ابي اهتم بنفسي تعبت نفسيا -لصحتك
عنوان الموضوع : ابي اهتم بنفسي تعبت نفسيا -لصحتك
مقدم من طرف منتديات نساء الجزائر
ابي اهتم بنفسي تعبت نفسيا
السلام عليكم ورحمة الله وبركاته
اول شي اشكر هذا المنتدى على السرية التامه ثاني شي احسكم مثل خواتي عشان كذا بطرح لكم مشكلتي. .
انا عمري 14 وقريب بدخل 15 الزبدة ماحس اني نفس البنات الي في عمري ما شاء الله بشراتهم صافية والوانهم موحدة انا قدامهم أحس اني عجوز أو وحده متزوجه وعندها عيالجسمي ألوان وفي كل ناحية شي مسمر وفي جسمي جروح لا تعد ولا تحصى من كثرها هذا غير الركب والاكواع والرقبة أخ بسس وكمان جسمي مرهل لأنو لما كنت صغيرة كنت سمينه وفجأة كذا نحفت فصارت عندي ترهلات
ومن ناحية ثانية شعري اه بس منه والله يابنات من عرفت نفسي وشعري قصير حاولت أطولة ماقدرت ومره متقصف وخشن بطريقة ماتتصورنها
تكفون بنات ربي يسعدكم ابي خلطات مجربينها تطول الشعر وتنعمه وأبي بعد للحوسة حقت البشرة
>>>>> ردود الأعضـــــــــــــــــــاء على الموضوع <<<<<
==================================
وليش تعبتي نفسياً بالله ؟؟
كثير شفنا بنات مب حلوات وصارو حلوات
روحي مشغل خليه يسوي لك حواجبك زين وشوفي ف اليوتيوب تشريحات كثيره للشعر
فيه بنات يسوون فرد وانا ماعرف له صراحة
وفيه بنات استشوار
وعيونك سوي لها كحل واشتري مكياجات شوي شوي تتعلمين
وع فكرة اللبس يحلي الوحدة
ولونك وجسمك فيه اسكنول وصنفرة وخلطات داومي عليها
الله يوفقكِ
__________________________________________________ __________
رفع
__________________________________________________ __________
السلآم عليكم ورحمة الله وبركآته
حبيبتي/
لتوحيد لون الجسم في خلطآت كثير تلآقيهآ بآلنت
لتفتيح منطقة معينة أحضري قطن ضعي الآسكينول " غسول للبشرة "
وأمسحي المنطقة عآدي وبإذن الله تفتح
للجروح إستعملي ميبو بإذن الله بتروح يآقلبي
لشعركِ أخلطي زيت الخروع مع زيت الشمطري مع زيت الثوم وضعيهم لمدة سآعتين
وبإذن الله شعرك بيتغير
الله يوفقك حبيبتي
__________________________________________________ __________
توك صغيرة و فيه برامج كثير تهتمين بنفسك
بس نصيحة لا تقولي أبدأ كل شي مرة وحدة
و لا لازم أبدا و أطلع نتيجة خطيرة بوقت قصيرة
كل شي يبي له وقت و عشان الواحد ما يمل ما يبدا ببرامج قاسية أو تتطلب مجهود كبير جدا لكن يبدا يسوي اشياء بحيث ياخذها عادة يومية
يعني الواحد يمشي حبة حبة على نظام بحيث يستمر عليه
"قليل دائم خير من كثير منقطع" تراها قاعدة تسري على كل شي
لو جربتي خلطة واو لشعر أو بشرة و تركتيها بترجعين أسوأ - استخدمي خلطات بسيطة ماتحتاج تكرار كثير أو تحضير
لو سويتي رياضة كم يوم و تركتيها بترجعين أسوأ - سوي نص ساعة يوميا كافية
اهتمي بشرب الماء ثم الماء ثم الماء و الرياضة تشوفين بشرتك و جسمك و شعرك و كل شي تغير
عشان الدورة الدموية
و حاولي تاخذين نفس صح لما تسوين أي نشاط حركي للجسم (أغلب الناس ما يتنفسون صح و مايعرفون قد ايش تسبب مشاكل بكل أجهزة الجسم)
و ابتعدي عن الأكل غير الصحي
باختصار الصحة أولا و الجمال تحصيل حاصل للصحة
صدقيني ما تنفع الأشياء الخارجية إذا كان الداخل و الدم و الدورة الدموية تعبانة
و بالتوفيق يا قمررررر
__________________________________________________ __________
مرحبا
شوفي ياعمري بقولك اللي استخدمه انا طبعا عنايه تامه
اول شي جيبي علبه وسط حجمه
حطي علبة جلسريد كامله
وفنجال حليب بودره+ زيت لوز مر+ زيت زيتون + ماء ورد
وملعقة نشاء حق الطبخ كثري املي الملعقه
حلوين هالعلبه خليها بحمامك كل ما دخلتي الحمام
ادهني كوعك ركبك ابطك المنطقه الحساسه وبين فخوذك
وجهك رقبتك يدينك اظافرك
وتبي تلاحظين فرق كبير اذا استمريتي عليه
نجي لشاور استخدمي صنفرة كاب معروفه عند العطار
مع الصابون المغربي رشي جسمك بماء حار وسوي جسمك تدليك
بالصنفره وعقب الصابون المغربي وفركي جسمك ع خفيف
اخلطيهم بجسمك سواء المغربي والكاب
عقب تروشي بماي دافي واخر شي اشطفي جسمك
بماي بارد عشان المسامات تسكر من الحار
ومتأكده باذن ربي تبي تستفدين وتلاحظين فرق
لكن استمري عليه تبي تحبين نفسك وتحسين بثقه
خصوصا من الصنفره شي خيالي قدمي ساعة تروشك عشان وقت الصنفره
وابي دعاك ان ربي يوفقني ويسهل لي مافي بالي
موفقه ياربي
ردي على احدى المشاكل يارب تستفيدين لو شوي
رد مع اقتباس
