عنوان الموضوع : راضيه بصديق اخوي زوج لي بس كيف اقول لاخوي ! -تم الاجابة
مقدم من طرف منتديات نساء الجزائر

راضيه بصديق اخوي زوج لي بس كيف اقول لاخوي !



السلام عليكم ورحمة الله وبركاته

رمضان مبارك عليكم وتقبل الله منا ومنكم ،~ ♥

مبدئيآ أنا عمري 23 متخرجه لي سنه ،~ ■

انخطب كثييير من أيام الثانوي والرفض من اهلي قبل يوصلني الموضوع من الاساس
ولا لي رأي ولا حتى يقولون لي وان حصل وقالوا لي تكون اسباب رفضهم :

عسكري - ساكن برا منطقتنا - بعيد مانعرفه - ما ارتحنا له - بعيد كيف نسأل عنه
اخوه شين عمه شين خاله شين - عائلته فضوليين و و و و ألخ من الاسباب التافهه الي تقطع النصيب

غير كذا انا واصله عمر اتمنى ارتبط بشخص والقى منه حب واهتمام وشراكة بالحياة
والله لا طبيت بعلاقه ولا دورت حب واقول اوفره لزوجي عشان اعيش صح ومبسوطه

بس اهلي عقدووني من هالناحيه ما ادري ينتظرون ملاك نازل من السماء !!
وصعب جدا اتناقش معهم ويفهموني غلط ويفكروني انشفحت عالزواج خاصه ان المعايره عيارها ثقيل عندهم

اللي حصل قبل شهرين :
أخووي كلمني عن واحد من اخوياه وجلس يمدحه ويثني عليه وفعلا رجال كفوو وبيت ملك ووظيفه
ورجال بمعنى الكلمه ويشتغل اعمال حره كمان ومحبوب وخلوق ،

قال لي اخوي اتمناه لك ولو يجي يخطبك ما ارفضه ، رجع قال انا بكلمه وبلمح له يخطبك وشرايك !
وقتها رفضت وقلت ما اقبل خطوبه بالطريقه هذي وانا مافيني عيب عششان تحرج علي
قال لي لا ان هالشي معناه اني شاري الرجال حتى هو بينبسط
ورفضت قطعآ وانتهى موضوعه ،،

بعدها بأسبوع رجعت فكرت ف الولد وفكرت ف وضع اهلي من ناحية كل خطوبه تصير يكنسلونها
وهذا الكل راضي عنه ويتمنونه وكل ماحاولت اصرف تفكيري احس ارجع افكر فيه

وحلمت به احلام عجيبه اني اسوق سيارته وانه اهداني هديه ومادري اضغاث ولا لها معنى
وبعد شهرين طلعت بقرار اني موافقه عليه وودي اقول لاخوي اني غيرت رأيي

بس خايفه ومستحيه ومالي وجه رغم رغبتي القوويه وجديتي ف الموضوع
مو عارفه كيف اقول له وكيف ما اخليه يفهم اني طالبه الزواج
كمان خايفه يكون اخوي ألغى الموضوع وانحط بموقف بايخ

أخوي قبل امس سمعته يقول لامي تعرفين بنات صديقاتك كويسات لان صديقي يبي يخطب من بعيد
حسيته ألغى موضووعي نهائي ومو عارفه

وانا قلبي احسه مال للوبد وابيه وراضيه فيه ومادري وشش الحل
وششلون اكلم اخوي وكيف اقول له

اسفه طوولت ♥
اتمنى القى الشوور منكم ولكم جزيل شككري ♡

>>>>> ردود الأعضـــــــــــــــــــاء على الموضوع <<<<<
==================================


عادي اختي دامه اجا وصارحك من اول انتي كمان صارحيه لانه مبين انكم متفاهمين مع بعض
الله يقدملك الي فيه خير


__________________________________________________ __________



اممممممممممممممممممممممممممم *.*
اول شي حبيبتي استخيري مرة وثنتين وثلاث
واذا مستحية تقوليها له وجها بوجه
طرشي له مسج واكتبي له
اخوي العزيز او فلان مثل ما انتي متعودة ترمسيه
انته رمستي في موضوع وانا رديت افكر
واحس نفسي موافقة ومرتاحة للموافقة
و ان شاء الله بيفهم المقصود
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

يس صح مثلما قالت غرام
ارسلي له رساله لو مكسوفه تكلمينه مباشره

وعادي دام الموضوع من اول له بداية

والله يجعله نصيبك ان كان خير لك

موفقه حبيبتي


__________________________________________________ __________

عادي اختي استخيري
كلمي اخوك مافيها شي انتي تبين الستر
واخوك عرض عليك الولد هو واذا انتي مرتاحه
علميه
موفقخ حبوبه


__________________________________________________ __________

المشاركة الأصلية كتبت بواسطة غرام طفلة


اممممممممممممممممممممممممممم *.*
اول شي حبيبتي استخيري مرة وثنتين وثلاث
واذا مستحية تقوليها له وجها بوجه
طرشي له مسج واكتبي له
اخوي العزيز او فلان مثل ما انتي متعودة ترمسيه
انته رمستي في موضوع وانا رديت افكر
واحس نفسي موافقة ومرتاحة للموافقة
و ان شاء الله بيفهم المقصود
موفقة

استغفر الله العظيم الذي لا إله إلا هو الحي القيوم و أتوب إليه

:i con18: