عنوان الموضوع : افكر اضرب زوجي واطلع قهري كله مجابة
مقدم من طرف منتديات نساء الجزائر

افكر اضرب زوجي واطلع قهري كله



مساء الخير
انا مضايقه من زوجي كل ماقعدنا مع بعض طفشني بصوته العالي وكثرة انتقاده مايتشكرني ولا يقدرني اهتم فيه كثير ما اقصر معه
احس بالظلم والقهر رغم انه مقصر ويضايقني احترمه وهو مايحترمني
يطفشني وتنزل دموعي
اذا طلعنا بالسياره نتمشى العن الساعه الي طلعت فيها
واذا قعدنا لحالنا مع بعض حتى اهلي واهله يسمعون صوت انتقاده والتأفف احس اني متفشله من الناس احس انهم يشفقون علي من داخلهم بس محد فكر ينصحه وانا اكابر ما افضفض لاحد ينكت علي ويمصخرني ولما اتكلم يسكتني او يتجاهلني صرت اتفشل واخاف افتح فمي
تصدقون رسايلي ورسايله عالواتس اب صايره ممله وكلها شكاوي ماصرت اطيقه ولا اطيق كلامه وصوته وخايفه يجي اليوم الي اتهور وارفع صوتي واضربه واتطلق متحملته لاجل عيالي احاول انسى واطنش بس بكل مره يدخل علي يقط لي كلمه صعب اتحمل حتى لما يراضيني ما احس بالرضا صار بداخلي الكره والحقد وفقدت ثقتي فيه بكل شي
هو كذا الزواج يعني طيب كل المتزوجات يعانون ويكابرون
الي حولي اشوفهم مرتاحين وعايشين حياتهم مع ازواجهم بالتفاهم الا انا
الي زاد ضيقي
كل الي ابيه اسويه واخذه بالغصب مو حارمني من شي بس يطفشني قبل لا يعطيني او يطلعني كرهت الطلعات بسببه لاتمشيات ولا احتكاك مع الناس صرت احسد كل المتزوجات المبسوطات هو فالها سهر ووناسه بالويك اند
قلبي اوجعني من كثر البكي والحزن نفسي بكلمه حلوه نفسي بس احس بالامان والحنان معه ساعات احط حرتي بعيالي اعصب واضربهم متوتره ومضايقه طول وقتي احساس الظلم مؤلم يابنات
لحد يقول لي غيري من شكلك ولا تكلمي معه غيرت نفسي وبكل فتره وفتره اسوي لوك جديد ادلعه سويت كل شي طلبته وشحته حب وحنان واقل شي رحمه واحترام بحقي واقل شي طلبته يحترمني ولو قدام اهلي واهله بس ماتغير كل ماله يزيد اخس
مابقى الا اصايح عليه واضربه وش رايكم لاني قربت انفجر

>>>>> ردود الأعضـــــــــــــــــــاء على الموضوع <<<<<
==================================


اوول شي ما اقول غير الله يعينك
دائما الله هو المعين الوحيد..


قدر الامكان حاولوا تبعدوا عن الصراخ اثناء
التفاهم ، لو صرخ انتي انسحبي من الجلسه و خلك هااديه
اضبطي نفسك و ادري هالاسلوب يستفز
لما يرجع يراضيك انتي اخذيها فرصه لتتحاوري معاه بالحسنى
و قولي انا ام عيالك و كبرنا على موضوع الصراخ
و البهذله قدام العيال ، و حسسيه ان هالشي يحطم
اجمل اواصر الحياة الزوجيه بينكم ، و تدللي و انتي تتكلمين
معاه و خلك انسانه مرهفه و حساسه
لتوصلي له احساسك كاامل ووضحي له اشقد حاسه ان حياتك
صايره نكد بسبب اسلوبه ، و من ناحية طلعاته ترا اغلب الرجال
كذا بس انتي حسسيه بالحريه لا تناقشيه كثير، وانتي
اعملي جو لنفسك بالبيت و اطلعي و فرفشي مع صديقاتك
شووي هو راح يفتقدك و من نفسه بيرجع يجلس معاك


إذا كان الطرف الاول حامي بالاسلوب ضروري الطرف الثاني يكون رايق
شووي عشان يمتص غضبه و منها الحياة تستمر ...الله يسعدك و يهينك


__________________________________________________ __________

حبيبتي لاتتضايقي وفوضي امرك لله وكمان سوي اختبار الشخصية حق ناعمه الهاشمي وشوفي شخصيه زوجك واتعاملي معاه على اساس شخصيته والله مررررررره مفيد وان شاء الله تتوفقي


__________________________________________________ __________

الله يعينك يااختي كثري من الاستغفار قسسم بإذن سوف تسعدين وترزقين وتنعمين بالاستغفار كل ماضقت من زوجي او زعل مني ع طول استغفر واحسس تنحل المشكله البيوت مليانه مشااااااكل اللي زوجها يضربها ومطلع عيونها اهم شيء مايضربك وكثري من الدعاء تالي الليل اللهم ياذالاسم الاعظم والوجه الاكرم والعطيه الجزلى اسألك يارب بأن تسخر لي زوجي وتحنن قلبه علي هذه الثلاث الكلمات سبب لإجابه الدعاء كثري منها في اي قت وقولي اللهم اني اسألك رضاك والجنه
احناااا مالنا غنى عن رب العالمين ووكلي امرك لله اهم شيء رضا الله اذا رضى رب العالمين عنك راح يسعدك والا الازواج مافي شيء يرضيهم الله يعينا عليهممم اكثري من ذكر الله وشوفي العجب والله يوفقك ياااااااارب


__________________________________________________ __________

ههههههههههه
والله ودنا كلنا نضربهم زي المصريات
بس الشكوى لله

رأيي قوي شخصيتك
اذا تتريق اضحكي واتريقي عليه

يختي عيشي حياتك
بجد اذا تتريق بشكلك طلعي فيه عيب وتريقي به
ابحثي بشخصيتك عن عيوبها
اش الفايده من اللبس والكشخه والشخصيه مو قويه
خلي عندك كيد النساء


__________________________________________________ __________

مثل زوجي قديما وكنت اصبر واكتم لين يجي وقت انفجر وارفع صوتي عليه لين تنتفخ اللوز هههههه.. بس كبروا عيالي وصرت الاحظ انهم يقلدونا ويعصبون ويرفعون اصواتهم .. اللحين انا قررت خلاص اغير من طبعي واطنشه والوضع مستتب لحد الان مااقول انه تغير 180 درجة بس تحسن كثير اما بالنسبة لاحراجه لك قدام اهله لاتسكتين له ابدا بس برضوا حاولي تمسكين اعصابك كوني صارمة معه ولاتسمحين له يهينك قدامهم باي وسيلة غير الصراخ والبكي .. انا قاطعت اهله ماانزل عندهم ويوم سألني ليه قلت له والله انا مو جايبني انت من الشارع عشان توريهم انك تنافخ علي واذا بتستمر تعاملني كذا قدامهم ماراح اطبهم ..واذا سواها ورفع صوته علي قدامهم اسكت بس بالبيت اسوي له سوق ههههه بس بالاخير مافاد وتعبت وصرت اطنشه واذا جرحني قدام حد ماانام معه واحط له الغدا ومااتغدا معه ولااتقهوي معه حتي لو جلست معه ع القهوي ساكتة مااتكلم وبالسيارة صمت لين مايسألني وانفجر 😠 لكن نصيحة قدام العيال اضبطي نفسك وحاولي تبعدين عنهم المشاكل مساكين وش ذنبهم عيشي عشانهم ولاتحطين حرتك فيهم .. انا صارت لي مضاعفات بسبب العصبية والصراخ وتوبت خلاص اعصب اهم شي ازين حياتي وحياة عيالي بالصلاة والدعاء والاذكار واقوم بواجبي معه بمايرضي الله واكيد راح الاقي ثمرة جهدي اذا مو بالدنيا اكيد بالاخره
وعلي فكرة تري الزوج مايبي من الزواج الا الفراش والراحة وتعبئة الكرش اشتغلي علي الامور ذي .. حاولي تهيئين نفسك لجو الفراش وتتفننين في الامور ذي .. وحاولي تحطين جدول لحياتك بحيث انه يرجع البيت يلاقيه هاديء ونظيف والعيال نوووم واطلبي منه يساعدك وحسسيه انه لديك رغبة انك تتفضين وتنامين معه حتي لو ماعندك رغبة بس كذا مثلي ههههههه وقوليله بس انت السبب دايما تخرب علي جوي وتقهرني بالكلام وتنفرني منك
ونصحيه البيت خليه يشع ايمانا بالاذكار والدعاء والقران وعيالك علميهم عليها