عنوان الموضوع : انا احسد زوجة اخوي واحقد عليها واتمنى لها ماتستعد مجابة
مقدم من طرف منتديات نساء الجزائر

انا احسد زوجة اخوي واحقد عليها واتمنى لها ماتستعد



السلام عليكم
ياجماعه انا احسد زوجة اخوي واحقد عليها واتمنى انها ماتستعد
تدرون ليه؟
لااني كنت زوجة اخوها في يوم من الايام وتزوجنا كلنا ليلة وحدة
دمرت لي حياتي
كانت تشاركني مشارك بااغراضي وادوات مكياجي ومن غير استأذان
كانت تسوي لي مشاكل وتدعي علي بكلام ماقلته تكذب قسم بالله فضيعة بالكذب
كنت اشوف الموت بعيوني بسبب القهر اللي جاني منها
سببت لي مشاكل وعيونها جمر مااشتري شي الا ويخرب نفس اليوم
وانا بشدة احافظ على اغراضي وادواتي
اتخيلو الاشياء الرخيصة لسه موجودة ولاتغيرت
والاشياء الغالية اللي اشتريتها للزواج كلها خربت
كانت معاي في كل مشاويري
ابوي يلومني لو تكلمت عليها ولو اتكلم يقولي مالك حق على بنت الناس
ودايما تطلع نفسها بريئة ام الخبث والخبائث
وانفصلت عن اخوها ولا زالت تأذيني بالهدوء من دون محد يحس فيها
تموت حرة اذا شافتني اضحك
تقلدني بكل شي ومو عاجبتها
اخوي كم مرة يبي يمد يده علي بسببها
اخوها وابوها معاها يدافعون عنها
طيب انتو يمكن تقولوت مو معقول الكل معاها وتطلع غلطانه
اقسسسسسسسسسسسم بالله اني بموت قهر وحره
كان اخوها يجيب لي ابسط شي وتحط عينها عليه وتدمره وياليتها تسكت
لازم تسم بدني بكلام ويطيح بالشي اللي تشوفه عندي
وهي عندها كل شي اغلى بمرتين من اللي عندي ولا تحمد ربها
ماتحب تشوفني جالسه مع اي وحده الا وتخرب علاقتي فيها
انا حطيتها سبب قوي من اسباب انفصالي عن اخوها

وهو بعد صعب التعايش معاه ومع اهله

وانا كارهه نفسي اني ماخذه سلوكها ووقعت في الحقد
وماوقعت في الحسد لااني مادمرت شي عندها

اقسسسسسسسسم بالله ان خطبوني كثير بس مايتم الشي ابد
استغرب من الرفض المفاجئ.. لكن متأكده ان لهم علاقه بالموضوع اما حسد اما دمار للسمعة
نفسيتي مرا زفت وتجيني الام في قلبي وذراعي الايسر
وخفقان واضطراب في دقات القلب خصوصا اذا اتوتر..
شعري فيه شيب كل هذا ابتدا من عرفتها
الحين لما خاصمتها
من اشوفها يحترق قلبي بدون شيء
ماابي اشوفها تضحك... انقلب الشي
هي متهنية ومنتصره وماصارت تهتم لاانها تغار مني بعد مادمرتني
لكنها دايما تقول اخوي بيتزوح وحده تشبهني هو يحبها ويموت فيها

مادري ليه تقول كذا ابغى تفسييييييييييير

>>>>> ردود الأعضـــــــــــــــــــاء على الموضوع <<<<<
==================================


الله يفرجها عليكي ويعوضك
حاولي تتجنبيها ولا تحملي الحقد في قلبك
لانه بيأذيك انتي اكثر منها
اتركيها الله موجود وراح يعوضك عن كل هذا


__________________________________________________ __________

أنت تحتاجين سجادة صلاة في آخر الليل تناجين عليها ربك يصلح أحوالك و يطمن بالك و ترمين الحمل اللي شايلته حافظي على الأذكار و حصن المسلم و الإستغفار ..

إشغلي نفسك عنها شوفي وش تحبين وش هى إهتماماتك و ركزي عليها ..

لا تخلين اللي حولك يكرهونك بسببها خاصة اهلك ..

و مادام أنت مراقبتها بحسد و حقد فمارح يطالك منها غير الغبن و القهر و الهم ..


__________________________________________________ __________

اختي انتي صادقة في كل شئ

للأسف فيه منها كثير في المجتمع

هذي اقرب وصف لها انها ممثله ماهره

انا شفت بعيوني وحده حسبي الله ونعم الوكيل مثل ماوصفتي وما ارتاحت حتى دمرت عائلة بكاملها الام ماتشوف ولدها الوحيد بسببها والبنات مايشوفون ابوهم وبسببها والمشكلة الكل مصدقها

مانقول الا حسبي الله ونعم الوكيل

وتأكدي أن الله يمهل ولايهمل

على بالك انها مرتاحة في حياتها لا تطمني هذي حتى النوم ماتعرفه

للأسف انتي ماعرفتي تتعاملي معاها من البدايه لكن خلاص فات الفوت

انصحك

بعدم تتبع اخبارها خلاص انسيها عشان ماتكوني مثلها

وكلي امرك لله ودائماً رددي حسبي الله ونعم الوكيل

حاولي تتجنبينها نهائياً انا عارفه انه صعب بحكم انها زوجة اخوك بس خلاص خلي بينك وبينها حدود لايجمعكم مكان واحد ابداً

ولاتكلمينها احقريها وتجنبيها ولا كأنها موجوده

تقربي من ربك اكثر وادعي ان الله يرزقك بالزوج الصالح

اكثري من الاستغفار


__________________________________________________ __________

مرحبا اختي
ممكن يكون عندك شيء اما روحي او نفسي ?
في شخص يقدر يساعدك كلمني علي الخاص
ان شاء الله خير


__________________________________________________ __________

المشاركة الأصلية كتبت بواسطة اسيرة زوجي
مرحبا اختي
ممكن يكون عندك شيء اما روحي او نفسي ?
في شخص يقدر يساعدك كلمني علي الخاص
ان شاء الله خير

ههههههههههه

أتمنى ما يكون أنت من طرف المعالج الروحاني إللي تنطين في المنتدى به كل شوي ..




يا صاحبة المشكلة ::

الرقية الشرعية معروفة و الاذكار و حصن المسلم و الإستغفار ..

و لا تصدقين الأكاذيب بأن هناك معالج روحاني يرجع المطلقة و يعمل المحبة ..

إحذري ..