عنوان الموضوع : صديقتي تغار الطبيب يجيب
مقدم من طرف منتديات نساء الجزائر

صديقتي تغار



انا من الكويت وعمري 18 سنه و اصلي عجمي
الحمدلله انا جميله و سليمه و متفوقه في دراستي

عندي صديقه من ايام الاعدادي وهي معايا اروح بيتهم وتجي بيتنا اعرف اهلها وتعرف اهلنا
وبالدراسه نتساعد ونعطي بعض اوراق وملازم
لكن هي تغار مني لابعد درجه
ما ادري ليش مع ان احنا مانتزاعل الا قليل لكن تغار مني بشكل يبين
يعني مثلا بايام الامتحانات ندرس ونتساعد ووقت الدرجات لو اجيب اكثر تطالعني ببرود وتحاول ماتتكلم عن الدرجات و احيانا ماتبيني حتى لو بالغلط اكرر الموضوع وقلت طبيعي
لكن مره بالتعبير صرنا مثل الدرجه قالت اوف ليه مثل الدرجه انا وانتي انا احسن بالتعبير

انا اخر سنه دراسيه و لان معارفنا كثير واهل ابوي معروفين يجيني خطاب كثير ولما اقولها
ساعه تبيني ارفض و ساعه تسكت عن الموضوع و اصدمتني مره تقول لي وانتي كل يومين يجيك خاطب مو معقوله احسك تبالغين و سكت عنها لاني ماقدر ابرر لها لانها مابتصدق
و عندي بنات معجبات يعني لي شعبيه بالمدرسه هي تبي تتلصق فيهم و ترافقهم و قبل سنه نزلت شعبيتي لكن صارت لوحده من فصلنا بسببها انها تتعرف عليهم ويجون لها فصلنا و تكلمهم البنت اللي بفصلنا لي ماصارت شعبيتها اكبر
والان رجعت لي شعبيتي و اخاف بعد تطيح بحظها

مادري ايش الحل معاها لانها صديقتي ومالي غيرها لكن بتجلطني من تصرفاتها
ماتبي احد يمدح جمالي و تقول للبنات انهم يبالغون لو قالو اني تركيه
وماتبي درجاتي تكون عاليه وماتبي شي يكون افضل منها
و المشكله دائما تتكلم عن نفسها ولو احقرها تقعد تتضايق وتبوز
صرت اتنرفز لما اقعد الصبح اخاف تسوي لي سالفه

>>>>> ردود الأعضـــــــــــــــــــاء على الموضوع <<<<<
==================================


والله انا مثلك واليوم ما طقتها ابدا وما بعرف شو اسوي اخاف ع مشاعرها لا اجرحها بس غيرتها عاميه عيونها
الله يهديهم حاولي تبتعدي عنها


__________________________________________________ __________

ههههههههههههههههههههههههههههههههههه


ضحكتيني اول شي بخصوص الشعبية يا شيخة اي شعبية اي خرابيط ادرسي واهتمي بدراستك واتركي هالامور التافهة قال شعبية

والمرة الثانية ضحكتيني لانك تقولي يقولون اشبه التركيات مدري ايش

انتي عشتي في تركيا شفتي بناتها الحمد لله على النعمة بس
ترا اشكالهم مقرفة بس الممثلات الي اشكالهم حلوة وهم منتقيات يعني منقينهم تنقاية عشان التمثيل

انا عشت بتركيا 4 اشهر افرفر فيها فرفرة وربي ماعمري شفت تركية مزيونة ويشهد علي الله حتى زوجي قال ليش بالتلفزيون حلوات وبالطبيعة مقرفات

حبيبتي ترا الي بتلفزيون كم وحدة 200 او 300 اصلاً اقل بكثير لكن هم منقيات يعني لو تعيشي بتركية تشوفي ان نسبة الجمال للرجال مو للنساء الاتراك اجمل من النساء التركيات مليون مرة ونااااااااااااااااادر ما تلاقي حرمة تركية حلوة اشكالهم مقرفة الحمد لله على النعمة بس


وبنسبة لصديقتك عادي كل النساء يغارون حتى انتي اكيد تغارين من احد مافي وحدة ما تغار وهذا الشي مجبولات عليه النساء

عموماً انتي قلتيها صديقتك وتحبيها وتحبك لولا الغيرة خلاص شوفي صفاتها الحلوة واتركي هالصفة لا تدققي عليها ولا عاد تمدحي نفسك كثير قدام الناس مو عشان شي بس عشان ما تخسري صدقات وعشان مايقولون عنك مغرورة

ترا الامر تافه ومايحتاج كل هالضجة الله يعنيك ويستر عليك ويسعدك

في حفظ الرحمن


__________________________________________________ __________

دام لهدرجه غيوور خلاص خلي اسرارك
و معلوماتك الخاصه و احداثك لنفسك
مب شرط تطلعيها على درجاتك ، خبيهم قد ما تقدري
و لما تنخطبي بلاش تقولي لها مب لازم
و لا تتبعي رايها اخذي اللي يناسبك و اللي يناسب اهلك
عيشي حياتك و لا تعوري راسك بها


__________________________________________________ __________

غآليتـي
في ألبدآية حآفظي على ألأذكآر لآ تتهآوني فيهآ أبداً ، لأن ألعين حق وألغيرة ممكن تصيبكِ بشيء لآقدر ألله
كذآلك درجآتكِ وأي خآطب يأتي إليكِ لآ تقولي لهآ !
قآل صلى ألله عليه وسلم
( استعينوا على إنجاح الحوائج بالكتمان فإن كل ذي نعمة محسود )
إن كآنت تزعجكِ كثيراً تجآهليهآ ، وكوني رسميـه معآهآ ، ~
وفقكِ ألله وأسعدكِ عَزيزتـي


__________________________________________________ __________

الله يعينك
للرفع