عنوان الموضوع : ضياع عيال عمي جاب لي ضيقة الله يرزق من يعطيني حل
مقدم من طرف منتديات نساء الجزائر

ضياع عيال عمي جاب لي ضيقة الله يرزق من يعطيني حل



السلام عليكم
كيفكم بنات
المخدرات انتشرت بشكل مخيف بيننا
فيعني يابنات اكيد كل وحدة فيه من اهلها مدمنين واذا مو من اهلها من الجيران او من اهل صديقاتها او قرت قصة او سمعت
الزبدة اكيد بيقرون موضوعي كثير وكل وحدة عندها فكرة او اقتراح او سمعت بفكرة كيف تعالج مدمن وتساعده
بنااااات تكفون تكفون ساعدوني حطوا ببالكم انكم بتاخذون اجر وتنقذون اربعه رجال راح شبابهم ضياع من هالمخدرات الله المستعان
الله يدخلها الجنة ويحقق امالها وامال امها وابوها واخوانها واحبابها
الله يرزق اللي بترد واللي بتعصر مخها وتفكر

بنات اول شيء انا بنت عمري 19 سنة اول جامعه ابوي تاجر وامي مثقفة ومتدييييينه وربتنا على الدين والخوف من الله واخواني واخواتي الحمدلله كلهم موظفين وطلاب جامعيين ، وحنا عايله متدينة ومحافظة جداااااا وابوي وامي علاقتهم في جداني و خوالي وعماني قوييية جدا وقلوبهم على بعض ومترابطين اسريا ، الزززبدة انا اعرفكم بعايلتنا عشان مايجي ببالكم اننا عايله متشتتة واكيد بيطلع احد فينا خربان وكذا

المهم عمي كبير سن وعمتي زوجته كبيرة بعد ومساكين ارررررحمهم بشكل الزبدة زمان زمااان كانو الناس عندهم اربعه وعشرين ساعه يعني تقدرون تقولون كان بيتهم فندق كل من سافر وكل من رجع وكل من طفش جاهم وتضيف عندهم ونام بالاسابيع عندهم يعني بيتهم ماكان يفضى ابدددد وبكذا اهملوا اربعه من عيالهم يعني تقدرون تقولون سبب ضياع عيالهم هو مشيئة الله قم كرمعمي وعمتي واللي يقهر ان هالناس اللي زمان كانو يتضيفون ليل نهار عند عمي ، هالحين مايجونه ولا ساعدوه يوم ضاعوا عياله ،، تخييييلوا بنات الواحد اذا جاه ولد فرح ورسم اماله وفرحته وحياته بذا الولد ، فما بالكم لما جاهم اربعه اولاد فرحوا فرحة عظيييييمة وقالوا حياتنا في المستقبل بنكون اسعد عايله بين احفادنا وعيالنا بيدلعوننا ونعيش اسعد ناس ، الزبدة تخيلوا بدل مايكونوا سعادتهم كانو تعاستهم ، تخيييلوا الاربعه طاحوا في المخدرات ااااه احس ببكي اربعه رجال الحين اكبرهم في الاربعينيات واصغرهم في الثلاثين ولا واحد كمل دراسته ولا واحد متوظف الا واحد وعليه ديون الدنيا كلها ولا واحد فيهم متزوج ولا عندهم عيال ولا فلوس ولا بر بوالديهم ، مسااااكين وربي الله يعوضههم ويهديهم ضاع شبابهم وضاعت اشياء حلوووة كثيرة منهم ، وفي مجالس الرجال مااحد يحترمهم ، الناس مايعرفون وينهم يجلسون بالشهور مااحد يدري عنهم
انا ماعمري شفتهم ابدا ابدا طبعا السبب انهم كبار في الثلاثينات والاربعينات وانا عمري 19 يعني يمكن هم تعبوا من المخدرات قبل انولد
بنات صح ابوي تاجر واخواني ماديتهم عاليه الحمدلله ماشاء الله وعماني وعيالهم كل واحد متوظف وجماعتنا وقبيلتنا حالتهم المادية كويسة جدا وبيقدرون يساعدونهم بس المشكلة واللي قهرني ولحس مخي ان مااحد عمره فكر يساعدهم او ينقذهم من هلاكهم ، اقول لاخواني اجتماعات القبيلة ليه مايتناقشون في موضوع عيال عمي ويعالجونهم ، قالوا اخواني اساسا محتقرينهم ومايجيبون طاريهم ، طبعا اخواني بعد مقهورين ع عيال عمي مثلي انا ، انا رااااحمتهم ابي اساعدهم بطريقة مباشرة او غير مباشرة
تصدقون كنت اتمنى ادخل طب عشان اعطيهم راتبي واعالجهم بس الحمدلله اني مادخلته دخلت تخصص ثاني افضل منه
بناااات عطوني فكرة تككككفون ، انا يوم كبرت وصرت بالثانوي صاروا اهلي يعطوني وجه ويسولفون عن عيال عمي قدامي زمان ماكنت اعرف عنهم شيء ابددددا واول ماعرفت حطيت هدفي اني اكون سبب في صلاحهم وهدايتهم باذن الله ونقطه تحول في حياتهم للافضل باذن الله
عندهم اربع اخوات ثنتين متزوجات وثنتين لا شوي صغار طبعا انا قريبة من اللي ماقد تزوجوا بس ماعمري تجرات اسالهم عن اخوانهم
انا مهمممممومه ان فيه اربعه رجال بصحتهم وجمالهم ضاعت حياتهم لا زواج لا عيال لا عبادة باكمل وجه لا دراسة لا وظيفة !!
واحد موظف بس تعبان وعمره في الاربعين
والثاني تعبان بعد وغير موظف
والثالث تعبان وغير موظف
اماااا الرابع ياحسرتي عليه صار ملحوس ماعاد صار طبيعي المخدرات مسحت عقله الله يمسح من يروجها من ع وجه الارض
زمان قبل ادرس بييتنا القديم اذكر ولد جيراننا المخدرات مسحت مخه وكنت اخاف اطلع الشارع العب عشان مايضربني ، متخيلين كيف؟ ماكان طبيعي ابدا بس الحمدلله الله يثبتتتته الحين يوم سالنا عنه طلع انه امام مسجد وهداه ربي ورد عقله ! انا متعججججبه كيف رجع عقله رغم انه انلحس ؟ سبحان الله وبحمده الله يثبته بس اذا احد عنده خلفية عن الموضوع فعلموني عشان يرجع عقل ولد عمي باذن الله

بنات خلاص اكبرهم صار شايب واللي بعمره عنده عيال واحفاد ومال وسفرات ومنصب ووظيفة واستقرار ! واهمها صارت صحيفته مليانة بالحسنات
الله يهديهم الله يهديييييهم ياررررب يارب يرجعون وتشافون ويتوبون ويصيرون ائمة مساجد يارررب
خلاص العبرة بحلقي اذكر واحد من الاعياد انا واخوي سهرانين وجبنا طاريهم وبدال مانكون بعيد وفرحة جلست ابكي ذاك اليوم وادعي ربي مع اذان الفجر انه يهديهم ويشفيهم

بنات الله يشفي مريضكم ويرزقكم من حيث لا تحتسبون عطوني فكرة اساعد بها عيال عمي
لا تقولون ابوي لان لو اموت مافاتحته بالموضوع ولا تقولون اخواني رغم انهم متفهمين بس احس ماراح يطاوعوني اني انا اساعدهم
عطوني فكرة ثانية رغم اني بنت الا ان عندي طموح الف رجال اني اساعدهم
قولولي سوي كذا وكذا
ابي اروح اطبق انسب فكرة
تعرفون طبيب تعرفون مسؤول تعرفون اكله تعرفون تمرين تعرفوون دراسة تعرفوووون اي شيء انقذ به عيال عمممي

تخيلوا حياه اربعه راحت هباء ! وحياه امهم وابوهم واخواتهم راحت حزن وحسرة !
حطوا ببالكم انكم بتنقذونهم وتساعدونهم وتاخذون اجر لو اعطيتوني حل واحد باذن الله وادعووووا لهم تكفون بس مع كل دعوة ابي حل تعطوني
وصلوا ع الرسول صلى الله عليه وسلم

>>>>> ردود الأعضـــــــــــــــــــاء على الموضوع <<<<<
==================================


أختي الصراحة قريت موضوعك وحاسة بمعاناتك
اشوف انك تكلمي أحد المشايخ وراح يساعدوك أكيد
عندكم مستشفى النور للمدمنين ممكن تروحي وتناقشي موضوعك هناك واكيد راح تحصلي قبول ومساعدة
هذا الي اقدر اوافيك فيه وربي اليسر عليك ولاتنسيهم من الدعاء


__________________________________________________ __________

اللهم صَل على محمد وآله
الله يشفيهم يارب ويهديهم


__________________________________________________ __________

رفع
والله يشفيهم ويعافيهم


__________________________________________________ __________

الله يرزقك على نيتك وبميزان حسناتك ان شاء الله
عزيزتي مالك غير الدعاء الهم لانه باجتماعات القبيله ومايجيبون طاريهم اكيد لسبب منطقي ومعقول فانتي لا تحشري نفسك بشي قد يكون خارج قدرتك
اتركي الامور للرجال همي اللي يحلونها
وانتي ادعي لهم وتحسبي وشوفي عمك ومرت عمك اذا يحتاجون لمساعده او احد يسال عنهم ويخفف عليهم همهم او اطلب من الوالده والوالد يعزموهم بمعنى اخر تواصلي معهم وانتي بريهم دام اولادهم مابروهم
كذا كانك ساعدتيهم
الله يوفقك ويجزاكي الخير


__________________________________________________ __________

ماادري وش اقولك بصراحه
لكن لو توظفتي و عطيتيهم فلوس راح يعطوها للمروجين و ياخذو بدالها مخدرات
هم يحتاجون احد يوديهم المستشفى

بس نصيحه ساعديهم من بعيد لبعيد ولا يدرون انك ساعدتيهم افضل لك
و الله يعينك