عنوان الموضوع : الناس جالسه تظلمني بعد ماانظلمت بشدة بالله وش ذنبي -تم الاجابة
مقدم من طرف منتديات نساء الجزائر

الناس جالسه تظلمني بعد ماانظلمت بشدة بالله وش ذنبي



19سنة
عشتها في بيتنا من فتحت عيني على هالدنيا
مدلله معززه ومكرمة
رغم اني مقابلة اربع طوف
ناسية شكل بيوت الجيران،
لكني مرتاحة البال والخاطر

بعد هال19سنة لما دخلت العشرين
تقدم لي واحد ابوه غني
واكيد مو مقصر مع ولده
ولده عنده شقه وش زينها
ووظيفه مع ابوه
وسيارة

مرة كانو مستعجلين علي يبون يخطبوني
فرحانين علي وانا كنت بالنسبه لهم اسوى الدنيا ومافيها

طيب انا وبكل صراحة ماارتحت للولد
بس سمعت عن مؤهلاته هذي وعلى فكره كان وسيم
لكن بعد اللي سمعته عنه ماني محصله مبرر اني مااوافق عليه
كاامل وماكامل الا وجهه

المهم تم القبول
وليلة ملكتي مع هالولد
هي نفسها ليلة ملكة اخوي واخت خطيبي

يعني انا زوجة اخوها وهي زوجة اخوي

بعد كتبة الكتاب

بعد مرور ثلاث ساعات

بدأت رحلة معاناتي ودمار لمستقبلي

اكتشفت ان ابوه كان غني فعلا
لكنه شحيح وولده مو مكون نفسه وماعنده ولا شيء من اللي قالوه
كله كذب وغش وخداع، ماعنده حتى خزانة ملابس خاصه فيه
بس الكذبه هذي خلتني صعب اصدق شيء واخاف منهم
وانعدمت الثقه
وانا خفت من الطلاق وتوني مملكة انتم داريين ان كلام الناس مايرحم
عطيتهم فرص علشان يصلحون كذبتهم
ماعندي مكان استقر فيه معاهم
وكنت انام في بيت اهلم واضطر اكذب على ابوي علشان ماتصير مشاكل وماينشغل باله، واقوله يصبغون شقتي
اوهمه زي مااوهموني
طيب قالو راح يسوون كل شي وانا صبرت وياما تكلمت معاهم عن هالشي
علشان استقر
تدرون وش صار في النهايه؟ شي غير متوقع..
كانو يبوني ادبر نفسي عشان استقر بمهري!!!

ولما كنت اجلس في بيت ابوي
كانت اخت زوجي تستلمني، انسانه غيورة بشكل ماتتصورونه
كانت تقولني كلام ماقلته
كانت تسوي لي مشاكل مع اخوي واخوها
كانت تحاول تقهرني بااي طريقه وهي جالسه في بيتنا
موتتني من القهر والله لا يسامحني لو سامحتها
خربت علاقتي بااخوي واهلها وحتى اهلي كانت زي العنكبوت
تشربك الكل بمشاكلها، والكل يعاني منها مو بس انا
ماتحب تشوفني مع احد اسولف الا وتخرب كل شي
غيرتها تخوف احسها تبي تقضي علي
ومره مدت يدها علي
ماتبيني اكون احسن منها في شي
اعجز وانا اوصف مدى حقارتها

وفوق ذا حسوده
شديدة الحقد وحسودة كل شي عندي بخاطرها

واخوي يموت عليها بشكل جنوني
فكان يصدقها بكل شي
ومو مقصر عليها بشي كل شي متوفر عندها
وانا ماعندي ربع ربع اللي عندها وذا صار عندي شي بسيط تنظلني
وتحسدني وتكرهه لي
واهلي ابد ابد ابد ابد ابد مايتدخلون لها في شي بتاتا

اذا اروح بيت زوجي، اخوها،
يستلمني ابوهم
يقهرني بكلام
ويتحكم فينا
يفتش بااغراضنا، يعاملني زي وحده متسوله
خادمه
شي كذا

طيب انا صرت اتعذب في البيتين
وجالسين يتمادون معاي وابوي مصدقهم
وهو زوجي مصدقهم
كان مره عديم شخصيه
وكل خصوصياتنا حافظينها ربعه

واحسه زي البهايم باله في ذاك الشي وبس

احنا اللي حالتنا الماديه ميسوره
صارت عند بنتهم شقه وش زينهااا مكتمله من كل شي
وفوق ذا المعامله ولا اروع
ولااحد يتدخل في شؤونها اطلاقا

وانا يالي متزوجه ولد رجال عنده خير ماينعد على الاصابع
ماعند زوجي خزانه خاصه فيه
كنا نجلس مره ببيتنا انا وياه ومره بقاعة الضيوف الخاصه، المجلس يعني

لغاية مايشوف حل باسرع وقت

استمريت معه مايقارب ستة شهور

ولا تغير شي

صبرت على الاهانات
صبرت على التشرد في بيتهم
صبرت على القهر
صبرت على صبري نفسه

لغاية ماحط فيني العيب...

زي ماقلت لكم انا عشت في بيت ابوي مقابله اربع طوف
يجيني هذا ويقول لي كلام بشرفي؟
كل يوم اعطيه فرصة
بعد هالكلام مات يبي فرصه وماعطيته
لاان كرر هالكلام كم مره علي
يقول انا خايف انك تروحين تخونيني اذا مليتي

تخيلووووو

طلبت الطلاق بدون تفكير
عل الاقل ماطلبت الطلاق من ليلة الملكة عشان خفت يتكلمون فيني الناس
بس طلبته بعد ستة شهور

ولا برتاح من كلام الناس

كالعادة ما عندهم غير المذله

مايقارب اربعة شهور علقني

وذلني ذل على الطلاق

خلال هالاربعة اشهر
اخته عسرت طلاقي كانت توصلهم كلام كذب عشان يعذبوني اكثر

كانت متشمته فيني حيييييييل حييييل
كانت ترقص على جرحي
كانت تقول بعد عني كلام مو زين
كانت تتكلم من وراي
كانت تنتقم من غير سبب كذا اوصفها

وكانت حامل ومدت يدها علي وقالت اي مافي احد راح يكلمني
لااني حامل وبعذبها زي ماابي

كنت اتحمل واسكت عنها علشان مااتعلق

هي كانت ناويه تخليهم يخلونه يعلقني بسبب الكذب الي يسمعونه
وبقدرة الله غصب عنهم وعنها انفصلت

بعد الانفصال صرت قوية
قلت ماتتجرأ الحين تسوي لي حركه تغثني ماوراي احد من اهلها
خل تفكر بس...
الحين الناس جالسه تظلمني
يفكرون يخطبوني واذا درو اني مطلقه
يأذوني ويجرحوني ويحرجوني بكلام وردود افعال
كأني مذنبة
انا تعبت نفسيا وماراح اسامحهم اللي دمرو مستقبلي
ماادري سنتين من العذاب

تعبت نفسيااااااااا

>>>>> ردود الأعضـــــــــــــــــــاء على الموضوع <<<<<
==================================


الله يكون في عونك. ونصيبك بيجيك وان شاء الله ترتاحين

صدق انك تحملتي ولا كيف وحدة ماتعرف مكان او غرفة تستقر فيها
وتاكدي اللي ظلمك واللي قذفك بياخذ جزاه بالدنيا والاخره..


__________________________________________________ __________

لا حول ولا قوة الا بالله

الله يفكها عنك من كربه

ما في شيء بضيع عند الله راح ييجيهم يوم كل واحد ظلمك

اصبري وبشر الصابرين

وان شاءلله بيجيك نصيب يعوضك عن كل شيء وتقرربي الى الله


__________________________________________________ __________

الله يكون بعونك يارب حسبك الله عليهم


__________________________________________________ __________

حبيبتي خليج قوية ولا يهمج كلام الناس ...
لانه الناس ما عندها غير هاللسان وتأكدي انه اي شخص يأذيج او يجرحج بكلمة او بفعل رب العالمين بيحاسبه
ودايما انا اقول لاخواتي المطلقات خلي الطلاق نقطة انطلاق لحياة يديدة
ارسمي حياتج وخلي عندج طموح وهدف توصلين له في هالدنيا
دوري على شغل او سجلي بدورات واشغلي نفسج بأشياء تنفعج وتفيدج
و خلي الناس كلها تشوف انه انتي ما همج انج تطلقتي ... قولي الحمد لله انه الله فكج من هالعيلة قبل ما تييبين عيال
و احنا ياما شفنا حريم تطلقن لكن حياتهن ما وقفت بعد الطلاق ... ادري انه الموضوع مب هين ويباله وقت لحتى ترتاح نفسيتج
لكن انتي ما راح تستفيدين شي من الهم والقهر لانه ما بتضرين غير نفسج
وتركي عنج كلام الناس وقولي عندي رب بياخذ حقي منهم
ربي يوفقج ويرزقج وييسير امورج ياااا رب
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

الظلم ظلمات يوم القيامه واسوء شي قذف المحصنات الغافلات والي يصدقهم ترى يأثم ولي ما يشوف من الغربال يبقى اعمىوالخاين ربي بيفضحه