..السلام عليكم ورحمة الله وبركاته..
أول شي أقولهه لووو سمحتوا احد يساعدني أقرأوا الموضوع كامل لأني متضايقةة بقوة وأول مرّة يمرّ علي شي كذا بحياتي!
أنا بنت عمري 15 سنة عايشه حياة عادية وبمشاكل عاديه زي أي بنت بعمري !
فيه مشاكل بالعيلة كثييير ما تتخيلوها من كان عمري 8 سنوات وللحين نفس القصة ما خلّصت وبعمرها ما أثّرت على نفسيتي ولو ظلت المشاكل 100 سنه!
أمي كانت دايماً تقولي انّي عادي اتكلم مع الناس وكذا بس مو اجتماعية يعني أقضي معظم وقتي بروحي مع ان علاقاتي مع الناس تمام حتى مع الناس الجدد بس هي ما شافت باقي الناس فـ عادي هاذي أنا وأنا أختار من ابي أكون وعاجبه حالي كذا بس أفهمها بأدب لأن شخصيتي ترجع لي بالنهاية وما تتغير فجأة من يوم صغيرة كذا وش الجديد
مشكلتي بدأت قبل اربع شهور أو اكثر "الحالة" زادت صرت الاحظ أني اجلس بروحي كثير وافضّل اني اتكلم مع نفسي أكثر من الناس ولسبب غريب حتى لو فكرت أوقف واروح اشوف اهلي ما أقدر يعني أكمّل اللي أنا عليه.. شهر بعد شهر صارت الحالة تزيد لدرجة اني استمتع مع نفسي أكثر من اني أكون مع اشخاص حقيقيّن
وقبل اسبوعين صار ما لي نفس آكل أي حاجه وإذا اكلت الأكل يغير نفسيتي إمّا أعصّب أو اظل متضايقة أو ابكي احياناً طول اليوم بسبب أني أكلت وصرت منعزلة أكثر! صرت اندم أني أكلم بشر أو أطلع صايره أكره الناس بطريقة ما تتخيلوها حتى الطلعة أتمنى أطلع بروحي ولا حد يكلمني وزني نقص وأنا مو ناقصني قبل كنت أحاول زيد وزني مع ان وزني مثالي مع طولي وعمري لكن شكل جسمي يعطي العكس وكأني ضعيفه بس صحّياً كان وزني احسن من الطبيعي! صرت أضطر أجوع نفسي ولا تجيني اعكّر مزاجي لأن باليوم بطوله يمكن 20 ساعة أكون فيها حزينة بدون سبب واربع ساعات الباقية أنام وابتسم شوي وقاهرني هالشي الأكل معذبني صرت آكل قطعة شوكولاته بس لأن فيها سكر يقويني عشان امشي واتحرك!
أمي لاحظت هالشي وقالت ابحثي عنّه في جوجل قلت بسوي اختبار تحليلي للأمراض مثل فقان الشهية أو القولون العصبي لأني أمي فيها قولون ويمكن وراثة,, سوّيت 3 اخبارات عبارة عن أسئلة عادي وأجوبة مو كثير غير عن الأجوبة اللي ممكن أجاوبها قبل 4 شهور وكل النتايج تكون "اضطراب طعام نفسي خطير" ويحتاج لها طبيب نفسي وبدني بأسرع وقت ممكن! ما ادري كيف مو قادرة أصدق! أنا! مرض نفسي؟؟؟ مستحيييييل ولا ابي اعرف اشفيني خلاص ما ادري كيف اقنع امي توديني المستشفى بدون ما اخبّرها
اضطراب نفسي ؟؟ ((مستحيـل)) -لصحتك
رد مع اقتباس
