معاناتي كبيرة ارجو دخولكم جميعا خاصة المختصين في حل المشكلات -تم الرد
عنوان الموضوع : معاناتي كبيرة ارجو دخولكم جميعا خاصة المختصين في حل المشكلات -تم الرد
مقدم من طرف منتديات نساء الجزائر
معاناتي كبيرة ارجو دخولكم جميعا خاصة المختصين في حل المشكلات
السلام عليكم ورحمة الله وبركاته.....
اخواتي الغاليات عندي مشكلة مسببة لي حسرة في قلبي ويمكن مايكون لها حل راح ادخل
في الموضوع على طول ... وتحملوني شوي ...
مشكلتي هي إني كنت من أبر اخواتي لأبي وامي ,, وامي مطلقة واخواتي كانوا صغار والآن
الحمدلله
اخواتي كبار وربيتهم على المسؤولية والغالبية فينا ملتزمين ..
الحاصل : ان ابوي تمسك بي بحد فوق المعقول صار يبيني عنده لخدمته وبس ,, ولما احد
يخطبني يطـفـشـه أو يحاول يغير نظرتي للزواج ويوضح لي ان الزواج كله مشاكل واساسا انا
موناقصة فكرة سيئة عن الرجال من اللي شفته بينه وبين امي والاعظم انه لما ينتهي الموضوع
يجيني بعد شهرين يقولي تذكرين فلان اللي خطبك ترا أنا اللي طفشته وخليته ماعد يبغاك ..
وسبحان الله يتقدم لاختي شاب يحمل نفس المواصفات ويوافق عليه ويقول هي تبيه وراضيه .
ولو أصريت على شخص معين يعمل لي مشاكل من تحت الارض تخيلوا يخاصم حتى على نبرة
صوتي وطريقة كلامي .. وغيره وغيره .
حتى دار التحفيظ طلعني منه ويقولي اكملي حفظك في البيت ولا يبني اشتغل مع ان ظروفنا
على قد الحال وانا نفسي عزيزه ولا يمكن اني امد يدي لأحد لو اموت واختي اللي اصغر مني
دخلت التحفيظ والحمدلله ختمت المصحف واشتغلت براتب
أقل من الراتب اللي كنت اخذه والحمد لله تزوجت .. الله يوفقها ويوفق بنات المسلمين.
وكان عذره في حرماني من الوظيفة ــ انه مايبيني اركب مع سواق ( التوصيل) واصغر وحده
في اخواتي ــ تخيلوا ــ اشتغلت في نفس المكان اللي كنت فيه وبراتب اقل وتروح وتجي مع
سواق .!!!!
حتى الجوال أخواتي كلهم معهم جوالات ويكلون قدامه عادي إلا انا مايبيني امسك جوال .
والمصيبة اني تكلمت مع اختي الكبيرة في هذا الموضوع ـــ تضنون ايش كان ردها ؟؟؟
قالت لي انتي السبب اللي خليتيه يتعلق فيك لذي الدرجه خلاص اصبري عليه لما يموت .
وانا الان عمر 30 سنة ومن القهر شعري طلع فيه شيب كثير ــ بس شكلي صغير وجسمي حلو
ومتناسق وانا حلوه بعد ولله الحمد.. واجتماعية واحب الناس ومحبوبه جدا وهذا من فضل ربي .
تظنون يااخواتي ان فيه حل ؟!!؟
انا بصراحة صرت ماعد اطيق ابوي ولا احب اسمع صوته وماصرت مثل الاول معه وصرت عصبيه
معه هو بالذات وماعد يهمني يرضى علي ولا يزعل لأنه ظالمني مرررره .... وهذا غصب عني
انا انسانه احس واحب واكره مو آلة اشتغل بضغطة زر... والحمدلله اصلي في الليل وادعي الله
سبحانه وواثقة فيه ,, بس حاسة اني مخنوقه وروحي بتطلع ولا ادري وش اسوي .. حسبي
الله ونعم الوكيل.
>>>>> ردود الأعضـــــــــــــــــــاء على الموضوع <<<<<
==================================
حبيبتي استخير بالله وانشاء الله تلقين حل من عند الله يعني الله يدلك على طريق الخير واتمنى لك التوفيق
__________________________________________________ __________
مشكورة اختي عاشقة نانسي على مداخلتك التي اثلجت صدري وجزاك الله خير انا ادري ان الحل صعب وبيد الله سبحان لكن قلت انفس عما في صدري من احزان ... مشكورة مرة اخرى وبارك الله فيك .
__________________________________________________ __________
الأخت العزيزة نسمه..
أهلا بكِ أختاً بيننا.......
أهم حاجة.. لازم تقتنعي فيها..........
إن الزواج رزق.. ومكتوب.. وربنا... هو موزع الأرزاق...........
وكل مكتوب.. له وقته... الذي هو في يد وعلم الله.......
يمكن تكوني شايفة إن تعلق والدك بكِ سبب تأخر زواجك.. أو عدم عملك....
لكن صدقيني حبيبتي..
لعل الله جعل والدك... سبباً في زيادة حسناتك.. وعلوّ مرتبتك... بخدمتك له... ومحبتكِ له....
صدقيني..
كثيراً.... أفكر بنفس طريقتك...
أن أهلي محتاجين وجودي معهم... ومع أخوتي.. أكثر من إحساسهم بأنهم يفرحوا بي.....
ولكني أجد دائماً... أني مخطئة....
حتسأليني ليه....
حقولك....
لأن أهلنا لهم حق علينا... ووصلوا للسن.. اللي لازم إحنا... اللي نكون سندهم في الحياة...
ونعينهم عليها....
واحنا... ما تعودنا نكون ... إلا بحاجتهم... ما تعودنا نكون موجودين.. لقضاء حوائجهم....
صدقيني..
نصيبك في العمل أو الزواج... مكتووووووووووب... ومحدد قبل ما تنولدي.....
ولما يجي وقته...
ويشاء رب العالمين أن يتم...
حتلاقي كل شئ تيسر.. وأبوكِ... حيشيل لك شنطتك.. ويقولك... مع السلامة.........................
لعله خير.......
وعسى أن تكرهوا شيئاً وهو خير لكم......
__________________________________________________ __________
الله يوفقك و يجزاك خير
لخدمتك ابوكي
حبيبتي الزواج مو دائماً مشاكل و بهذلة و اللي صار مع امك و ابوك مو لازم يصير معاكي
اولاً انتي لازم توضحي لوالدك انك زي اي بنت لك رغبة في الزواج و الاستقرار و لك رغبة قوية بانك
تصيري ام عن طريق الزواج
قوليله انه جرحك و آذاك لما طفش العرسان اللي خطبوكي و ضحيله انه ممكن تتغيري عليه ( بدون ما تطبقي
بس خوفيه شوية ) اذا استمر بهذا التصرف و ممكن يسببلك إحباط وضحيله ان الزواج او الدراسة
او العمل ماراح يبعدوكي عنه
اذا سكتي فحيعتقد انك راضية بالوضع اللي انتي فيه و ان مالك رغبة في الحياة الا خدمته
والدك خرج من فكرة انك بنته اللي تخدمه الى فكرة انك انسانة جات لهذي الحياة
بس علشان تكون ملك له مالها حقوق
وضعك صعب و انصحك بكثرة الدعاء و مواجهة والدك بدون ما تخرجي عن حدود الادب
و اذا عندك اخ كبير و عاقل ركزي على عاقل اطلبي انه يتدخل
و لا تنسي انه مهما صار من والديك فلهم حقوق عليكي وواجبات اتحمليهم و اطيعيهم بنفس راضية
و الله معاكي
__________________________________________________ __________
الخوات ما قصروا
استخيري والشكوى لغير الله مذلة
ادعي في صلاتك وخاصه في اوقت يستجاب فيها الدعاء
رد مع اقتباس
