عنوان الموضوع : غصب الا أتزوج ساعدوني الله يخليكم الطبيب يجيب
مقدم من طرف منتديات نساء الجزائر

غصب الا أتزوج ساعدوني الله يخليكم



يابنات
مشكلتي المجتمع اللي حولي أو البيئه اللي انا فيها
ابدا ابدا ماهي عاجبتني
يعني مثلا البنت لازم تعرف تطبخ وتنفخ وتهتم وتدرس وتسوي كل شي وكل أحلامها تتزوج واحد جميل وعنده فلوس
يعني كل أحلامهم مبنية علي الزوج المستقبلي
حتى لو ما نجحت في دراستها خلاص مو مشكله تصير ربة بيت تهتم بعيالها
إلى هنا الكلام حلو** ،** اذا كان الزوج حنون ومتفهم
يعني يعين ويعاون ومره يطلعك تغيرين جو ويساعدك ف تدريس عيالك ويعني مشالله
اما لو جا بخيل ونفسه ف الارض ورجال همته الفلوس وعصبي مصيبه وين اروح انا غير بموت قهر وانطق فالبيت
بس
وانا مااخذت هالشي إلا من اللي اشوفه حولي
بنات يتزوجون وهم صغار تقريبا من عمر 14 ومافوق
ماتوصل المتوسط ولا الثانوي إلا وحامل ولاعندها 4 أو 3
مشاللله
انا ماابغى أكون مثلهم
ماابغى نهايتي أتزوج وانا ماحققت شي بحياتي
أحس الزواج عائق لي عن كثير أشياء
ابسطها اني اعيش حياتي وانبسط
انا ماابغا نهايتي زي امي اطبخ وانظف واستنى زوجي واخاف واصارخ على أولادي ادرس وذاكر وسو وافعل وووالخ
ابدا ابدا ماابغى كذا
عندي طموح ودي أوصل له
ودي أبعد عن هالمجتمع و أعيش لحالي أكون نفسي واعتمد** على نفسي ابني أكون بيئة خاصه فيني
تكون لي اهتماماتي وافكاري وحياتي
أكون مثقفه ومتعلمه أتمنى أكون الأفضل في كل شيء
انشالله فهمتوني
بس سيرة الزواج والعادات عندنا هنا تحديدا تعيقني
اتكلمت مع أمي كثير ودايم تقول لي مصيرك تتزوجين ولد عمك
وخالاتي يقولون كنا مثلك مانبي الزواج وتزوجنا والحمدلله عايشين** وخالتك تزوجت وعمرها 9 سنوات والحين مشالله صارت أم وتزوج عيالها
المشكله الحين تقدمو لي خطاب
أو مافتحت امي السيره قلت مابي
وانا جاده بكلامي
طبعا اول شيء سوته ادتني هوشة طويله وكلمت خالاتي وتوسعت المشكله
وقالو لي حتى لو رفضتي بيغصبونك عشان اخواتك
عندنا عاده أن الاخت الكبيره اذا مااتزوجت أخواتها مايتزوجون قبلها ومن سوء وتعاسة وقرف حظي اني انا الاخت الكبيره
ف اهلي بيغصبوني عشان أخواتي يكون لهم نصيب
طيب انا فكرة الزواج كذا بكامل ماابغها وأمي عارفة ردي اني رافضة واحسها ماتبي تغصبني تبيني أوافق برضاي
عشان أخواتي وعشان انا رفضت قبله كثير وتخاف مااحد يطق الباب بعدين
وانا ذكرت قبل اني ابي اسوي أشياء كثيرة بس الزواج عائق لي
قولو لي اش تنصحوني** ؟

>>>>> ردود الأعضـــــــــــــــــــاء على الموضوع <<<<<
==================================


انتي ماقلتي لنا كم عمرك
واضح انك مو صغيره فاهمه
بس منو قالك ان الزواج يكون عائق
حبيبتي انا تزوجت وانا 18 سنه
وبعدها قدمت على ابتعاث لخارج المملكه
وقبلوني ودرست بره 5 سنوات
سنه لغه
وسنه السنه التحضيريه للجامعه
و3 سنوات بالجامعه
وطبعا في هذي السنوات جبت طفلين والحمدلله
والحمدلله في هذي الخمس سنوات قدرت اوفق بين حياتي مع اطفالي ودراستي وزوجي
كنت اوديهم للحضانه
والحمدلله رجعت لدولتي ومعاي الشهاده

الزواج ماقدر يمنعني عن حلامي وطموحاتي
لاني قدرت ارتب حياتي ونظمتها مافي شي يوقف طموحاتي


__________________________________________________ __________

إنتِ إنسَآنه وَآعية مَآشآء ألله ، صَدقيني فِي مثلكِ كَثير وَأول مِثآل هِي أنَآ !
أبداً أحَلآمي ليستْ رَجل أو ستتَحقق بوجُوده ..
ألمُهم حَبيبتي ، عَآدآتكُم غَريبة شُوي !
إستخيري فَمن إستَخآر مَآخَآب يَ قلبيِ ، ووَكلي أمركِ لربكِ وَتوكَلي عَليه
بِإذن ألله رَبي بيقدِم لكِ إللي فِيه ألخَير إن شَآء تَعآلى ..
وَكَلآم ألأخْت قَبلي جَميل مَآشآء ألله "


__________________________________________________ __________

الزواج احلى شي بالحياة واذا اشياء انتي ماتحبي تسويها قبل الزواج تعشقيها بعد الزواج وربي ما كنت احب اطبخ قبل لا اتزوج بعد ما تزوجة اعشق شي اسمه طبخ واحب ابدع وحتى لما زوجي يجيب من مطعم نتخاصم يقول مشتهي اليوووم من مطعم وبريحك طبعا انا مرة وحده باليوم اطبخ ... والعصر قهوه وحلا اجهزه من بدري ..... بس اقولك احلى شي بالحياة الزواج ..


__________________________________________________ __________

مادري والله اول مره اسمع بنت ماتبي تتزوج
وماتبي تدلع على زوجها وتدلعه غير جي ماتبين اتعفين نفسج !!!

ماتبين تشبعين غريزتج!!!

ماتحسين اذا شفتي طفل قلبك ينفطر عليه وتتمنين الضنا في خضنك وتسمعين كلمة ماما؟؟؟


كلنااااا نبي الحياه ومتعلقين فيها والزواج مافيه ركن من اركانه انج تنعزلين عن العالم وعن حياتج الاجتماعيه والعمليه عشان الزوج والعيال

انا تزوجت وعمري 21 سنه وجبت بنت عمرها سنتين واشتغل وقايمه بزوجي وبنتي
واروح حفلاات وعزايم ومونسى نفسي بس مو دايما طبعا

وحققت بحياتي حلم الحياه المتكافئه وحلم الامومه والشهاده والوظيفه وتكوين كياني


انتي لين رسمتي حياتج وحطيتي نقاط وسويتي لج اولويات بتنجح حياتج


بس بشرط اختيار الزوج المناسب لان هو بيساعدج على تحقيق احلامج ونجاحج 🌹🌹


الله يوفقج ويسر لج الخير وين ماكان بس لاتكون افكارج سوده وتحكمين على نفسج من حياة الناس كل حد غير وانتي تقدرين اتكونين احسن منهم


__________________________________________________ __________

الي تبي تحقق حلمها
تقدر تعمل مستحيل
انتي إذ تبين تحققين حلمك تزوجي
وحاولي تتوافقين بين زوجك ودراستك