عنوان الموضوع : محتارة من وضعي معهم هل انا صح او خطأ!! -تم الاجابة
مقدم من طرف منتديات نساء الجزائر

محتارة من وضعي معهم هل انا صح او خطأ!!



السلام عليكم ورحمة الله وبركاته :
عمري 27 سنه ومتزوجه من ثلاث سنينوعندي بنت عمرها سنتين مشكلتي بدأت من اول زواجي مع اهل زوجي وتدخلاتهم المستمرة بحياتي بطرق ملتوية طبعآ التدخلات من أمه وأخته ..اول الزواج كنت اقفل باب شقتي بدون المفتاح وعمتي تجي لين باب غرفة النوم تدق صرت اقفل ..ثلاجتي مخزن لهم اذا شروا شي كبير يحطوه عندي وطبعآ احيان اكون نايمة وزوجي برا ويترك الباب مفتوح مع ان احرص عليه وتجي تاخذ الغرض عادي جدآ تبهذل ترتيب ثلاجتي عشان اغراضها مع ان عندهم ثلاجات بس مدري شالسالفه ..لما نسافر زوجي العزيز يترك المفتاح عندهم بحجة انو ممكن يصير لنا شي ..والاقي العجب العجاب بالصور بالانستغرام صحون واغراض بيتي يستعرضوا فيها ع حسابي ومرة انحرق من هالحركة ..احيان اجي ان نص اغراضي عندهم واجلس ازن لما أحتاجها ويادوب اشوفها بعد يوم يومين ثلاثه حسب حاجتهم للشي ..ملاحظه هم مقتدرين يعني هالكم صحن والورقيات واطقم السفره اللي يشيلوها من عندي ماهم بحاجتها ..اخر مرة اخته راحت لصديقتها بصينيه من حقاتي اخذتها وانا برا البيت ولما سالتها عنها ببرود قالت:عند صديقتي نسيتها ..
هذا غير مكياجاتي وملابسي اللي ياخذوها وبعد جهد ترجع لي ..
بنات قبل تجي وحدة تقول انتي بخيله ولاحسودة تلتمس لي العذر انا ابغى خصوصيه الناس صاروا يحسبوا اني انا وقحة اخذ اغراضهم وتلميحات لها اول مالها اخر وربي ماصرت اتهنى بأي شي اشتريه ع طول هات هات وتصوير وبلاوي ..واغلب الاحيان الشي ينوخذ بدون استئذان ..انا خلاص قررت أحط حدود بس مدري أكلم زوجي ولا اتفاهم معهم مباشرة مع العلم ان ألسنتهم طويله ممكن يجرحون عادي ..ساعدوني كيف أحط حد لهالسالفه لان بجد طفح الكيل ..
هذا بعض اللي يصير لي معهم غير الاتصالات كل شوي ع اتفه شي (ريحة طبخ شو تسوين احسبي حسابنا معاك )(سمعنا صوت المكيف الفلاني متى نمتوا)(متى صحيتي)(اذا بتروحين السوق زيارة مستشفى خذينا معك ) (زعل ع اتفه الاسباب وكلام بالظهر وقدامي )مجتمعهم منافق لابعد حد تتصورونه ..والله افكر بالانفصال عشان استقل وارتاح،.
ملاحظة :زوجي شخصيته سلبيه جدآ لما اناقشه بأشياء زي كذا مايرد علي ابد ولا يحط حد لشي 😐
وربي مابالغت بشي هذا بعض اللي قاعد يصير وماخفي كان أعظم ..
حلول جذرية بدون تجريح لو سمحتوا

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمة الله وبركاته
معك حق ﻻزم تكون الك خصوصيه
بالنسبه انهم ياخذون مﻻبسج قوليلهم معك حساسيه وجسمي يتحسس
وانصحك تتفاهمي مع زوجك بكل شيء وان شاء الله تلقون حل
وان شاء الله باقي البنات يفيدوكي اكثر
موفقه


__________________________________________________ __________

هذي اﻻمور دايم تحصل للي تسكن قريب من اهل زوجها
وخﻻل اول سنه تنتهي يعني تقولي لزوجك هذا الوضع مو مريحك
وريهم انك مضايقه او اي شي ﻻزم توضعيلهم حد بس حاولي بالتدريج وباﻻتفاق مع زوجك


__________________________________________________ __________

حبيبتي هذه خصوصيه المفروض غرفة النوم ما يدخلوها بغير إذن اذا زوجك ضعيف شخصيه العفو منك كذا راح يتدخلو اكثر بس لازم تفرضي رأيك وقرارك هو الي يمشي في بيتك اغلقي دولاب ملابسك وخبي المفتاح باين مابين يسوو كذا غير عناد فيك وقفيهم عند حدهم
والله يعينك على كذا ناس موفقه اختي


__________________________________________________ __________

كل اغراضج ملك لكم

مالهم حق يستخدمونهم بدون استأذان

قفلي باب الشقه قبل ماتطلعين

وبالذات غرفة النوم والمطبخ

ولازم تتكلمين مع زوجج وتتفاهمين معاه بأسلوب لطيف ومحترم


والله يهديهم


__________________________________________________ __________

وانتي غلطاانه ليه سكتي عن هالشي من البدايه؟!! كان لازم تحطين حد من اولها ...وزوجك هذا ماله شخصيه ابدا ....واهله مايعرفون الذوق والادب بكل وقاحه يدخلون بيتك وياخذون اغراضك وانتي ساكته لهم للاسف ....كان احرجتيهم وقليلهم عيب تدخلون شقتي من غير استئذان وتاخذون اغراضي ...قوليلهم كذا علميهم الادب ولاتخافين منهم حتى لو وصلت للمشاكل هذي قلة حيا وصراحه تجاوزو الحدود معك كثير ....لاتسكتين لهم ولا تسكتين لزوجك خذي منه المفتاح وقبل لتطلعين قفلي شقتك وبعدها اطلعي مو عدله تطلعين وتخلين الباب مفتوح ،... واذا بيحطون غرض عندك قوليلهم ماعندكم ثلاجات؟!!! ولا مواعين؟!!! وحتى قبل لتنامين قفلي الباب ...باب شقتك خليه مقفل على طول ....الغلط الاكبر غلطك انتي لانك سكتي لهم من اولها الله يهديك