حليت مشكلتي مع بنتي الطبيب يجيب
عنوان الموضوع : حليت مشكلتي مع بنتي الطبيب يجيب
مقدم من طرف منتديات نساء الجزائر
حليت مشكلتي مع بنتي
انا امراه عمري 49 سنه وناجحه بحياتي المهنيه فقط و كل من يشوفني يعتقد ان نجاحي المهني يكمل نجاحي الاجتماعي والاسري
انا اسوق سياره و معلمه كيمياء و عندي صالون نسائي ما اشتغل فيه لكن بأشرافي
عندي خمسه اولاد وبنت بس وهي اصغرهم وكان حلم ابوها ان تجيه بنت بعد الاولاد
و اجتنا و فعلا بنتي كانت بالسابق ماليه حياتنا فرح وسعاده كانت جميله جدا جدا ونختلف على تشابه من فينا و بريئه جدا وحركاتها الطفوليه تخلي الواحد يعشقها
كبرت بنتي منال و كبر حب ابوها لها و صار يجيب لها اللي تمناه بخاطرها لو طلبت حليب من الصين يجيبه لها يعني يجيبه وصارت على هالحال تطلب و تتكبر على اخوانها ووصلت لمرحله انهم لو يبون شي يتوسطون عندها وكنت اكته على هالموضوع و اولادي بعد مايقصر ابوهم عليهم لكن المحبه القلبيه وماتهوى
منال وصلت الثانويه وصارت غيررر صارت ماتهتم بنظافتها الشخصيه صدقوني اني انفر منها احيانا لان ملابسها الداخليه تضل عليها باليومين و اهزئها وبعدها تروح تسبح وتغيرها
شعرها صحيح انه ناعم وحرير لكن نفي اشوفها مثل البنات تسوي تسريحات فيه و تسرحه وتوقف كل يوم عند المرأه لكن ابدا
مهمله في دراستها و المعلمات يشتكون لي و انحر منها وخصوصا ان اول سنه كان لها والكل يبي يعرف بنتي منو وينصدمون منها
صديقاتها استغفر الله سمعتهم بالارض وبما انها تمشي معاهم اكيد لسان الناس ماخلاها بحالها
ابوها يخليها تطلع معاهم تروح المول وشوبنق بالمبلغ اللي تطلبه
وحتى حجابها مو لابسته عن قناعه وكل مره تنقص منه شي او تغير طريقه لبسه و اعصب عليها لكن لا حياه لمن تنادي
وكذا مره حاولت اني اغير منها ومن شخصيتها لكن هي ماتسمع لي وقررت باللي فيها استشير نفسيه بتصرفاتها وكلمتها بكل شي صار من ولادتها و انصدمت لما قالت لي ان السبب كله من ابوها اللي مدلعها و مو فاهم مرحله المراهقه وطريقه التعامل معاها
فرحت وكلمت ابوها وزعلت بيني وبينه لين يحل المشكله
وحلفت عليه مايلمسني الا لما يعدل سلوك بنته
وفعلا اتفقنا اننا مانكلمها مثل قبل و نهملها ونجرب رده فعلها
و حتى لو سوينا غذاء ماتاكله مانسوي نوع ثاني و رده فعلها عنيفه جدا خصوصا انها كانت تعصب و بدأت تتلفض بكلمات وسخه و ابوها ضربها وهي مو مستوعبه
ولجأت لي بهالفتره وكلمتها و خبرتها انها بنت حلوة لازم تعدل من شخصيتها وتهتم بنظافتها لانها بفتره يجونها خطاب و يمكن تتزوج و انها مقبله على جامعه و حفزتها باهداف جديده
شريت لها فساتين بناتيه و بلوزات ساتره غير عن الصبيانيه اللي كانت تلبسهم
قعدت اسرح لها شعرها و كانت فرحانه لدرجه لاتوصف
دخلتها معاي المطبخ و علمتها حلويات بسيطه وكانت تصورها وتنزلها على الواتسب فرحانه
و بنيت منها منال جديده
صارت تلبس عبائه كتف و هي قبل ماتلبس , وحتى قبل تتأخر بالصلاه الحين ابدا من الاذان تركض تصلي
كل المشاكل اللي صارت كان السبب الرئيسي ابوها وانا كنت حاطه اللوم عليها
ياريت لو الاداره تنزل موضوعي عششان الاخوات قرأت مشكلاتهم مع بناتهم يستفيدون
ماحبيت اطرح تجربتي مع بنتي مع اظهار اسمي
>>>>> ردود الأعضـــــــــــــــــــاء على الموضوع <<<<<
==================================
فعلا ونعم الام والمربية فعلا يستفاد منكي
لكي الاجر والثواب ان شاء الله
__________________________________________________ __________
الحمدلله إنها انصاعت لكم و تركت
عنها الاسلوب الغير سووي..
و الدلع الزايد ترا مو زين
الله يوفقك
__________________________________________________ __________
ألف مبروك تغيـر إبنتكِ ، إن شآء الله من أفضل لأفضـل .. ^^
لآإله إلآ أنت سبحآنك إني كنت من الظَآلميـن .. ♥
__________________________________________________ __________
ربي يحفظكم لبعض
__________________________________________________ __________
الحمدلله
رد مع اقتباس
