عنوان الموضوع : ارجوكم اريد حلا سريعا مجابة
مقدم من طرف منتديات نساء الجزائر

ارجوكم اريد حلا سريعا



انا متزوجة و عن قصة حب حوالى 6 سنين و 2 خطوبة و مر على زواجى سنتين و نصف و لدى ابن عمره سنة و نصف . مشكلتى انى من عائلة فوق المتوسطة.و لكنى احببت هذا الشاب و كان مفهمنى انه من نفس المستوى مرينا بمشاكل كتير مادية بس مكنتش مدركة ان حاله صعب اوى كده.الا بعد الزواج وجدتنى لا يحتكم على شىء سوى مرتبه اللى بيخلص 3 يوم فى الشهر و يقعد يشحت من خالته و اصحابه و مديره بالعمل حتى نكمل الشهر.و انا لااستطيع ان اخبر اهلى او اخد منهم لانهم كانو رفضينه.حتى امه لا تملك شىء بل عليها ديون للماء و الكهرباء و التليفون.المشكله انى مش قادرة استحمل الوضع ده لانى متربتش كده و حتى لو طلبت المساعدة من اهلى مش هيقدروا يتحملو اللى انا فيه.مش عارفة اكل ولا اشرب ولا البس
موبايل واحد فى البيت وقديم ومبشحنوش غير ب5 جنيه فى الشهر .مش عارفة افسح ابنى او حتى اشترى الخضار و الفاكهة.بروح ازور اهلى و اشوف اخواتى و اقاربى بيصعب عليا نفسى و بحس ان كلهم مستنكرين عليا عدم تجديد هدومى او بمعنى اصح مش باين عليا الحياة الكويسة انا كمان دورت على شغل محترم بمرتب يكفينا مش لاقية.انا مش قادرة استحمل اللى انا فيه مش عارفة اعمل ايه؟؟؟؟؟؟؟؟؟؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================


حبيبتى اهدى شويه حاسه انك متوتره وغاضبه اوى طبعا من حقك تزعلى
بس انتى قولتى انك بتحبيه ولمده سنين يعنى اتوترك وغضبك دا ممكن يقلل
الحب الى بنكوا فى يوم من الايام وكمان ذكرتى انك دورتى على شغل وطبعا واضح انك
مصريه وطبعا انتى عارفه ان عندنا فى مصر مفيش شغل بسهوله بس دورى
ربنا بيقول (اسعى ياعبد وانا اسعى معاك ) متيئسيش بسرعه دورى مره واتنين وميه
وكمان هة خليه يدور على شغل اضافى انتوا لسه شباب ولو متعبناش دلوقتى
هنتعب امتى وبخصوص اقاربك الى انتى بتشوفيهم بدل ما تبصى عليهم
بصى على الى اقل منك فى المستوى وانتى حتفرحى بعشتك وتحمدى ربنا عليها او بصى على اى اتنين حبوا بعض ولكن محصلش نصيب او وحده اتجوزت واحد غنى ولكن
سلوكه مش كويس معاها او متجوزاه غصب عنها صدقينى بعدها هتحسى انك فى نعمه واحمدى ربنا على
جوزك مدام بيحبك وبتحبيه وعلى ابنك لان دى اكبر نعمه من ربنا ومش اى حد بينولها فى اغنيه كتير
وبيتمنوا ظافر طفل واصبرى شويه وشوفوا انتوا الاتنين شغل واكثرى من الدعاء والاستغفار
وان شاء الله ربنا هيرزقكوا الحلال (اسفه على الاطاله اختى )وياريت تتقبلى مرورى فى صفحتك


__________________________________________________ __________

ارجوكم ابعتولى حلول لمشكلتى انا تعبانة جدا


__________________________________________________ __________

شكرا يا اختى على ردك عليا بس المشكلة كمان ان مواعيد شغل زوجى غير محددة و احيانا بيرجع متاخر جدا غير انه احلامه كتير بس مش بيحقق ولا حاجة منها خالص لانه ملهوش هدف محدد حاولت اساعده لكن هو اتكالى و مش بيعمل حاجة


__________________________________________________ __________

انا رايي من راي لؤلؤة الحياة


__________________________________________________ __________

حبيبتى حتى لو جوزك اتكالى لو بتحبيه اكيد هتعرفيه تغيره
كل رجل له مدخل للاقناع وطريقه التفاهم شوفى جوزك ممكن تغيره ازاى
وتغيرى طريقه تفيكره وان مكنش ليه هدف انتى رتبى ليه اهدافه
وفكرى معاه وخططى ليه لانك شريكه عمره
(لى عوده )