عنوان الموضوع : كل هموكم كوم وهمي انا كوم قولولي من اختار زوجي وابني والا امي
مقدم من طرف منتديات نساء الجزائر

كل هموكم كوم وهمي انا كوم قولولي من اختار زوجي وابني والا امي



السلام عليكم ورحمة الله وبركاته
كيفكم جميعاً؟
حبيت اكتب لكم هالموضوع رغم اني ترددت كثير قبل اكتب الموضوع صح مايخصني بس يخص وحدة عزيزة على قلبي كثير ونسي اساعدها ويمكن انتم تساعدوني لحل مشكلتها


هذي ياخواتي انسانة نظيفة من جوى بشكل ماتتوقعوه(راح اكلمكم بالعامية واتحملوني)انسانة طيبة وقلبها طاهر لما تزعل من احد ويرجع يكلمها في دقيقة تنسى وكانه ماصار شي كتب عليها القدر تتزوج واحد سعودي من اصل اردني وفي مرحلة الخطوبة واول الزواج كانو كناري ماشاء الله ولكن خذوالمفاجأة البنت ساكنه مع اهل زوجها وجايبينها خدامة على كلام ابوزوجها صاروا يناقرونها على الزلة وينتظرون عليها الغلطة ولدرجة الشايب ابو زوجها يسبها بكلام استحي انا البنت اقوله والشايب ذا زوجته اللي هي ام الزوج متحكمة فيه والكلمة كلمتها وصارو يتدخلوا بكل كبيرة وصغيرة في حياة الزوجين(ابنهم وحرمته)
المهم صاروا يسبوها ويكرفونها في هالبيت ويسون لها مشاكل عشان غاز مانظفته وماتوسخ الا من خمس دقايق بالعربي تطفيش وازيدكم من الشعر بيت زوجها ماله كلمه على امه وابوه لدرجة انها اول ماحملت انظربت من زوجها بسبب اهله وضربتها عمتها اللي هي ام زوجها والبنت تبي تعيش ماقالت لاهلها شي الا لما تمادوا معها وماقدرت تعيش لانهم ضربوها مرة زوجها وابوه وتسبب شعار في ايدها وهي حامل في الشهر 2ويتجسسون عليها ويكذبون على ولدهم وينقلون عن لسانها كلام كذب الين منعها زوجها من الجوال وطردوهم كم مرة من البيت ويرجع لاهله يكون خلاص ناوي يفتح لها بيت واخرها يرفض مجرد مايقعد مع امه وابوه وتخيلو المفاجاة مرة من المرات صارت للبنت مشكلة مع زوجها واضطر انه يوديها بيت اهلها لان هله مايبونها عشان ايش ماتعرف تشتغل (الله ينتقم منهم يخربون بيتها عشان خاطر شغل)المهم راحت البنت ولما رجعت كان باب غرفتها مفتوحة لقت ملابسها واغراض لها واستشوارها مفقودة ومسروقة فساتين افراح وقمصان نوم واغراض بحوالي 17 الف ريال واللي زاد جنونها انهم اتهموها انها اتهمتهم باخذ اغراضها وهو مافي في البيت غيرهم والحمد لله ماحد يجيهم لان ماحد يحبهم المهم رماها عند هلها كذا مرة بسبب مشاكل بينهمالين ولدت البنت وهي بعذاب حتى هو تغير عليها وهي بالمستشفى منعها من الجوال ومنعها تكلم امها لسوء فهم حدثبينه وبين امها وامر تافه ماستحمله من امها وامه تضرب البنت عادي عنده وحرم البنت من امها وكان كل يوم في المستشفى يضيق صدرها وينكد عليها وهي ياقلبي عليها تحبه تنتظر جيته وهو يجي ينكد عليها ولكم المفاجأة اللي تقهرتخيلو البنت مسويه عملية قيصرية واول يوم طلعت فيه من المستشفى استلمها هي وامها تهزيء وشتم واخذ ولدها منها ويقول لها والله لاحسر قلبك على شوفته باتفاق مع امه اخذ الولد وحطه في غرفة امه شوفوا المكر حسبي الله ونعم الوكيل المهم راحت البنت لاهلها تتنفس عندهم واشتغلت مشاكلهم وسب على وغلط على البنت واهلها المهم مالكم بطويلة رجعت البنت لبيت زوجها بعد النفاس وتخيلوا انها ام زوجها تطردهم من البيت الساعة 12 الليل لا وبعد كسرت دلة الماء حقت الولد عشان مايشرب وتقول للبنت انا اموت الولد عشان اتخلص منك
تخيلوا مو حرام المهم راحت البنت مع زوجها لبيت اهلها بعد كل الكلام اللي قاله عن اهلها وسبه عليهم استقبلوه وفتحولهم البيت ياكل ويشرب وينام المهم قال لحرمته بعد ضغط من اهله نبي نرجع لاهلي وافقت البنت بعدطول عنادراحوا وانطردوا عشان خاطر امه وابوه يتجسسوا عليهم عند الباب وسمعوهم وهم يقولون لازم ان ماحد يتدخل في حياتنا لا اهلي ولا اهلك في غلط في كلامها؟؟؟؟؟؟؟؟؟؟؟؟؟
وانطردوا هالمرة لا في عز القايلة الساعة 1 الظهر وبهالصيف تخيلوا قال زوج صديقتي لها هذي القاضية ماعاد حنرجع لهمراحوا عند هلها وقعدوا وصاروا هله يتصلون عليه تعال نبي نشوفك اشتقنالك ومن هالكلام وراح لهم ويوم راح رجع لزوجته مقلوب يقول ابي ارجع لاهلي تبين ترجعين معي والا خلك عند اهلك ارتفعتاصواتهم هم وزوجته وتدخلوا اهل زوجته لانه هو وعدها ببيت والحين يقول ماني فاتح لك بيت صارت ام البنت تدعي على اهله في وجهه لاتقولون مايصير ام الزوج داقه على ام البنت بعد ماطردتهم تدعي عليها وتسبها يعني مايكفي انه حارم البنت من امها قامت هالعجوز تغلط المهم قامت صديقتي من القهر تدعي على اهله قام وغلط عليها قدام امها وخنقها ام البنت ماتحملت تشوف بنتها تنظرب قدامها قامت ودفت زوج بنتها وطردته برى من قهرها على بنتها ويحق لها لو بشوف حد يهاوش بنتي بذبحه كيف يضرب بنتي قدامي وفي بيتي ؟!
المهم اخذ كل اغراضه من عند حرمته وقالها معك من اليوم ليوم الخميس الجاي تبين تجين وتخدمين هلي والاخلك عند امك وامك مافيه تكلمينها والله لاطردها من حياتك الى ابد الابدين والبنت الحين في حيرة زوجها انسان مايخاف من الله واهله يقوونه على الظلم وهم في الاصل يبونه يطلق البنت وكذا مرة امروه عالشي ذا والحين انا وهي في حيرة البنت تبي زوجها عشانها تحبه وتبي تحافظ على بيتها والبنت مطلقة قبل وقد شافت الوضع بالنسبة للمطلقة وماتبي تكرر التجربة والرجال يقول بيت مافيه وبيمنعها من اهلها والحين ولدها ماله الاشهرين وماتبي تربيه متشتت وتبي امها المسكينة الطيبة والله اني احب امها لانها انسانة مابحياتي شفت مثلها بس شكل الطيب ماله حظ بهالايام ومع هالناس حسبي الله عليكم وتراني اختصرت لكم اشياء كثيرة وخلوها على الله بس ارجوكم اعطوني رايكم ترجع لزوجها عشان ابنها والاتقعد مع امها وتطلق لاتسالوني عن ابوها واخوانها لانهم بصراحة ابوها ماله شخصية واخوانها كلن مهتم في حرمته وبس ارجوكم ساعدوها ولكم الاجرواسفة طولت عليكم بس امانة كل من قرا هالقصة يرد برايه الشخصي
وبالشيء اللي يشوفه صح امانة ياخواتي

>>>>> ردود الأعضـــــــــــــــــــاء على الموضوع <<<<<
==================================


السلام عليكم ورحمة الله وبركاتة

والله يااختي هذي قصة تعور القلب بس وش اقول لك هو مالة اي حق انة يحرم البنت من امها وعذريني على هذة الكلمة بس هذا الرجال عديم احساس ومسؤلية يعني بالمعنى الصحيح ( حيوان ) عزكم الله
وتدرين انا قلتها وراح اقولها مرة ثانية ان رب العالمين ما يضيع حق من حقوق عبدة وانشاء الله راح يجيهم يوم يندمون على اللي سوه فيهاوحتى زوجها راح يتئأثم على اي شي قاله لها او نظرة جرحها فيها وربك كريم يا اختي

وراح ادعي لك بالصبر

حسبي الله وهو نعم الوكيل


__________________________________________________ __________

ياقلبي .. والله انا بصراحة لا يمكن استغني عن زوجي ويوم واحد يغيب عني اتعب .. لكن ما ابين له لان الرجال اذا عرف ان زوجته مهما سوا معها راح ترضى ولا تتركه ممكن يتمادى لانه عارف انها تحبه .. وبالذات اذا شافها بايعة اهلها عشانة .. وزوجها ما ضربها قدام امها الا لانه عارف ومتأكد انها راح تسامحه ..

شوفي ياقلبي الحرمة اللي ترضى بالذل لا زم تتحمل وتصبر ولا تشتكي الا لله لأنها رااااااااضية ..
يعني هي كل اللي تبغاه انها تفضفض لك واتحدى لو انك شورتي عليها بشي ضد زوجها ما راح تسويه .. والحل معها برأيي !!! ياقلبي حاولي تصبريها واسمعي منها وتحملي وانا عارفة انك مقهورة عليها ولو ان زوجها كان تحت يدك لقتلتيه .. لكان عشان صداقتكم لا تخرب اسمعي منها فقط وخليها تخرج اللي بقلبها وصديقيني هي الحين زعلانة لكن لو جاها او حتى ارسل لها رسالة والله بتروح له وهي مبسوطة لأنها تحبه !!!

ذكرتيني بوحده نعرفها زوجها يدخل ينام مع الشغالة بحجة زواج المتعة وبعدين يجيها وهي راااااااااااااااااااضية تجي تشتكي لنا لكن كل اللي نسوية اننا نصبرها ونذكرها بالاجر لانها من داخل نفسها مازالت مقتنعة فيه ..
وسامحيني اذا طولت عليكي وهذا رأيي الخاص زي ما طلبتي ..


__________________________________________________ __________

حسبي الله ونعم الوكيل على هؤلاء
هدا الشخص لانتي متزوجاه شخص ضعيف الشخصية
هو لازم تصري على بيت لوحدك وامك شافتك تنضربي قدامها واكيد تدافع عليكي
حاولي تفهميه انه الزواج مش لعبة ويعمل ما يرضي ربنا ويتقي ويخاف الله
وادا كان يرضي والديه فما على حسابك انتي
وقولي له انه العجايز هدول ما يحبولك الخير لو كانو يحبوه ويحبو مصلحته ما يصير يحرضوه على ضربك واهانتك وادا لم يعملك بيت لوحدك اطلبي الطلاق احسن لك قبل ماتتفاقم الامور ويصير عندك اولاد كتير انفدي بجلدك قبل فوات الاوان والرزق على الله يااختي وانتي كدلك لازم تقوي شخصيتك اكتر من كدا وشوفي هدا الشخص ممكن حتى لو تسكني لوحدك ما يسمع كلامك ويقعد يسمع كلام والديه وتعيدي نفس الكرة وادا انتي تحبيه وهو مو عاملك اي خاطر اي تقعدي لوحدك او مع اهله رايحة تصير نفس المشاكل او اكتر لانه هدا الشخص اي زوج صديقتك انسان يظهر لي تافه وما عندو شخصية ويسمع الكلام الغلط يبر بوالديه هدا من الاسلام لكن يعمل معاكي كل لقلتيه فكيف هدا وخصوصا كيف يقولك ما تشوفي امك الى الابد هل هدا من الاسلام هدا ما يخاف الله صدقيني على حسب ما قلتي


__________________________________________________ __________

عزيزتي ..شيخـــة الزيـــن

والله لا أعرف ماذا أقول لك؟

انا اشوف انك اخطيتي في السكوت من البدايه ...

حتى حملتي منه ...

هناك شيء واحد لفت نظري في رسالتك: أنه يضربك ويهينك

امام أهلك وأهله... فما هو رد فعلهم؟

وفيما يخص أهلك.. كيف يسكتون على إهانتك وسبك ؟!

ألم يعلق أي شخص فيهم على ذلك سلبا أو إيجابا؟

أحيانا يا اختي يحتاج الزوج إلى شخص مسموع الكلمة له وضعه عند الطرفين ليقول له:

قف!! لقد أخطأت ولا تكرر هذه الفعلة وإلا سيكون لي تصرف آخر قد لا يعجبك

وأنا لا أقصد أباك "على فكرة ممكن يكون أخوك أو عمك أو خالك"

فأين أهلك الذين يشهدون إساءاته وضربه وإهانته لك؟

حبيبتي الحل هو انكِ تروحي لبيت اهلك احسن لكِ واظن كرامتك

ما تسمح الك بهذة الاهانة من الطرفين .. من الزوج ومن والدية

شو الي جبرك على هاالعيشة الي كلها مذلة .. لو زوجك يريد لكِ

الراحة يا خذ لكِ بيت بعيد على هذا العذاب .. والله هذة مذلة كيف

استطعتي كل هذة المدة وانتِ بهذا الوضع المهين ..

ياحي ياقيوم برحمتك استغيث فرج كربها واصلح شأنها عاجلا غير اجل بهذا اليوم المبارك

حسبي الله ونعم الوكيل

كان الله في عونك >>أكثري يالغالية من الاستغفار والدعاء


__________________________________________________ __________

الله يعينها أنا من رأي إنها تصبر وتتحمل وتخلي علاقتها بالله هي المنقذ الوحيد ليها كانت مطلقة من قبل ولو كانت مرتاحة في بيت أهلها ما كان فكرت تتزوج مرة ثانية وعندها طفل يستحق تضحي عشانه يمكن في يوم من الأيام هذا الطفل يعوض صبرها خير ممكن لو أطلقت تخسر الطفل مادام زوجها وأهله ما يخافو الله أكيد راح يقولوا عنها كلام غلط حتى الطفل يكبر وهو كاره أمه ..
الحل عندي الدعاء والصلاة والقران والإستغفار وإحتساب أجر الصبر من الله
الله يجعلها من عباده الصالحين والصابرين ويجعل مصائبها سبب لحب الله لها الدنيا ما تسوى نكسبها بالسعادة والراحة ونضيع أجر الأخرة.
اهل المصائب ربنا يكرمهم يوم القيامة بإنهم يدخلو الجنة من غير حساب والأجر ينصب صب عليهم جعلها الله وإياي وجميع الصابرين منهم .