من تعطيني افكار مشروع بسيط ،
عنوان الموضوع : من تعطيني افكار مشروع بسيط ،
مقدم من طرف منتديات نساء الجزائر
من تعطيني افكار مشروع بسيط ،
السلام عليكم
انا تركت دراستي من زمان ..
والسنه الجايه بتنزل لي حافز ، ودي بمشروع بسيط يساعدني
الحمدلله اعرف وحدة تشتغل بالطبخ وسوقها ماشي الله يرزقها يارب ..
ودي بإفكاركم
ايش اكثر شي ناجح بالتجاره !
انا لسى ببداية عمري ولاجاني حافز ببدا اشتغل بجديه بجمع لي مبلغ
بشد حيلي ،بس ماعندي أفكار
والطبخ احس صعب يبي له وحدة كبيره وفاهمه بهالشغل
محتآره صرآحه
كثير اشوف بنات يتاجرون ب انستقرام ماشاءلله وناجحين
افكار كثير بس ابي فكره بسيطه كـ بداية ايش تنصحوني
ع الاقل دامني ما ادرس اضمن مستقبلي واجمع لي كم قرش ب الحساب
انا هالايام صرت أفكر بمستقبلي ،
بما اني اكره الدراسه و احس بضيقه لو فكرت ارجعلها ومتفشله ادرس مع بنات مو من جيلي < ادري هالشيء مو عيب واصلا حتى لو درست عاًدي مايهمني لان شكلي يبين صغير مو مره باين علي الكبر
بس احس التجاره افضل واطلع راس مال اكثر
صح الشهادة مهمه
بس برضوا مافيها شيء لو ضمنت مستقبلي بكم فلس بحساًبي
بإنتظاركممممم
>>>>> ردود الأعضـــــــــــــــــــاء على الموضوع <<<<<
==================================
دام بيجيك حافز فاكيد انك كبيرة وعمرك 20 صح ومن افضل المشاريع الطبخ ربحة سريع خذي دورة فن تزيين الكيك وبعدين انتي بدعي من عندك سوي افكار شبابية ولمفتة ومبتكرة الحين نجاح المشروع يعتمد على الفكرة الابداعية في المشروع مو فكرة المشروع نفسة الان اكثر الفكار مستهلكة اذا كان فيها ابداع نجحت او شوفي لك منتج ملفت وجديد من الصين وسوقي لها
__________________________________________________ __________
يعني تبغي الحق و الصراحة
الاكل و الطبخ هو المشروع اللي دايما فيه مكسب و خسارته قليلة
بس لازم يكون طباخك زين و عندو ميزة تنافسية عشان تقدري تستمري في السوق
اذا مش حابة الطبخ اقترح عليك الخياطة . هي كمان سوقها دايما ماشي .
بالتوفيق!
__________________________________________________ __________
انتي ممكن وش تميلين له
ايش عندك مواهب تقدرين تكسبين منها !
جمعي ووقتها بارادة الله تكون طلعت اشياء و افكار جديده
و تكونين انتي لقيتي شي تتقنينه
اسال الله الحي القيوم باسمه الاعظم و باسمائه الحسنى و صفاته العلى الذي اذا سال به اعطى و اذا دعي به اجاب ان يرزقك من حيث لا تحتسبين
__________________________________________________ __________
مشروع مشروع
آحمم شوفي يا جميلتي ،، انا ماني خبيره بالسوق او شيء الصراحة بس يمكن افيدك من ناحية اعطيك شرح مبسط لبزنس
البزنس له قسمين
حاجة :
اشياء يحتاجونها الناس دائماً مثل اكل ، ملابس ، بعض الاجهزة ..إلخ
رغبة :
اشياء الناس مايحتاجونها يرغبون فيها احيانا مثل ، بعض الاجهزة ، تنسيقات افكار جديدة للحفلات ثيمات ، اكسسوارات إلخ
الحاجات الحاجات لانهم يحتاجونها بكثرة راح يكون الطلب عليها اكثر وتستمر اكثر من الرغبات !
الرغبات ممكن تكون اغلى بس لها مواسم مو دائماً عرفتي ياجميلة !
في البزنس
تحتاجين :
الافكار
المبلغ
تحديد نوع المشترين مين هدفك الفكرة تخدم مين يعني رجال نساء اطفال بنات حوامل !
طريقة عرضك او اعلانك عنه
واستمرارك وعدم استسلامك
طرق التوصيل البيع التسليم
هالمجال يتطور مع خبراتك وتكنيكاتك واسلوبك وكمان يجني لك ربحك اكثر من تعاملك واسلوبك
خبرتي فيه قليلة بس اتمنى ساعدتك بفهم اشياء بسيطة !
. . .
نجي للمشروع
ايش انتي بارعة فيه !او تتقدرين تتقنينه وتقبلينه
عني الطبخ زيرو ! بس اتقن الكمبيوتر والفوتوشوب وتنسيق الحفلات والثيمات !
فلو بسوي مشروع راح يكون علي اسهل التنسيق لاني احبه وابرع فيه عكس الطبخ !
. . .
لو حابه فكرة التسويق
و تبغي بضايع من خارج السعودية من اي مكان يجيبها لك شخص وتبيعينها !
اخوي يشتري من برا ويبيع
اخوي يقدر لو حابه اسئله وتتعاملين معاه ارسلي لي بالخاص ويتم الاتفاق بينك وبيني اكيد على الاشياء .. بس لو حابه ارسلي بعدها اكلمه مااحب اكلمه ومااعرف اذا راح يصير !
طبعا التواصل راح يكون بيني وبينك فقط
__________________________________________________ __________
لِـلِـرُفّعٍ ~ سُبّـحٍاٌنَ اٌلِـلِـهٌ وِبّـحٍمِـدّهٌ
رد مع اقتباس
