عنوان الموضوع : أرجوكم ساعدوني
مقدم من طرف منتديات نساء الجزائر

أرجوكم ساعدوني



[السلام عليكم ورحمة الله وبركاته
أنا جديدة في المنتدى وان شاء الله أكون دايما معاكم
ودي أقول مشكلتي وإن شاء الله أرتاح من ردودكم الحلوه
أنا متزجة لي 3 سنوات والحمد لله الأمور تمام نحمد الله على كل حال
بس تقريبا ليا سنة وأنا أعاني من ضيق شديد من موضوع أثر على حياتي والصراحه ودي أتكلم
مشكلتي صديقتي كانت من أغلى الناس عندي وأعز صديقة وصديقتي الأن هيا زوجة أخي من سنة تقريبا بعد 3 شهور من زواجهم حسيت البنت تصرفاتها مره تختلف لا أتصال ولا تتكلم معاياجلست معاها بس ما صارحتني وقالت ما في شي بيننا وأستمر الحاله تقريبا 8 شهور بعد كذا ماشاء الله حملت وقت حملها جا أخويا عند زوجي وقال ليش أختي أتغيرت عل زوجتي أستغرب زوجي وقال اللي أدري أنوا زوجتك هيا اللي من أول ما صارت تتكلم مع زوجتي عموما
أخويا طلب من زوجي انوا يفتح الموضوع معايا عشان زوجة أخويا تبغا تتفاهم معايا وأنا انصدمت أول ما زوجي قالي قلت ما عندي مشكلة أجلس وأتفاهم لعل وعسى نرجع زي أول ورحت عندها وجلست وقامت تعاتبني إني أتغيرت عليها المهم بعد الجلسة أتصالحنا بس طبعا ما شفت شي بعد المصالحه كان تصرفها نفس الشي مع اني ما قصرت في الوصال المهم في جوانب أخرا إنها دائما تشوف اش عندي مثال زوجي جاب لي هدية أوكي تكون يوم كامل زعلانه من زوجها عشان تبغا هدية زي ما جاب لي زوجي وعرفت إنها تطلطل في حياتي كثير والله تقريبا من سنة وأنا أحس بضيق في بيتي وتعب في جسمي ودايما أبكي والله ما عاد صرت أوريها أي شي حتى أول ما كنت أوريها بس أخويا دايما يكون مع زوجي وهي تعرف من أخويا أش جاب لي زوجي واش ما جاب والله أول مره بعد زواجهم رحنا نتمشى مع بعض وأنا كنت مريضة فزوجي اشترالي ورده والله البنت زعلت من أخويا عشان ما اشترالها تصدقوا من يومتها والله زوجي ماعاد جبلي ورد ودحين أخويا أحس ما عاد زي أول أحس ما يتكلم معايا ودايما حوشان مني والصراحه أنا صرت أعاني من زوجة أخويا لدرجة إني لما أشوفها تجيني ضيقة وبكى ودحين هيا ما أدري حابة تتواصل مع أهل زوجي وأنا خايفة إنها تعمل مشكله معاهم وحصلت مشكله مع أهل زوجي والسبب زوجة أخويا بس لما أقول لي زوجي إني خايفة تسويلي مشكله مع أهلك يقول لا تشيلي هم وخليها على الله والله ما أدري كيف أتعامل معاها .
أدري اني طولت عليكم بس والله اش أسوي ليا سنة وأنا أعاني أعذروني لأني طولت عليكم بس أتمنى منكم الرد على موضوعي ومساعدتي وشكرا

>>>>> ردود الأعضـــــــــــــــــــاء على الموضوع <<<<<
==================================


اختي خلي معاملتك معها جدا رسمية يعني كانها وحدة لسئ تتعرفي عليها لاتعامليها كصديقة ابدا ولاتعامليها مثل العدوة عشان خاطراخوك وحاولي تعودي نفسك على انة ماتقولي لها اي شئ جابة لك زوجك يا اختي العين حق كما قال الرسول[ العين تدخل الرجل القبر وتدخل الجمل القدر ] وايضا اطلبي من زوجك انة مايقول لزوجها اي شئ جابة لك عشان ترتاحي من غيرتها وايضا ارجوك اقري على نفسك سورة البقرة والمعوذات اختي انتي انسانة عينك مليانة خير عشان كذا ماطالعين بلي عندها زي ماقلتلك خلي معاملتك جدا رسمية وكويس منك انك قلتي لزوجك عشان لو سوت لك مشكلة مع اهل زوجك يكون عندة خبر بتصرفاتها ......................الله يبعد عنك شرها


__________________________________________________ __________

اختي نسيت اقولك اني عندي نفس العلة الي عندك 5 سنوات وحنا كل اسبوع في مشكلة هذا غير نقل الكلام الي كلة كذب وتلفيق الي سببلي تفرقة عن اقاربي وفي النهاية والله عاملتها بنفس الطريقة الي قلتلك والحمد لله ارتحت من المشاكل وجع الراس والله انتي بنعمة ماشاء الله عايشة في بيت لحالك اما انا معها بنفس البيت .......................................دعواتك ان الله ياخذلي حقي منها ويفكني شرها


__________________________________________________ __________

الله اكبر .. لا لا هذا ماهي صديقه .. اعوذ بالله من الشيطان الرجيم .. اختي احذري منها لا تعمليها كصديقه ولا تخليها تدخل بينك وبين زوجك سوى من قريب او من بعيد او حتى عن طريق اخوكي .. كلمي اخوكي انه يكون يبطل كلام عن امور النساء لزوجك .. ايش جابلك زوجك وايش عملتي وايش سويتي ومن هذا الكلام .. هذه امور حريم الرجال مايدخلوا فيها .. وكمان كلامي زوجك لا عاد يحكي لخوكي شئ لانه الواضح السبب الرئيس في هذه المشاكل هو زوجك بيكلم اخوكي بحسن نيه واخوكي يكلم حرمته وهيا تعمل المشاكل لانها بتحسد .. قولي لزوجك لا يكلم اخوكي بشئ يخصكم سوى كبير او صغير .. ولا تخليها تتعرف على اهل زوجك نصيحه مني ليكي رح تخرب عليكي كثير امور.. لو دخلت بينك وبين اهل زوجك.. وخليها بعيده تماما عنك وعن زوجك وعن حياتك وسرارك انتي وزوجك وعن اهل زوجك حتى احذري من اخوكي لانه سبب المشاكل بكثرت كلامه عنكم ليها .. والله يعينك ويحميكي منها انتي وزوجك وبيتك وحياتك انتي وزوجك .. اختي صلى قيام لليل وادعي وقرائي قران والله مارح يتركك .. الله يعينك ..**


__________________________________________________ __________

أخواتي أشكركم على ردودكم وتفاعلكم مع مشكلتي والصراحه هذي المشكله من زمان وأنا ودي أتكلم عنها والحقيقة أنبسطت من ردكم وأرتحت وإن شاء الله أعمل بنصيحتكم وإدعولي بالثبات


__________________________________________________ __________

حياتي زي ماقالو البنات قبلي حاولي تكوني رسميه معاها وطولت السالفه معاك وحسيتي انك ضاقيه حيل اشربي من الكاس الي تشرب منه تخيلي انا صار معي نفس الشي ومن بعد من مرت اخووووي الله يعين على هادنياء