عنوان الموضوع : ادعولي يا اتطلق يا اموت_ ادخلو وساعدوني امانه2 -تم الاجابة
مقدم من طرف منتديات نساء الجزائر

ادعولي يا اتطلق يا اموت_ ادخلو وساعدوني امانه2



انا قد طرحت مشكلتي قبل كذا
وهذا الموضوع
ادعولي يا اتطلق يا اموت _ارجو من الاداره ما تحذفه_

وجاني منكم بعض الحلول
صدقوني محا انسى اي وحده من دعائي لها في صلاتي
صحيح اني ما احب زوجي ولا حياتي معاه ، واني ابي اعيش حياتي زي اي بنت ومراهقه بسني وصح تعذبت معه كثير بس استجبت لنصايحكم مع اني ما كنت مقتنعه فيها ابدا
كان زوجي ما يهمني ولا ابي اطالع بوجهه واكرهه واحس نفسي ابي اموت لما يقرب لي بس جربت اتكشخ له مره من المرات واسوي عشا رومنسي، لاحظت انه تغير حييييل
وقمت اتكشخ له واحسسه بانوثتي واحاول ما اتهاوش معاه وحتى لو رفع لي ضغطي ما ارد عليه
ولو مد يده علي ارد عليه بالتي هي احسن
لاحظت انه حيل صار يحبني ويهتم فيني ويجيب لي هدايا كثير ويطلعني دايم ويمدحني ومعاد ينهرني ولا يبكيني ولا شاف بس دمعه على خدي يجري عشان يمسحها ولا شافني متضايقه من شي يراضيني حتى لو مو هو اللي مضايقني
تغير حيييييييييل ما عدت اعرفه ولاحظت بيننا تفاهم رغم فارق السن ورغم انه قبل يشوفني بزر
الحمد لله ارتحت عن قبل وحسيت بالاستقرار
بس انا اللحين حامل بالشهر 5 ب3 توأم وربي خايفه انا مره صغيره عالحمل
لسى ادرس وما اعرف شي ابد لا عن حمل ولا ولاده ولا اي شي ، وخايفه مره من الولاده احس اني بموت فيها
انقطعت عن الدراسه هالسنه لان جسمي مره ضعيف وصغير مو قاعده اتحمل وحاسه بتعب مره
وصرت ادوخ كثير
اللحين ما اقدر امشي ولا حتى اوقف احس بطني ثقيل علي لازم احد يساعدني ولا اقدر اجلس زين ولا اسوي شي
ما عدت حتى اعرف آكل من لوعه النفس
دكتورتي نصحتني بالشهرين الاولى قبل اعرف حتى انهم توآئم اسقط لان جسمي ضعيف وصغير ما راح يتحمل لا حمل ولا ولاده فما بالكم اللحين اكتشفت انهم 3
لكن زوجي رفض وقال لي ياما بنات بسنك حملو وجابو ما صار لهم شي
خايفه والله انا وتعبانه مره ومو قد هالعبء الكبير علي
نصحوني تكفون وش اسوي
اسقط؟ بس خايفه من عذاب رب العالمين لانهم امانه ليوم الدين لازم اتحملها
ولو خليتهم اخاف صحتي تتضرر ويصير فيني شي بعدين
ادعولي امانه وساعدوني

>>>>> ردود الأعضـــــــــــــــــــاء على الموضوع <<<<<
==================================


اولا الحمد الله ان زوجك اهتم فيك
احمدي الله انك حامل غيرك محروم
منها لاتسقطي حراااام هل شي
وربي الي رزقك بهم هو الى راح يساعدك
في حملك وولادتك لاتقولي جسمي صغير
ان الله لا يكلف نفس الا وسعها
وانتي أكييد بتتعبي بس فتره ورح تولدي
وترتاحي وتاكدي انك مأجوره بتعبك وربي
بيجازيك عليه خير اتحملي واصبري وادعي
الله انه يسهل حملك
ورددي دائمآ (اللهم لا سهل الا ماجعلته سهلآ)
الله يعينك اختي


__________________________________________________ __________

بعطيك فكره عن الموضوع
ترى حجم البنت مهم في عمليه الولاده وخصوصا لو هي طويله الولاده تصبح سهله جدا
وحالات الموت اثناء الولاده ضئيله جدا جدا
ولو سقطتي وفيك 3 اطفال احتمال كبير يموت واحد منهم بس وانتي وراه يمكن
و الاثنين يضلوا لكن تصيدهم مضاعفات فيصيوا عاههات

فاستغفري ربك وادعيه بسهل الولاده
وشغلي قران او دعاء وحطيه على بطنك
في اثناء حملي اشغل قران واحطه على بطني وارتاح بكل مو طبيعي واحس بحركه طفلي


__________________________________________________ __________

ربي ما بنسى حد
اهتمي بغذائك وخذي مقويات
وربي يقوومك بالسلامة


__________________________________________________ __________

اختي تفاءلي بالخير والله سبحانه بيسر كل الامور وان شاء الله تولدين بالسلامة بس اهتمي بتغذيتج واخذي فيتامينات ومقويات حتى تساعدج وحبيبتي ترا انتي بالخامس يعني اساسا مافي مجال تسقطين خلاص تعتبر حالة ولادة لو صار هالشي لا سمح الله فتوكلي على رب العالمين وان شاء الله تبشرينا بولادتج بالسلامة


__________________________________________________ __________

ألف ألف مبروك فرحت لكِ من قلبي وألله =)
ألله يتمم لكِ على خير يآرب ، حَبيبي إدعي ربكِ يسهل عليكِ الوِلآدة ..
وَربي معآكِ بيعينكِ إن شآء تَعآلى ، تفَآئلي خير حَبيبتـي ..
موفقـه يآرب ..