ابي حل ضروري انا مره مره مره تعبانه
عنوان الموضوع : ابي حل ضروري انا مره مره مره تعبانه
مقدم من طرف منتديات نساء الجزائر
ابي حل ضروري انا مره مره مره تعبانه
ابي حل وش اسوي انا حبيت واحد موت ماشوف غيره هو كل دنيتي
وتزوجته وكان يحبني موت بس لما تزوجنا تغير مره مره مره مادري من ايش مع اني تنازلت عن اشياء واجد علشان عيونه
تخيلوا من تزوجنا ما حسيت اني حبيبته زي ماكان يكلمني من اول يوم ماحسيت بها الشي بس قلت يمكن السفر والا رهاق ولما وصلنا وارتحنا نفس الحكايه ساكت طول الوقت ما اسمع منه كلام حلو بشغف زي اول انصدمت لاني عروسه وما حسيت بها الشي ابد بس نطلع وكل واحد بجهه وحتى يرفض انه يمسكني بحجة انه ماتعود واذا طلعنا طول الوقت ساكت حتى لما روح البحر احس انا رسمين مع الاجواء رومنسيه تخلي اللي يحب من قلب يتكلم وتحملت ورحت انا اللي اتقرب منه وامسكه ويرفض وكنت ابكي بالغرباء حتى لما نكون بالسياره مايحكي معاي يحكي مع السواق طول المسافه لين نوصل بس انا ماسكت حاولت اتفاهم معاه وقلتله ليش تحاكي السواق لين نوصل حاكني ترا انا فرحانه فيك تخيلوا وش قال قال انا اسولف عن الدوله ومزياها قلت هذا وقته المفروض تحكي معاي انا وتلمني ونلعب سوى ونستغل هاالايام بالدقيقه ويسكت ومايحب يتناقش يقول اسكتي كل ماتكلم معاه في موضوع يقول اسكتي وهذا حالنا بس ماكان كيذا معاي على الاقل كان يحب سواليفي هالحين لا يسولف ولا يبيني اتكلم الا اذا سمع موضوع حب يستفسر عنه وياويلي لو ماقوله واشياء كثيره وسكت وتحملت ورجعناونفس الحكايه واسوء تصرفات بس يقولي تبغين تروحين لاهلك كل ما جاء خميس وجمعه كنت اتضايق ومستغربه بدل منتمشى ونضحك ونسولف ونعيش يومنا يبغا يوديني اهلي ويفضل انه يجلس مع اي احد غيري لواخواني بس انا لا لدرجة انهرت من الشهرين الاولى وقلتله اذاماتبيني يابن الحلال انا انسانه واعيه عادي ولاتتكلم فيني باي كلمه ولاانااتكلم فيك باي شي بنقول ماتوفقنا وخلاص وانا كنت عند كلامي والله لو قال ماابيك او انصدمت فيك لا تقبل وارضاى بالامر الواقع مع اني بخسر الانسان اللي احبه بس ما خسر صحتي وحياتي لاني حساسه وممكن اتعب او تجيني حاله نفسيه مستعصيه وقال لا انا ابيك واحبك قلت ليش تتصرف معاي كيذا طيب قال مادري بس احبك وبتغير بس انا ماشفت شي مع اني تغيرت انا مره لانه كان يعرف انه انا عند اهلي ماسوي شي ابد ولا اطبخ ولا انظف وبس مع صحباتي او في وظيفتي بالعربي دلع وحبيته ووعدته اني اتغير مع انه قال لاتتغيرين انا بزيدك دلع بس شفت عكس كيذا تماما وانا تغيرت حتى كل ماشفتني دمعت عيونها لاني تغيرت مره اطبخ وانظف واغسل ملابسه واكويها وكل شي حتى صحباتي خففت علاقاتي بهم مره لاني اموت فيه واثبت حبي له اما هولا مايحب يقعد معاي تخيلوا اذا كنت نايمه مستحيل يقول اصحي قومي اقعدي معاي مستحيل اتابع انا وياه شي في التلفزيون بس كوره طول اليوم ولا يتناقش معاي فيها مع اني احاول اتناقش معاه فيها علشان اتقرب منه بس يقول انتي ماتفهمين انا ماعاد اقدر اتحمل وشهو الحل حتى اذا جاء من الدوام مستحيل يسلم علي بس انا اللي اسلم دائما حتى اذا زعلت يطنشني يومين ثلاثه ولا يراضيني ابد الا اذا شافني طقت روحي وابي اتركه واروح اهلي بس وضربني مرتين علشاني اناقشه بحياتنا وقلت هاذي مو حياة بالاخص حياة اثنين يحبون بعض قبل الزواج يقول تحمليني بتغير قلت انا ابي الي كان يكلني كان يقول روايات من الكلام الحلو لين ذوبني هالحين ولا كلمه حتى بالفراش صمت تخيلوا حتى بصبح مايحب يحكي عن امس وايش صار في الفراش مع العلم اخذت اغلب اصوار الناس اللي حضروا الحفله وصبيتها عليه وخليته يشرب شوي منه انا قلت يمكن عين ولا تغير حاجه واذ حطني عند اهلي مستحيل يتصل علي ويسال عني واحيانا كثيره ما ياخذني ولا يدق علي يخليني انا م عند اهلي انا بموت وش اسوي هاذي بعض التصرفات اللي يسويها فيني صعبه اذكرها كلها وش اسوي ودائما بالبيت قاعده لحالي
>>>>> ردود الأعضـــــــــــــــــــاء على الموضوع <<<<<
==================================
طلقيه-طلقيه-طلقيه-لييييييييييييييييييييييييييييييييييييييييييه-تعانين ومن اولها -ارجوك عشان نفسيتك لاتتعب اناتعبت وانااقرا ثقالة الدم اللي فيه-لااله الاالله حسيت روحي بتطلع من القهر-روحي وشوفي واحد غيره-صح ماراح تحبينه -بس مايذل ياناس=الله ياخذ هالااشكال ياشيخه قرف
__________________________________________________ __________
والله اصبري وتحملي مدام تحبينه والله يعينك والله عصبت من قصتك بجد واحسك راح تطلع روحك وصبرك نفذ الله ياخذه من رجال ماحس فيك ولا بمشاعرك مالت بس اعذريني عصببببببببببت
اختي اما تنفصلين عنه او تدعيله ان الله يهديه
__________________________________________________ __________
بقولك الحل هو الحين شايف نفسه وحاس بإهتمامك فيه ... أنا أقولك حاولي تدلعي نفسك إخرجي عند أهلك بدون ما هو يقولك أوديكي عندهم واعزمي صديقاتك يعني أهم شي حاولي اتحسسيه إن حياتك مو فاضيه حاولي اتحسسيه إنك مشغوله بالأهل والصديقات واطلعي غيري جو إرجعي لمواهبك قبل الزواج مثلاً إشتري كتب واقرأيها وقت وجوده بالبيت حسسيه إنك مشغوله صدقيني بيمل كثير وبيحسك اتغيرتي والرجال يخاف يخاف يخاف ويموت من الخوف لو حس إن زوجته اتغيرت وصارت تهتم بأشياء ثانيه ... جربي نصيحتي حبيبتي ما راح تخسري شي ولا تحسسيه إنك متضايقه من تصرفاته بالعكس خلك واثقه من نفسك وخلي شخصيتك قويه يعني لا تنكسري قدامه وتبكي عشانه اتغير بعد الزواج حسسيه إنه ما يفرق عندك ...
جربي هالطريقه وقوليلي شو صار أبصملك بالعشره إنه راح يتغير ويرجع يحبك أكثر من الأول بعد ..
__________________________________________________ __________
لالالاتصبر-لانها لوبتصبر شوي بتحمل منه وبيصير راميها اكثر ولايسال عليها-تطلقين بااسرع وقت قبل فوات الاوان=
__________________________________________________ __________
إسمعي مني يمكن زوجك حس إنه خلاص صار مسؤول من عيله لأنه كان متعود ع العزوبيه إنتي لا تكبري الموضوع يا الغاليه حاولي بكل الطرق وجربي نصيحتي لك وإذا ما تغير إرسليلي رساله خاصه وقوليلي إن نصيحتي ما فادتك أبد ...
ترى الرجال مزاجيين لأبعد درجه اتحملي شوي حبيبتي ما فيها شي لك الأجر من رب العباد لا تتضايقي يمكن اللي جاي أحسن من الأول ...
ولو ما نجحت نصيحتي عندي لك طريقه ثانيه بس انتي جربي النصيحه الأولى وحبيبتي هذا زوجك وحبيبك لو انتي ماطلعتيه من اللي هو فيه من بيطلعه ويغيره يعني ولا تطلبي الطلاق ابد ولا تجيبيه على لسانك وربي بيساعدك إن شاء الله ...
رد مع اقتباس
