عنوان الموضوع : أم زوجي تعبتني -لصحتك
مقدم من طرف منتديات نساء الجزائر

أم زوجي تعبتني



السلام عليكم
لعلي اجد منكم النصيحه..
انا متزوجه من 3سنوات وعندي بنت
وساكنه بمنطقه واهل زوجي بمنطقه ثانيه..
ومع هذا ماسلمت من أم زوجي..
ثاني يوم من زواجي كانت بشقه مفروشه هي وبناتها وجت عندي شقتي قالت بسلم عليكم
جلست عندي من العصر حتى 2 بالليل. وانا وقتها مستحيه كثير ماعرفهم
حتى زوجي كنت استحي اتكلم معه.. وهي جالسه عندنا بس كذا تناظر فينا
لين زوجي اخذها بالحيله قال لها انا وزوجتي نبي نسلم على خواتي وخذناها ورحنا شقتهم
سولفنا شوي وتركناها ورجعنا بيتنا ..
كنت احترمها كثير وهي كانت تجاملني بالكلام
ولما سافرت صارت كل شوي تدق علينا تسأله وش أكلت وش سوّت لك زوجتك طبخت ولا من برا؟

بعد 3 شهور من زواجي جت عندنا تزورنا انا على بالي بتجلس اسبوع اسبوعين بالكثير..مر شهر شهرين ثلاث وهي عندنا وانا ملّيت..كانت تنام بالصاله مع اني جهزت لها غرفه قالت ما أبيها وترقد بالصاله وبالليل اذا رحت انا او زوجي للمطبخ تقوم تقول وش فيه؟ يعني تراقبنا باختصار.. حتى التيلفزيون مقدر اتفرج هو بالصاله..



وتعزم ضيوف في بيتي وانا ماكمّلت أثاث وحالتي حاله..تجلس تسولف معهم وانا علي الكرف والتقديم..وكل مشوار نروح له هي معنا حتى لو مرضت ورحت للمستشفى تجي معاي.. وطول الوقت تبوس زوجي حتى بالسياره تبوسه..انا ما اغار ولا فكرت اغار هذا ولدها وبكيفها بس انا صرت مثل الخدامه في بداية حياتي وهي اللي تعزم في بيتي و تتحكم بكل شي و اذا طلبت زوجي يجيب أكل من برا كل شوي تقول تعبنا من الجاهز

لين جا اليوم اللي كلّمت زوجي.. قال بصراحه معك حق امي طوّلت كثير ولك حق تاخذين راحتك في بيتك/وبالحيله حجز لها وسافرت



بعدها بشهرين رجعت عندي وجلست 3 شهور/وكذلك بالحيله تسافر بعد مايلمّح لها زوجي ويقول لها خواتي يحتاجونك و أبوي.. مع العلم ان زوجها متزوج عليها وهي مطنشه بيتها وعيالها وتجلس عندي بالأشهر..


و استمرت على هالحال مايمديني اتنفس شهرين ثلاثه الا وتجي عندي تجلس شهور.. جت عندي وانا اتوحم وتعبانه.. وجت وانا بالشهر السابع..وجت لولادتي جلست 4 شهور..تخيلوا رجعت من النفاس وهي في بيتي جالسه مع ولدها.. لا استقبال حلو شفته من زوجي ولا قدرت اخذ راحتي معه بعد النفاس ولا عشت أيامي مثل أي بنت ثانيه لأنها موجوده تراقب كل شي.. وراحت مجاملاتها لي وصارت تدق بالكلام.. وعلى بالها اني خدامه عند ولدها.. روحي جهزي له ثياب روحي اطبخي له.....الخ) وزوجي ماصرت أستحي منه صرت اكلمه بكل صراحه بس مايدافع عني ولايساعدني مطنش تماماً..




تعبت كثير منها.. و أمي قالت ترى بمسح فيها الأرض تسلطت عليك ليش ماتتسلط على ولدها الكبير..وبصراحه امي معها حق ولدها الكبير يسافر مع زوجته يروح ويجي ماتسأل عنه ولا تنشب لهم لأنه ماخذ بنت أخوها أما انا من برّا العايله تراقبني على كل شي..


و اذا سافرت عندهم تجلس تلاحق زوجي من مكان لمكان ماتفارقه وطول الوقت بوسات واحتضان.. مايمديني اكلمه كلمتين على بعض.. لو تسمعه يناديني تفز تناديه وتنشب له.. تلاحقه من غرفه لغرفه ماتخليه يتنفس


اسفه طولت عليكم.. بس كل وحده تحط نفسها مكاني وتقول وش بتسوي لو هي عايشه هالعيشه؟ بجد تعبت وصرت اكرهها غصب عني تحولت مشاعري لها لكره.. مقدر اقول كلمه لزوجي معانا بكل مكان حتى لو يوريني شي عالكمبيوتر تجي تجلس جنبه تشوف وشو / شي مو طبيعي



محتاجه نصايح..

>>>>> ردود الأعضـــــــــــــــــــاء على الموضوع <<<<<
==================================


على بالها اني خدامة عند ولدها روحي طبخي له روحي غسلي ثيابه

الي تتزوج تصير خدامة لزوجها مو عيب إذ قالت لك كذا
لأنه زوجك يعني نصف الثاني ما عجبتني كلامك هنا بصراحه
أما بالنسبة للجلوسها في بيتكم شئ يغث ابصراحة
الله يعينكم بصراحة


__________________________________________________ __________

يوووه على العمات اللي بذا الشكل ودهم يعيشون زمانهم و زمان غيرهم..
يبتدي موضوع غيره و بصراحه وضع لا يطاق..
والله اهنيك و اهني زوجك على استحمالكم لها
الواحد مهما كان يبا ياخذ راحته ف بيته و انتي ادرا بشغل بيتك
و اهتمامك بزوجك


مالك غير انك تتحملي و اهم شي زوجك فاهمنك و مقدر وضعك
و حاس بتصرفات امه اللي فيها نوع من الثقل ..والله يعينك


__________________________________________________ __________

ربنا يعينك تحمليها مافي حل غير هيك صح وضعك لايطاق بس مافي حل والله غير هيك


__________________________________________________ __________

محد يدمر بيوت العيال غير الامهات

انا الصراحع ما اتحمل عمتي ولا اطيقها واكرها كره العمى ومااتمنالها الخير ابد ودوم اتحسب عليها بعد
وربي يردكيدها في نحرها ان شاء الله ..

غيرة العمات يسون اي شي

انا عمتي كانت تتلذذ يوم تشوف ولدها تعبان واول ما حصلت بيت تخيلي طردتني من بيتي عسب هي تاخذ البيت بس الحمدالله ربي كان ويايه وانجلب السحر على الساحر ..
والمشكله انها محاميه وتموت على خراب البيووووووووووت تحب تشوف بيت مخترب لان هي بيتها 3 مرات اخترب


__________________________________________________ __________

باين انها ماعندها زوج !!!!! الله يعينك هيك فعلا كثير