عنوان الموضوع : كل يوم خطبه وكل يوم مرفوض غريب امره ،،،!!
مقدم من طرف منتديات نساء الجزائر

كل يوم خطبه وكل يوم مرفوض غريب امره ،،،!!



السلام عليكم ورحمته وبركاته
هذا اخوي درس دبلوم صحي واخذ الشهاده وكعادة الشباب السعودي جلس 4 سنوات عاطل في البيت وكان حلمه ب الزواج اكبر من الوظيفه لنه شاب ملتزم وماسك نفسه
توظف بعد اربع سنوات عطاله بعد داوم ب 3 شهور

.جاني وقال ابيك تخطبين لي قلت ابشر ورحت خطبت له بنت من جيرانا مخلصه الكليه وعمرها 27 سنه رحت وكلي ثقه انها بتوافق خصوصا ان الولد معروف ف الحاره ب اخلاقه ودينه وطيبة قلبه
لكن للاسف رفضت البنت من الليله قالت مبغا من برا الجماعه
دقيت على اخوي وقلت تراها رفضتك وصكر السماعه . جا اخوي بعدها باسبوعين من وظيفته وشكله يخوف نازل وزنه 10 كيلو ونفسيته تعبانه قلت انت وش فيك قال قيلون عصبي !!
ماكان فيه قيلون قبل الخطبه
قعد بعد الخطبه شهرين يتعالج
وبعد ماشافاه الله قال ابيك تخطبين لي
قلت ابشر. اعرف بنت ماشاء الله خواتها كثيير ماتزوجن وتاركه الجامعه وحالتهم الماديه صعبه اكيد بيزوجونا «« الولد ياناس ماينعاف صلاته في المسجد اخلاق وخفت دم وطيبة قلب ووظيفه محترمه
دقيت على امها وخطبتها وردت امها بعد يومين قالت البنت رافضه
بلغت اخوي
وبعدها اصابه جرثومه في الامعاء وعانا معاناه مايعلمها الا الله

كلمته وقلت له فيه بنت من الربع ابخطبها لك قال اخطبيها
وخطبتها وكالعاده رفضت بس هالمره من نفس الجلسه

دقيت عليه وبلغته وبعدها جانا في البيت ماعرفته صاير عظم وجلد ومكتئب الى ابعد الحدود
الدكتور اعطاه دواء للجرثومه سبب له التهاب في القولون وحموضه صار يفطر تمره وعليها لين السحور ويتسحر تمره وغير نفسيته الي صايره دماااار

وكلمته بعدها ب ايام وقلت ابخطب لك قال لا لا وهو خايف وشكله تعقد من طاري الخطبه

حبيت اسئلكم هل هذا طبيعي مع كل خطبه يمرض؟

الولد ماينعاف والبنات الي اخطبهن الي كبيره والي فقيره والي خواتها كثاار ولاتزوجن وبالرغم ذالك يرفضونه. هذا طبيعي ؟؟

فيه حريم كانوا يلمحون لي ان ودهم باخوي ل خواتهن وبناتهم. تتوقعون هذا سبب المشاكل كلها ؟؟

وش رايكم اخطب له من دون يدري لنه كل ماخطبت ودرى يمرض وتنقلب حالته ؟؟

قولوا لي كيف اتصرف معه ؟

>>>>> ردود الأعضـــــــــــــــــــاء على الموضوع <<<<<
==================================


اخوك حالته غريبه يمكن فيه عين قوليله يرقي نفسه وحتى لو خطبتي له من غير لايدري وبعد الخطبه اذا علمتيه يمكن تجيه نفس الاعراض وخليه يروح لشيخ يقرا عليه ويستمر بعلاجه انصحك حاليا لاتخطبين له الين يتشافى نهائيا وبعدها اخطبي له والله يشفيه ويعافيه


__________________________________________________ __________

السلآم عليكم ورحمة الله وبركآته
يآلغآلية ، إجعلي أخيكِ يلتزم الرقية الشرعية ، لآن من الوآضح إن هذآ سحر أوعين والله أعلم
بإذن الله سيجد الزوجة المنآسبة ، وضحي له أن المؤمن مبتلى ، والله يختبر إيمآنه
وله في كل إبتلآء أجر إن شآء الله ، إجعليه يكرر
اللهم من أرآد بي سوء فأجعل كيده في نحره ، الآستغفآر والدعآء يلتزم فيهمآ ،
أسأل الله العظيم رب العرش الكريم أن يشفيه ، لآتنسيني من دعوآتكِ
لآإله إلآ أنت سبحآنك إني كنت من الظآلمين


__________________________________________________ __________

اتوقع يكون فيه عين او حسد.


__________________________________________________ __________

المفروض دامه قالك اخطبي لي وماحدد لك مين يبي
ماله داعي تقولين له خطبت فلانه ورفضت وخطبت ورفضت
انتي اخطبي له بدون ماتقولين له لين تتأكدين ان البنت موافقه
واذا جاء يسألك خطبتي لي ولا لا قولي له قاعده ادورلك ع بنت حلال
الله يعينه حالته غريبه صراحه


__________________________________________________ __________

اخطبي له بدون ماتقولين له