عنوان الموضوع : تعقدت من كل الرجال مجابة
مقدم من طرف منتديات نساء الجزائر

تعقدت من كل الرجال



السلام عليكم
ببدأ في مشكلتي على طول أنا بنت عمري 20 سنه أحس أني ما أبي أتزوج
و أحس انا مافي رجال فية خيرة فيهذي الدنيا والسبب الرجال اللي حولي
عندي 9 خوات أكبر مني و5 منهم أكتشفنا بعد الزواج ان أزواجهم رواعي بنات و خرابيط و ثنتين أزواجهم يضربونهم على أقل شيء و الاخيرة مسكينه أكتشفت بعد ما ولدت أن زوجها يتعالج في مستشفى نفسي له 8 سنوات من انفصام الشخصية ( طبعا بعد سنتين من زواجهم و كانت تستغرب تصرفته بس ما جا على بالها و كانت نادر ما تجيه الحاله لاكن الحين كأنها عايشة مع رجالين يوم و يوم و الحمدلله على كل حال) و التاسعه ماندري يمكن أختي ساكته عليه أو يمكن مابعد تكشفه خصوصا أنه يشتغل في مستشفى يعني البنات في وجهه طبعا مو تقصير في السؤال على العكس أهلي يسؤلون حيل و أخواني واجد و معارفهم في كل مكان بس ما أدري ليش هل أهو حظهم و نصيبهم مساكين و لا الواقع و أن كل الرجال زي كذا ( طبعا دائما العائله تتخذ أجراء بس في النهاية خواتي يرجعون مع ازواجهم و كأن شي ما صار خوفا من الطلاق و نظرة المجتمع و خوفا على مصير عيالهم و تشتت العائلة و املا في ان يهدي الله أزواجهم بعد ان يعذون منهم ولاكن بعد فترة يرجع الوضع كالسابق) و أخوي الكبير دائما يقول انه رح يتزوج الأولى و إذا مل منها أو( عيلت ) ولهت رح ياخذ الثانية و هكذا و إذا خلص يطلق الأولى و ياخذ الخامسة و هكذا و أخوي الثاني ندور له و أحس أنه يبي يشتري العروس من محل (أبي بيضة حيل و طويلة حيل و شعرها ناعم و طويل و شكل جسمها كذا و شكل عينها كذا و شكل خدها كذاك و .... و على كل هذا التشرط نشوف وحدة شعرها أقصر بشوي من المطلوب ولا يعجبه و طبعا ( يطلب نظره شرعية ) بعد ما يسمع و صفنا و تالي يقول ما ابيها أحسه يتمسخر على بنات الناس و لا أبي أنحط في مثل هذا الموقف و طبعا أبوي متزوج أربع و مطلق ثلاث كان أي وحدة تجيب بنتين يتزوج عليها طيب البنات و الاولاد من الله
و دائما اشوف الرجال المتسلطين و اللي ما خذين قولة تعالى ( الرجال قوامون على النساء ) حجة و فاهمين الآية غلط بس تسلط
و واحد من خواني أول ما يجي البيت يشيك على البيت إذا فيه غبار أو شي تخيلو يمسح بصبعه فوق التلفزيون و يهاوش زوجته ليش فيه غبار ( على حسب كلامها) و واحد من يشوف واحد من عيالة تحرك من عند أمة أو شيء ( و عياله حركين ما شاء الله عليهم و صغار واحد سنتين و الثاني تسع شهور يعني ما ينربطون) خانقها جمبنا و هزئها انتي ما تنتبهين على العيال و يحكمنا شوفوها شتسوي ما تهتم في عيالي و أهي تهتم فيهم حيل و إذا مو جالسين على رجولها عينها عليهم على طول
طبعا أصغر مني بنت عمرها 5 سنوات بس و ثلاث أولاد
و كل مرة يجي أحد يخطب أقول لهم لما أكمل دراسة و لا أرضى أطلع لأحد و حتى إذا طلبو رقمي أقول لهم محجوزه أو أسوي روحي ما سمعت و آخر مره سمعت مرت أبوي تقول لحق أمي يمكن بنتك خايفة من الزواج كلميها و ركديها ترى بو فلان ( أبوي) يقول إذا تقدم ولد عمها بزوجها ولا علي منها ( بيت عمي ينحزون لنا)
وانا ولد عمي هذا ما أطيقة كذا خلقة و من شكله أصلا تحسينه لاعاب و راعي خربيط و نفسية و عنده البنت لازم تسوي كل شيء في البيت و لازم تعرف كل شيء و مستحيل يوافق أني أشتغل و أنا حيل أبي أشتغل بعد الدراسة و عنده معتقد ان كل الحريم مبذرات و لازم ما يدرون إذا صار عندك فلوس و لا يصلح توديهم السوق و لا بيكسرون ظهرك من الصرف و ان الوحدة ماتستاهل يصير عندها شغالة و المفروض تتعلم كل شيء و تشتغل في البيت طول اليوم و الرجال المفروض يروح الدوام و ينام بس لانه ياحرام مسكين يتعب حيل في الدوام

بس أحس انا مردي بتزوج و الفرص تطير الحين كل يوم على بابنا خاطب و بعدين مارح يجي أحد و بقعد أتحسف أتمنى أصير أم و يصير عندي عيال
ولا أخيفكم سرا أتمنى أتزوج و اجيب بنتين ورى بعض و بعدين يموت زوجي
مو مقتنعة أن في رجال زين وما يستنقصني كأنثى

أتمنى من الأدارة تنزل مشكلتي لأنها موضوع كبير حيل بالنسبة لي و معقدني حيل
و أحب أشكر المنتى و أعضائه على صنع عضوية مشكلتي و على تفاعلهم بالردود و مساعدتة الناس ^^

>>>>> ردود الأعضـــــــــــــــــــاء على الموضوع <<<<<
==================================


مو الكل نفس الشي
والزواج سنة الحياة حبيبتي
الزواج نصف الدين
ادعي ربك
يرزقك زوج صالح
ان شاء الله


__________________________________________________ __________

اذا جاكي عريس فيه خير ومصلي وخلوق تزوجي وربي يوفقك لاتردي العرسان وبعدين تاخذي اخس واحد فيهم الله يستر عليكي وتاخذي الافضل ربي يعينك.


__________________________________________________ __________

شوفي ياصاحبة المشكله الرجال موكلهم مثل بعض ...لاتحكمين على الرجال من ازواج خواتك وخوانك ...وحطي ببالك كل الرجااال فيهم عيوب وكل رجل لازم يكون فيه عيب بشخصيته مثلا رجال يضرب ويسب ويشتمك ومايحترمك مثل هالنوع من الرجال طبعا لاتجلسين عنده وتطلقي منه وفيه رجال مثلا من طبعه انه شوي عصبي هذا ممكن تصبرين عليه وعادي جدا وكثير رجال من طباعهم عصبيين وفيه رجال عيبهم كتومين يعني ساكت طول الوقت ومايسولف ولايهتم بزوجته وفيه عيوب كثيررررررة منها تكون عيوب كبيره ومنها تكون عيوب صغيره ممكن تتحملينها وتمشينها وفيه عيوب غلط نسكت عنها وان شاء الله نصيبك يكون احلا نصيب ويكون ذو سمعه طيبه واخلاق تفاءلي بالخير تجدينه باذن الله اذا انخطبتي واااافقي على طوول اذا هو خلوق وسمعته طيبه لاتترددين توكلي على ربك ووافقي لاتقولين يمكن يطلع قاسي او يضرب او او لا بالعكس توكلي على الله اذا انتي ماتبين ولد عمك وااافقي على اي شخص يتقدم لك قريب واهم شي تركزين على الاخلاق ويكون بوظيفه ممتازه وعنده سكن .....وولد عمك هذا تفكيره متخلف وان شاء الله مايكون من نصيبك واذا هذا تفكيره مراح يتوفق بزواجه اكيد بيطلق بلاشك مافي وحده ترضى بواحد يذلها ويتسلط عليها وابي انبهك على شيء مهم اذا تبين تشتغلين اشرطي هالشي على الخاطب ان لايمنعك من الوظيفه والله يوفقك ويسهل امرك


__________________________________________________ __________

بصراحة كرهت رجال فوق ما انا كارهتهم

بس مو كل رجال مثل بعض


__________________________________________________ __________

موكل الرجال مثل بعض يعني اصابع يدك متساويه ؟؟ شوفيهن اذا لا البشر نفس الشيء يعني موالرجال مثل ازواج اختك