ماذا افعل ...افيدوني -تم الاجابة

[aksachli]

عنوان الموضوع : ماذا افعل ...افيدوني -تم الاجابة
مقدم من طرف منتديات نساء الجزائر

ماذا افعل ...افيدوني



سلام عليكم
انا متزوجه مشكلتي بدت من جبت بنتي ثانيه صار زوجي يبغى ولد
تعبت نفسيتي .يقول ابي ولد قلت اهم شي العافيه قال فﻻن يقولي ابو بنات نسله كله بنات عقليتهم متخلفه

ومشكلتي ثااانيه صديق زوجي فر راسه بسالفه مسيار انه يتزوج وﻻ من شاف وﻻمن دري
يعني قالي باخذ قرض تيسير وتزوج مسيار وهي تكون هنا وانتي معي متى ماحبتك عند اهلك اروح لها وﻻ احد يدري
صدمني صدمه
بدايه زواجنا كانو يحذروني منه ﻻنه مو من جماعتي
لكن انا عندت واخذته
بصراحه بديت اتمنى اني ماعرفته وﻻ وافقت عليه
كانت حياتنا ماشي حالها لكن بعد صديقه وزواج مسيار
بديت اخاف منه واكرررهه
ﻻاطيق نظر له
مايفكر بشي ذا الا الي ناقصه شي
وانا عمره ماقالي سوي كذا او ليش كذا ﻻ اهتمام فيه وﻻ ترتيب بيت وبناته
تكفووون ادعو لي
وربي بهم مايعلم فيه غير ربي
ماعلمت اهلي ومدري شسوي
يارب سخر لي زوجي

>>>>> ردود الأعضـــــــــــــــــــاء على الموضوع <<<<<
==================================

امممممممممممممممممممممممممممممممممم *.*
و هو لازم يقول لج سوي كذا واهتمي وغيره ؟!
انتي غيري من نفسج او من البيت وانتي اهتمي بدون ما يقول
بالنسبة انه يبا ولد قولي له الموضوع ما هو بيدي ولا بيدك
فعلا ناس تفكيرها متخلف
وكان الله ممكن يحرمه من العيال نهائي لا بنات ولا اولاد
يحمد ربه غيره مب لاقي ريحة طفل ويتمناها ليل مع نهار
و اعتقد انه هو عارف انه ردة فعلج بتكون باردة عشان جيه تجرأ و قال لج بيتزوج
انا اقول حاليا بيني له زعلج واذا سألج شو فيج تكلمي وقولي كل اللي بقلبج
وحاولي فيه انه يخفف علاقته مع صاحبه او يقطعها نهائيا
الله يعينج ويصبرج

استغفر الله العظيم الذي لا إله إلا هو الحي القيوم و أتوب إليه

__________________________________________________ __________

عزيزتي حاولي تغيرين من نفسك شكلك..تدلعي له وزي كذا الرجال مارح تركب الفكره براسه الا اذا انه شاف شي.انتي حاولي تغطي الموضوع من كل الجوانب تقربي له اكثر عدلي من نفسك لبسك اسلوبك..
والله يعمي عينه عن غيرك.
دمتي بود♥

__________________________________________________ __________

المشاركة الأصلية كتبت بواسطة غرام طفلة امممممممممممممممممممممممممممممممممم *.* و هو لازم يقول لج سوي كذا واهتمي وغيره ؟! انتي غيري من نفسج او من البيت وانتي اهتمي بدون ما يقول بالنسبة انه يبا ولد قولي له الموضوع ما هو بيدي ولا بيدك فعلا ناس تفكيرها متخلف وكان الله ممكن يحرمه من العيال نهائي لا بنات ولا اولاد يحمد ربه غيره مب لاقي ريحة طفل ويتمناها ليل مع نهار و اعتقد انه هو عارف انه ردة فعلج بتكون باردة عشان جيه تجرأ و قال لج بيتزوج انا اقول حاليا بيني له زعلج واذا سألج شو فيج تكلمي وقولي كل اللي بقلبج وحاولي فيه انه يخفف علاقته مع صاحبه او يقطعها نهائيا الله يعينج ويصبرج استغفر الله العظيم الذي لا إله إلا هو الحي القيوم و أتوب إليه

__________________________________________________ __________

بسم الله تو الناس ما عنده إلا بنتين لا يستعجل على رزقة حيجيه الخير يا ساتر والله اعرف ناس عندهم سبع بنات وناس اكثر من كدا ولا فكروا بالزوأج ﻷنهم اقتنعو .. بس اقلك حبيبتي زوجك إذأ الله كاتب له الزوأج حيتزوج حيتزوج حتى لو جبتي له عشرة اولاد لانه مكتوب من الله وإذا الله ما كتب له الزوأج ما حيتزوج .. انا ليش اقولك كدا علشأن ما ابغأكي تحرقي اعصابك إهتمي بنفسك وفي بناتك وامشي معاه بما يرضي الله وقوي صلتك بأالله وانصحك إنك تسمعي مقطع صغير في اليوتيوب جدا رووعة تنفع لحالتك إسمه نصيحة عبد المحسن الاحمد ﻹحدى قريباته .. اسمعية وما حتندمي

__________________________________________________ __________

غيري الأجواء حاولي تسوين أجواء جديده فيمابينكم
عشا رومانسي حمام رومانسي
بحثي بالنت على أفكار رومانسيه للمتزوجين

وقولي له خل نروح مكه وناخذ عمره لبيت الله ونطلب هناك
قولي له كل شي بيد الله مو بيدك يعني المسيار موحل
خل نتوجه لبيت الله ونطلب

وقولي له لكبرت البنوته ان شاءلله تحملين والله يرزقكم بالولد

حاولي تجلسين معاه وتتناقشين معاه بالهداوه