عنوان الموضوع : فشه خلق .. من بنت الجبيل الصناعيه الجديده
مقدم من طرف منتديات نساء الجزائر

فشه خلق .. من بنت الجبيل الصناعيه الجديده



هاي بنات ..
السلام عليكم ..كيفكم ..تمنياتي لكم بدوام الصحه والسعاده

بصراحه اطلعت على مواضيع الاخوات في هذا القسم ولله الحمد ما اقدر اعتبر موضوعي مشكله بكثر ماهي غصه مجرد لحظات ومع اخر كتابتي للموضوع تروح باذن الله ..
لكن بما ان السالفه فيها فضفضه .. هذا كلام في نفسي ماقلته لاحد وحبيت اشاركم فيه اخواتي في الله ..
بختصار انا بنت توني متزوجه من قريب .. واعيش بالجبيل الصناعيه حاليا .. بصراحه عقب زواجي توقعت ان كل من اعزه يفقدني خصوصا اني انسانه طيبه وربي شاهد اني ماقد ظريت احد وانا احب لناس الي احبه لنفسي .. لكن اكتشفت ان الطيبه في هالزمن مو كفايه .. عقب زواجي .. صديقاتي تخلو عني ولا كاني وقفت معهم وبديتهم على راحتي ونفسي .. وكثير من قريباتي كذلك ما اهتموا لي ابد ولا كاني عايشه حتى بعضهم ماتكلف يبارك لي بزواج !! و الان في هذا الشهر المبارك .. الي تحله فيه جمعات الحبايب والذكر الطيب.. وانا وحدي في مدينه ما اعرف فيها احد عزت علي نفسي حيل حيل .. ساعات تجيني غصه واحس ودي ابكي .. و زوجي كثير طيب معي وشايل همي وماوده يخليني لحالي وانا ما احب احس اني عاله او هم وازعج غيري .. لكن انا من جد حزناااانه على الصداقات الي بنيتها سنوات طويله واختفت بالهواء .. زعلانه على الطيبه واحسان الظن بالناس .. وجحدهم لي !! حزنانه على كل دقيقه بديت فيها الغير على نفسي وراحتي .. ويوم احتجتهم .. لاحياه لمن تنادي .. بديت انسى اذا الناس باقي فيها خير او لاء اضحك على صديقه يوم تبي تبارك لي بزواج تدق علي مس كول وتسكر .. بذمه وين اودي هالحركات .. ااه للاسف ياليت يرجع فيني الوقت واعيد اختار صداقاتي .. قالوا اتبع مبكيك ولا تتبع وضحكك واتوقع ان المثل سليم ..

اعذروني اخواتي انا ماتحفظت على كلماتي ولا رتبتها وطلعت عفويه..جتكم من قلبي الى قلوبكم.. وشكرا لمشاركتي موضوعي

ملاحظه .. اختي فيونكه صفراء اطلعت على احد مواضيعك ولذلك ارسلت لك

شكرا لحسن انصاتكم والله يسهل عليكم صيامه وقيامه ويجمعنا على خير ويشغلنا في طاعته ..

>>>>> ردود الأعضـــــــــــــــــــاء على الموضوع <<<<<
==================================


ممكن لانك توك متزوجه صديقاتك مستحين يتصلون وتكونين مشغوله صدقيني اكيد هذا السبب وبعدين ماعندك احد من قرايبك في الجبيل تروحين وتغيرين جو شوي لاني جربت الحياه في الجبيل الصناعيه وكانت غريبه عليه شوي بس بعدين تتعودين


__________________________________________________ __________

ياااااقلبي انا كنت من سكان الجبيل 18 سنه وووه بس فديت الجبيل وتزوجت ورحت الدمام والحين دايم اروح واجي الجبيل والله اذا تعودتي عليها بتحبينها وصديقاتك يمكن مستحيين ولاتحاتين حبيبتي وتعرفي على زوجات اصدقاء زوجك اللي ساكنين بالجبيل وكوني لك صداقات والله يوفقك يارب


__________________________________________________ __________

حبيبة قلبي الدنيا تلاهي وهذة حقيقة لكن ألتمسي العذر لكل حبايبك ولو أنا مكانك أتصل في صديقاتي وبصراحة يبان مع الكلام اللي فرحانة بسماع صوتك وفرحانة لكي وأكيد راح تبدي أعتذارها وراح تبان اللي ماتأثرت ولا حتى أعتذرت وقتها أرميها وراء ظهرك ولا تزعلي عليها الدنيا ماتستاهل ياقلبي وأخرجي وأتمشي وأنبسطي وكوني علاقات وأخوات جدد وأعتبريني أخت لكي يالغالية


__________________________________________________ __________

ياااااااااااااالله صرااااااااااااااااااحه تفاجأت وانصدمت ........اول مرة اسمع او اقرأ وحده متزوجه تزعل من صحباتها عشان تركوها ........صراحه انا اعرف انو العكس.......انا اللي اعرفه ان المتزوجه اول ماتتزوج تترك صحبتها الغير متزوجه -----وهذا اللي نفسي اعرفه ليششششششششششششششششششششششششششششش--
بس عندي سؤال اللحين صحباتك متزوجات اللي فقديهم ولااااااا آنسات
--------
يآالله يآالله يآالله ياام محمد ......الله يكثر من امثالك ومن قلبك الطيب...وربي انك صديقة صااااادقه ----وربي احب اهنيك على قلبك وصدقك ....
المذهوله \ ليــــــــــــــه ياابوي


__________________________________________________ __________

اختي الغاليه -انتي جربتي هاالشي مع صديقاتك-والحمدالله بس-انا جربته مع اقرب الناس لي اخواتي وبنات عمي وبنات خالي-انا مابمدح نفسي لكني كنت زيك اسهر ولاانام عشان راحت غيري-واغراضي والله والله والله انها الى الان موزعه في الشمال والجنوب وفي الرياض احب اعطي الناس اشيائي وفساتيني وكل شي حلو عندي لاني احب الناس مااحب لنفسي ومع ذالك لاحياة لمن تنادي لمن اطيح مافي حد يشيلني ولمن اصيح محد يردلي الصوت -عشان كذا نصييييييحه لوجه الله -نفسي نفسي نفسي