عنوان الموضوع : شخصية غريبة في عائلتنا -تم الاجابة
مقدم من طرف منتديات نساء الجزائر

شخصية غريبة في عائلتنا



السلام عليكم ورحمة الله وبركاته
بليز يا ادارة نزلوا الموضوع لان كل العائلة تععععبت
من الحين بعتذر لكم على اطالة المشكلة
اختي الوسطى شخصيتها غير كثير عننا انا واخواني واخواتي
طبيعي في كل عيلة اذا كانت العائلة تتناقش لازم يكون فيه مقاطعة...انا واهلي لو قاطعنا بعض نعتذر ونقول معليش عالمقاطعة ومن ذا الكلام وكمان مانزعل عالمقاطعة ونتقبلها...إلا اختي الوسطى احس كانها تقول لنا حلال علي وحرام عليكم...يعني لو قاطعنا كلامها وحتى لو اعتذرنا تكون زعلانة زعل مو طبيعي ولدرجة ماتسمع كلامنا وتسكتنا وتروح هو صح ان الواحد بيتضايق لو احد قاطع كلامه بس احنا متعودين اننا نعتذر يعني من باب الاحترام...وهي عادي ججدا تقاطع كلامنا ولا حتى تعتذر...انا مرة كنت احكي لامي سالفة صارت بالمدرسة ومرة متحمسة وانا اتكلم ومندمجة شوي إلا تجي اختي وتقاطعني وتكلم امي وبعد ماخلصت جلست تطالع التلفزيون ولا اعتذرت لي ولا كأنه احد كان يكلم امي
عاد اكيد انا زعلت وقلت لها:انا كنت اكلم امي ليش تقاطعيني؟ قالت لياها معليش خلاص كملي سالفتك)واعطتني ظهرها وكملت تتفرج...يعني فوق المقاطعة اعتذار بدون مبالاة؟ِ!!!
طيب يمكن هذي مشكلة عادية وتصير بين العائلات
اختي ما عندها أي اهتمام لا بالموضة ولا بالمكياج واختي مخلصة الثانوية
وحنا نحاول فيها تحط مكياج وتتكشخ واذا مرة مرة يعني حاولنا فيها تحط ماسكرا وقلوس وحنا نبغاها تحط مكياج عشان تطلع احلى واحلى يعني حنا نبغا مصلحتها
ولما تجي لنا عزيمة واختي تطلع لها ملابس ابداااا مو لايقة مع بعضهم يعني مثلا تختار تنورة مشجرة بني غامق واخضر وبيج وتاخذ بلوزة ازرق يعني مرة مالها علاقة مع بعض...فأنا رحت وكلمتها وقلت لها ان الالوان م تصلح مع بعض قالت لي لا هي عاجبتني وجلست احاول فيها واحاول واحاول اقنع فيها وربي حتى اقنعها باسلوب لطيف وهادئ ومو بأسلوب احتقار او تكبر عليها...م دريت إلا عصبت علي وقالت لي انتي اصغر مني واختار على كيفي والي يعجبني(الفرق بيني وبينها 10 سنوات)
ف كلمت امي واختي الكبيرة يكلموها لانها ماراح تسمع لي لاني اصغر منها على قولتها...ولما كلموها قالت:انتم تبغوا تتحكموا فيني وماتبغوني اختار على كيفي
بالله وش دخل التحكم؟؟!! حتى امي واختي الكبيرة يقولوا لها وش رايك تلبسي كذا وكذا مايقولوا لها يلا البسي هذا و هذا يعني ما يأمروها
وكمان نفس الشيء في السوق لما نبغا نختار لنا لبس متناسق تجلس تعصب علينا وتقول انا الي راح البسه مو انتم
لا والمصيبة الي فجرت فيني انا وامي واختي الكبيرة وشوي بغينا نقتل اختي الوسطى لما وصلنا العزيمة ونزلنا وفصخنا عباياتنا قالت لنا:تصدقون احس ان اللبس حقي مو حلو ومو متناسق.....بالله وش رايكم فيها؟؟ِ!! يعني الشغلة عناد بس؟!
واخواتي هم البنات الاكبر بالنسبه لبنات عماني كلهم فوقت العيد هم الي ينكرفوا لان جدتي كبيرة بالعمر وما يمديها تنظف وتغسل وتسوي شاي وقهوة وكانوا اخواتي هم الي يسووها بمساعدة زوجات عماني ويضيفون الضيوف
وحضروا الضيوف وكل شيء واختي الوسطى كان معاها القهوة وانا معايا التمر وقبل لا ندخل عالضيوف جالسة اقول لاختي الوسطى انه لا تكثر القهوة في الفنجال وتصب قليل لان هذا الشيء عندنا مررة عيب واهانة للضيف...واختي جالسة تسكتني وتقول ايوه عارفة عارفة ما يحتاج تعلميني...انا اطمنت وقلت اكيد هي عارفة
وربي يابنات وانا احلف لكم ان اختي كثرررت القهوة وربي باقي شوي وينكب من كثر ماهو مليان في الفنجال المصيبة ياليتها على الحرمة الاولى كل الي جالسين في المجلس سوت لهم زي كذا وحتى كل الحريم نظراتهم لاختي كذا نظرات كره وزعل انها ليش كثرت لهم....وانا من الصدمة وربي فاتحة فمي واطالع في اختي شوي واسحب القهوة من اختي فششلتنا والمصيبة جالسة اهمس لاختي اقول لها اعطيني القهوة وروحي لامي تبغاك انا اصلا جالسة اكذب عشان تعطيني وتروح وهي تقول لي لا انتي م تعرفين تصبين بخلص من الحريم واروح لامي وعلى فكرة تراني في اول ثانوي يعني اعرف ومو صغيرة ولما طلعنا وخلصنا مرة عصصبت عليها وقلت ليش تكثري مو قلتي انك عارفة؟!
والمصيبة وبكل بروود قالتمعليش نسيت) عاد انا انفجرت فيها وجلست اخاصم فيها صح انها اختي الكبيرة بس معليش م قدرت امسك اعصابي الناس بعدين بيقولوا بناتهم م يعرفوا يضيفوا الضيوف ومدري ايش
اكيد الحين بتقولوا ليش م تعلموا اختكم طريقة الضيافة واصولها
عشاني انا في اول ثانوي وكمان انا اصغر وحدة في العيلة امي وابوي يعلموني كيف اضيف الضيوف وكيف اصب القهوة وكيف اتكلم مع الضيوف وكلل ششيء ولما اسوي هذي الاشياء كل اخواني واخواتي يكونوا جالسين عشان على قولتهم يقيموني ههههههههههههههه وتكون من بينهم اختي الوسطى يعني بالعقل الاشياء الي اسويها المفروض تعرفها وتسويها وكمان امي وابوي يسوو كذا مع كل اخواني واخواتي لما كانوا صغار
واحس صراحة صار شيء روتيني كل ما نرجع من عزيمة او زواج لازم نمسك اختي ونقول لها ليش سويتي كذا وسويتي كذا المصيبة اختي م تعرف من اول غلطة تعيدها وتعيدها ونرجع نعلمها ونفهمها مادري اختي تسرح لما نكلمها او تنسى على قولتها ماادري صراحة
وبعدين شخصياتنا انا واخواني واخواتي قريبة من بعض يعني مزحنا قريب من بعض وطريقة كلامنا وتفكيرنا ماعدا اختي الوسطى ابدا طريقة تفكيرها وكلامها مختلف عنا و هي اصلا م تمزح معانا يعني شغل رسمية...وكل م نجلس مع بعض نسولف ونضحك ونفلها تقوم اختي نقول لها ارجعي سولفي معانا تقول ماابغا او تقول سواليفكم بايخة او تقول مالي نفس هذي كلماتها المشهورة الي دايم تقولها


معليششش مرة عالاطالة كتبت صفات اختي عشان تدوروا لها حل
وكمان فيه صفات م كتبتها لاني احس اني بطول عليكم بزيادة والي هي:
انها ما تتقبل النصيحة وخااااصصصة مني انا
وانها تعق امي وابوي(الله يهديها ويصلحها يارب)
وماعندها اسلوب في الكلام
ولو كانت لوحدها ماتعرف تتصرف او تتعامل مع الناس الاغراب
واختي في سن زواج واخوي الكبير قال لازم تدخل معهد فن التعامل مع الاشخاص قبل لا تتزوج او تنخطب

بليزززز اذا تعرفون معهد او موقع او أي شيء يعلم فن التعامل ويكون موثوق فيه وله نتيجة راح ادعي له ليل ونهار

>>>>> ردود الأعضـــــــــــــــــــاء على الموضوع <<<<<
==================================


ان شالله البنات يفيدوكي
الله يهديها


__________________________________________________ __________

يا اختي انت تبحثين عن معهد لتعليم اللياقه
ما سالتي حالك هل ستقبل اختك ام لا ام ستقول لك هذا كلام بايخ !
اختك صعبة المزاج صعبببببببببه محتاجة تتعلم اولا كيف تبر بوالديها ثم بعد ذلك ستتعلم بسرعه فن التعامل مع الاخرين !
و اول عامل لازم يتوفر فيها حتى تتغير هو الارادة الذاتيه !
لا بد ان يكون التغيير نابع عن رغبة منها !
ان الله لا يغير ما بقوم حتى يغيروا ما بانفسهم .


__________________________________________________ __________

الله يهديها

للرفع


__________________________________________________ __________

الله يهديهاا ..


__________________________________________________ __________

هي فيها شي ؟؟ عقلها فيه شي لاسمح الله ؟؟
ليش تختارون لها ؟
ليش انتي يالصغيره تنبهينها على القهوه ماتصير كثير ؟؟؟
اكيد بتعاندك السالفه سالفة عناد لانها تحس انكم تدخلون فيها
جربوا اتركوها براحتها
وعندي سؤال ياترى لو اختك الثانيه معها القهوه هل بتنبهينها زي اختك هاذي او لا ؟؟؟؟
شكلكم صدق تدخلوون فيها
وبعدين تنوره مشجره مع كوحلي ساده حلو لانه الموضع تنافر الالوان
بس هي تبي توصل لكم رساله لاتدخلون فيها لانها عنيده وراح تختار الشي الثاني لو انها ماتبيه
بس عناد لكم

وصراحه انتي حشريه اذا اختك عاقله وبس فيها عناد وش دخلك تهمسين لها قدام الحريم هاتي القهوه
اتركيها بحالها فشلتكم ؟؟؟ ولا فشلت نفسها ليه الحركات البايخه ذي ليه تبين تفهمين الناس
انك مستعره منها وهي دايم غلط وانتي صح وانتي تعرفين سلوم العرب ؟؟؟؟؟؟؟؟؟ كم عمرك انتي وكم عمرها ؟؟
اتركيها بحالها وشوفيها كيف تتعدل ويروح العناد اللي فيها لو انا مكانها ماتحمل تصرفاتك صراحه
ولا بعد تدورين لها معهد لا احسن الغي امك وصيري انتي امها صدق انتي حشريه بشكل كبير
اسمحيلي
المهم والزبده اختك سبب اللي فيها انتي ليش تراقبينها لاتنكرين لانك ذكرتي كل شي عنها
معناته انتي تراقبينها بكل شي فكي عنها واتركي المثاليه واخوك ترا ياخذك على قدر عقلك ولا مستحيل
يقول عن اخته كذا وانتي لساتك صغيره ياحلوه لاتصيرين حشريه بقوه وعطي اختك ثقتها بنفسها
وخليها على راحتها