عنوان الموضوع : لاني خبرت اخواني ان امي في المستشفي جن جنونها
مقدم من طرف منتديات نساء الجزائر

لاني خبرت اخواني ان امي في المستشفي جن جنونها



بسم الله الرحمن الرحيم
خواتي الكريمات الله يعلم مدى ضيقي الان بدي منكم دعوة تنصرني على انسانة الله يسامحها ويظهر حقي
هذه الانسانة زوجة اخي الوسطاني اخي كان قبل ما يتزوجها قمة الرجولة والطيبة الان لو تحرقنا ردة فعله العصبية واتهامه انه كلام نسوان
طبعا اقسم بالله انا انسانة مسالمة وما بحب ازعل حدا والحمدلله زوجي بحبني وبحترمني واهله وجيراني وكل من حولي يشهد بحسن اخلاقي الحمدلله بس هي بالذات مصرة اطلعني شيطانة وشريرة وكتير عملت في عمايل واجدلها مبررات
المهم مبارح دخلت امي المستشفى تعمل قسطرة ورفضت تخبر اخواني ال3 من ضمنهم اخي زوج هذه الانسانة وهم بيعملوا بقطر
المهم انا والله شفقت عليها حسيتها زي المقطوعة لوحدها وكل المريضات جنبها بحكوا معهم اولادهم
حبيت اخبر اخواني ولسبب اخر هاي دنيا فيها حياة وموت الله يمذلنا بعمرها
المهم خواتي بعث مسج لاخي وقلتله امي بالمستشفى بس لاتخاف شي بسيط مجرد قسطرة
مرت نص ساعة وما رد
واللي يجيني مسج منها مكتوب فيه مين انتي
انا ما رديت علمسج خفت انو حدا غير اخي المهم دقايق والا بترن زوجة اخي انا والله والله شهيد علي حكيت معها عادي بجدية بس بدون اي اهانة او تجريح حكيتلها كيفك فلانة معلش احكي مع اخوي ردت علي بكره عجيب نايم انا بس يصحا ببلغه
قلتلها ماشي والله يعطيكي العافية وسكرت بدون ما ترد السلام
وترد ترن وتبلش في بهاذل وتحكيلي عيب عليكي وانتي مقصرة معي وليش تبلغينا وامك طالبة ما تبلغي لانها خلال ما اغلقت معي حكت مع امي جن جنونها ليش ابلغ اخوي وصارت تفتح مواضيع كلها ظلم بظلم حسبيا الله فيها وانا اكبر منها وعمري قرب للاربعين واخت زوجها وصارت تحكيلي انتي قصرتي معي ومعي ومع اخوكي طبعا انا كانت ردودي بدون تجريح او اهانات واخر شي سكرت التلفون بوجهي حسبيا حسبيا الله فيها ارجوكم خواتي والله رحت انجلط قبل شوي وحكيت مع اخوي الاصغر وانجن علي مع اني قلتله خلص انسا لا تحكي مع اخوي زوجها لكنه من قهره حاكي وانا متاكدة ما راح يعمل شي وفعلا حتى ما كلف خاطره يودي مسج لاخته الاكبر منه الوحيدة اله
خواتي ارجوكم انتم خواتي ادعولي الله يكفينا شرها والله لو ثقتي بالله وبكم لكنت بحالة يعلم بها انا متاكدة راح ارتاح بردودكم وسامحوني للاطالة

>>>>> ردود الأعضـــــــــــــــــــاء على الموضوع <<<<<
==================================


خواتي وينكم ولا رد والله كل شوي ادخل حتى ابرد قلبي بس لالاسف ولا رد والله انا ارد وادعي لكل موضوع ادخله


__________________________________________________ __________

الله يكون بعونك ويوكف بجانبك على كل من ظلمك ولفق عليكي كلام
مو صحيح بعدين احنا تعلمنا على هذه السوالف من نسوان اخواننا
ولا يهمك طنشيهم بتقتليهم وربنا معك


__________________________________________________ __________

هلا فيكي اختي انعام الله يريح بالك فعلا اخي الاصغر حكالي نفس الكلام وحكالي ليه ما سكرتي التلفون بوجها بس والله استصعبت اغلق بوجها وشوفوا شو سوت هي هي اللي سكرت وكانت اقوى منى بس ليس الظلم قوة انها قوة من يسيطر عليهم ابليس لعنه الله وهذه قوة زائلة دنيا واخرة جمعنا الله واياكي اختي على الخير احبك في الله


__________________________________________________ __________

حسبك الله ونعم الوكيل

الله معك حبيبتي


__________________________________________________ __________

الله يسعدك اختي سلامه ويسر امرك وادعيلي والله كلامك انتي واختي انعام خفف علي كتير