كل يوم اتعلق فيه اكثر من اليوم الي قبله مجابة
عنوان الموضوع : كل يوم اتعلق فيه اكثر من اليوم الي قبله مجابة
مقدم من طرف منتديات نساء الجزائر
كل يوم اتعلق فيه اكثر من اليوم الي قبله
السلام عليكم ورحمة الله وبركااااته
طبعآ كل وحده منكم مستغربه من هو هذا اللي كل يوم يزيد تعلقي فيه..!!
انا اقولكم
هو ربي خالقي
انا كل مااتذكر النعم اللي اعطاني ربي يزيد تعلقي فيه
كل يوم بل كل لحظه ودقيقه وثانيه اتعلق فيه زووود
وأهم نعمه عطاني ربي هي نعمة الأسلام الحمدلله اني مسلمه
ونجاني من اني اكون كافره
يابنات والله ناس كثير الآن وفي هذه الساعه المباركه اللي يعبد
البقر واللي يعبد النار واللي يعبد الفئران اعوذ بالله
وكمان في ناس كثير ممن ينعدون في تعداد المسلمين اللي فاقد عقله بسبب احد المسكرات
واللي جالس يكلم صديقته ( حبيبته) بالحرررام وفي ناس عاكفه على مشاهدة الأفلام المحرمه
وناس وناس اشكال وانواع من المعاصي
يارب لك الحمد
ليه مانحمد ربنا على اهم واعظم نعمه عطانا اياها ربي وهي نعمة الأسلام
حتى لو كنا مذنبين ليه مانحاول نعلن التوبه ومن الآن ليه دايم اسّوف التوبه واقول كل يوم
بكره كل يوم بكره عندك علاقه مع شاب اقطعي العلاقه من الآن اذا كنتي فعلآ قلبك
متعلق بالله ولاتقولين مااقدر تقدرين اشاء الله اذا عزمتي الأمر
وتجي وحده تقول انتي وش دراك
انا عندي هموم تهد الجبال وبصراحه مافي احد يسمعي وانا متضايقه وابي اشكي
وكل صديقاتي واهلي مشغولين عني ومافي احد افضفض له
هل حبيبك او صديقك اللي تفضفضين يريحك امانه قووولي الصدق
الصدقطيب لو نتفترض تقولين والله ارتاح شوي لما اقوله
طيب بنسبة كم الراحه ...؟
زين انتي كل يوم تقولين لصديقك حبيبك ايا كان مسماه عندك
طيب جربي اليوم طريقة الرسول اذا كان مهموم تعرفين وش طريقة الرسول
صلى الله عليه وسلم ...؟
انا اقولك وش طريقته
يقول ارحنا بها يابلال تعرفين وش هي ...؟
يعني على طول يلجأللصلاه لان فيها الراحه الحقيقه
وليس الوهميه وانتي ساجده لاتخلين شئ مضياقك الأ وقوليه لربي واطلبي من ربي
انه يشرح صدرك ويبعد عنك الهموم والغموم وبعد ماتخلصين الصلاه ادعي بأدعية الكرب والهم
وصدقيني هنا تكتمل الراحه على أصولها خلك متعلقه بربي
وابعدي عن الحرام مهما كان حبك وتعلقك له وخلي التعلق بالله وحده
تذكري حال الصحابه كيف كان تعلقهم بالخمر كانوا متعلقين فيه بشكل كبييير
بس لما ربي انزل تحريمه في نفس اللحظه كسروا الجرات ( الجره, الجرار)
اللي كان فيها الخمر ماقالوا والله ياربي حنا مانقدر نترك الخمر ليه ...؟
لان قلوبهم متعلقه بالله وحده وكل شئ يغضب ربنا يبعدون عنه مهما كان غالي على قلوبهم
اللحين لو اسأل اي وحده واقولها تحبين ربي بتقول اكيييييد احب ربي
طيب ان المحب لمن يحب مطيع
انا احب ربي يعني اطيعه في كل شئ هو امر فيه
ربي امر قال يانساء المؤمنين لاتنمصون
ولعن النامصه والمتنمصه
و شوفّو المشاغل كيف مليااااانه من اللي ينمصون ويوصلون الشعر بالشعر
وش تبون ازيد من اللعن الطرد عن رحمة ربي ...؟
بصراحه لما تكونين تحبين انساااان عزيز وغالي علي قلبك وقال يافلانه ترا انا غضباااااان عليك
اكيد بتسأليه ليه وش اللي غضّبك علي ...؟
ويجنّ جنونك الأ وتعرفين السبب اللي غضبه وتحاولين ترضينه بكل السبل والطرق صح والأ..؟
طيب هذا ربي قالك يافلانه لاتنمصين حواجبك ولاتوصلين شعرك بشعر اخر والا ترا انا غضبان عليك
وبعضهم الله يهديهم والله كان الكلام مولها هي مالها دخل تبي تكون حلوه وبسسس
حرام حلال هذا مو شغلها..!!
وتلاقينها وهي تنمص حواجبها ضحكها يملى المكان
يالله كيف تبارزين ربي بالمعاصي كيف تغضبين رب العباد ولاهو هامك
هل انتي قد النار اللي راح تمس حواجبك وفروة راسك يوم انك نمصتي ووصلتي شعرك
أسألي نفسك هالسؤال هل انا قد النار ...............
ملعووونه يعني ربي استبعد رحمته عنك
ليه مااقول انا احب ربي وببعد عن الشاب اللي حبيته وتعلقت فيه
عشان تعلقي بحب ربي اكبر من تعلقي بحب هالشاب
ببعد عن النمص والوصل لاني ابي رضا ربي علي ومابيه يغضب مني ويلعني
انا ببعد عن اللبس العاري لاني احب يكون ربي راضي عن لبسي
انا مايهمني عجب الناس او ماعجبهم طيب لنفرض انا لبست لبس عاااري
مره اكتافي كلها باينه وصدري نصه طالع وبنطلون ضيييق مرتب علي
وشافوني الناس وقالوا واااااااو لبسك مره حلو طيب وش بستفيد...؟ غضبت ربي نلت رضا الناس علي
لاتقولين لي انا والله سامعه فتوى انوا اللبس العاري حلال
ومدري ايش ياقلبي في حديث من الرسول صلى الله عليه وسلم
نساء كاسيات عاريات ...............لايجدن ريح الجنه)
وانا مااقلل من قدر العلماءوالمفتين بس يمكن انتي حوّرتي السؤال للشيخ فهو جواب لك على حسب سؤلك
في بعضهم تسأل الشيخ ياشيخ ماحكم اللبس العاري امام الزوج
بديهي بيقول لك حلال تجي يوم عرسها قدام الله وخلقهعلى المسرح لابسه لبس عااااااري يافلانه حرام لبسك
تجي وتقول انا سئلت الشيخ وقال حلال تلبسين عاري
امام الزوج
شفتوا كيف حوّرت الفتوى هو جاوب على انه امام الزوج وحددده
وهي قالت هذا امام الزوج ياالله وكل هالناس وينهم عميان ...!!!
يعني يوم رضتي الناس راحت عليك الجنه قولي لي وش بيفيدك لبسك في ذاك الوقت يوم تجرين وتسحبين لنار جهمنم...؟
خلي اللي عجبهم لبسك ينفعونك ويخففون حر النار عنك
وكمان في شئ بنات ناسينه او متجاهلينه
اللي هو اني ارفع شعري كله على فوق والبس الغطا فوقه
بصراحه كم وحده ماتعرف وش يسمى هذا ...؟
وكم وحده تجهل الحكم امانه اسألي نفسك تعرفين حكم اللي تسوي كذا ...؟
انا متأكده انوا أغلبنا نعرف انوا هذا داخل من ضمن الحديث اللي هو
صنفان من أهل النار لم أرهما، قوم معهم سياط كأذناب البقر
يضربون بها الناس، ونساء كاسيات عاريات، مميلات مائلات
رؤوسهن كأسنمة البخت المائلة، لا يدخلن الجنة ولا يجدن ريحها
وإن ريحها لتوجد من مسيرة كذا وكذا . صحيح
فياقلبي اتمنى منك ان كنتي بالفعل تحبين ربي
ومتعلقه فيه وتبين رضاه عليك اتركي رفع شعرك
وانتي خارجه من البيت اقصد اذا كنتي امام الرجال
لاتسويناها لميّ شعرك على تحت او حطي فيه ربطهترا الدنيا ماتسوى وحنا مو معمرين فيها
وخلو قلوبكم متعلقه بالله وحده دون سواه في جميع
تصرفاتكم في اكلك في شربك لاتنسي اسم الله في اكلك
في شربك لاتاكلين ولاتشربين شئ يغضب ربي
في لبسك انا مااقول لاتكشخين ولاتلبسين
وطول وقتك جلابيه لأ...
انا اقول البسي في حدود الشرع
ووسعي صدرك بالمباح وعيشي حياتك باطول والعرض بس
كل شئ مباح وحلال
وربي يوفق يسعد الجميع
ان اصبت فمن الله وان اخطئت فمن نفسي والشيطان
لاتنسوني من دعائكم
م/ن
>>>>> ردود الأعضـــــــــــــــــــاء على الموضوع <<<<<
==================================
الحمد لله على كل النعم التي اعطانا اياها الله وخصوصا نعمة الاسلام بل الحمد لله الف مره
ومشكوره اختي على هذا الموضوع الاكثر من رائع
__________________________________________________ __________
(من فقد الله فماذا وجد ومن وجد الله فماذا فقد)
اشكرك اختي على موضوعك الله لايحرمك الاجر
__________________________________________________ __________
__________________________________________________ __________
جزاك الله ألف خير اختي الغالية
بصراحة موضوعك جداجدا راااااااااااااااااااااائع
واثر فبني الله لايحرمك الاجر
__________________________________________________ __________
جزاكى الله خيرا أختى منااوى على ها الموضوع الجميل
الحمد لله على نعمة الاسلام وكفى بها نعمة
لك تحياتى
رد مع اقتباس
