتك


__________________________________________________ __________

اشكركم اخواتي العزيزات على ردودكم ماقصرتوا والله....

وين البنات ابغى اشوف مزيد من الردود...


__________________________________________________ __________


__________________________________________________ __________