عنوان الموضوع : يتيمه ونفسيتي دمااااار -تم الرد
مقدم من طرف منتديات نساء الجزائر

يتيمه ونفسيتي دمااااار



السلام عليكم جميعا
من تردعلي ربي يجعل لها من كل هم فرجا ومن كل ضيق مخرجا ويرزقها
من حيث لم تحتسب
انا ماعندي احد اشكيله ولا احد يسمعني بعد الله غيركم
انا يوم كان عمري 19 وانا بهم مايعلم فيه الا ربكم
انا مابلغت يعني مانزلت علي الدوره الا بسن 19 وكانت نفسيتي سيئه للغايه لان اهلي مافكرو يعالجوني الا بوقت متأخر والحمدلله على ماجا من ربي المهم بعد الفحوصات والتحاليل اتضح ان عندي عيب خلقي بالرحم
كان رحمي صغير يعني رحم وحده عمرها اربع سنوات
والمبايض ضعيفه والدوره ماتنزل الا بحبوب وانا الحين عمري 25 سنه يعني تخيلو لي 6سنوات وانا اخذ هالعلاج اللي دمر نفسيتي حتى شعري
طاح المهم انا عزلت نفسي عن الناس والمجتمع بكبره كنت اتمنى مثل هالبنات اللي تجيهم الدوره بدون علاج كنت اتمنى اتوجع منها
وشلت فكرة الزواج من راسي مع اني انخطب من يوم كنت بالمتوسط كان يجوني ناس كثيرين وارفضهم وبعد ماجا عمري 24 سنه تقدم لي احد
اقاربنا طبعا كالعاده ابرفض لكن اهلي اصروا وغصبوني اني اتزوجه حتى خطيبي كلمني بنفسه يقول انا مقتنع فيك طبعا من دون علم اهلي المهم
تزوجنا وانا لي سنه ماحملت وزوجي واهله يبغون لهم حفيد لانه الاكبر بالعايله والناس اهلكوني بكلامهم حتى صارو يخافون على عيالهم مني وصرت اتجنب المناسبات اللي يكون فيها اطفال حتى تدرون اني شاريه اغراض البيبي احلم انو عندي ضنا تخيلو امسك الملابس احط فيها بودره حقت الاطفال واقعد اشمها واصيح المهم ماابغى اصدع رووسكم ابغاكم تنصحوني كيف اغير نفسيتي واعيش مع العالم حتى صرت اخاف يجيني مرض التوحد واذا اي وحده نفس حالتي وحملت تبشرني الله يبشرها باعلى منازل الجنه وتبشر بدعيلها كل ماذكرتها واسفه اني طولت عليكم

>>>>> ردود الأعضـــــــــــــــــــاء على الموضوع <<<<<
==================================


اختي العزيزة

انا حسب علمي انو الي رحمها صغير وكانه رحم طفلة صعب اذا ما كان مستحيل تحبل

بس انتي ليش ما تروحين دكتورة نسائية وتعالجين عدها هي تفيدك اكثر وتكولك اذا كان ممكن يكون

عندك طفل او لا ...وممكن كمن تنظملك برنامج علاجي تواضبين عليه وبعدها تحبلين فالطب الان متقدم وفي طرق كثيرة منها الانابيب

بس سؤال انتي كنتي مصارحة زوجك واهله بالمشكلة ...؟؟؟؟؟؟ لم تذكري هذا اثناء كتابة الموضوع


__________________________________________________ __________

اشكرك من كل قلبي انك رديتي علي
انا رحت لدكتوره وقالتلي انو الرحم كل ماله ويكبر
وانا عندي مراجعه الاسبوع الجاي وهذي اخر مراجعه لانها بتحولني
الى مستشفى العقم وانا ماابغى هذا يصير
وام زوجي وخواته كلهم عارفين بسالفتي
لاني طلبت من امي تقول لام زوجي اخاف بكره يقولون غشيتونا ومن هالكلام


__________________________________________________ __________

الله يفرج ضيقتك حبيبتي

حبيبتي الطب تطور لابعد درجه ماشاء الله

سمعت مره في برنامج صباح الخير ياعرب عن الحمل والي نسبه الحمل عندهم ضعيفه جدا

انه ياخذوو عينه من المبايض ويلقحونها واذا نجحت يرجعونها في الرحم هي اشببه باطفال الانابيب

بس الدكتور يقول انه لسى مو كل المستشفيات تسويها

وانا انصحك تروحي مستشفى التخصصي بالرياض مرت خالي راحت لها شووفي معرف شنو مشكلتها

بس ماجتها الدوره نهائي وماحملت الا بعد زواج 6 سنين وللحين الدوره ماتجيها بس ماشاء الله

بصبر ودعاء جاها بنات توئم والحين بالجامعه البنتين وبصحه جيده

يعني لا تيئسي من رحمت الله روحي لاكثر من دكتوره ولا تيئسي فديتك


__________________________________________________ __________

الله يسعدك يارب انشالله باخذ بنصيحتك يالغلا والباقي على الله
اللهم يامن امره بين الكاف والنون
ياارحم من الام الحنون ترزقك ماتتمناه نفسك


__________________________________________________ __________

الله يهووون عليكِ حبيبتي

ويرزقك بالذريه الصااااااالحه يارب