عنوان الموضوع : الزواج أو الدراسه !!!!
مقدم من طرف منتديات نساء الجزائر

الزواج أو الدراسه !!!!



السلام عليكم

اخباركم ؟ ان شااء الله بخير

ح ادخل بالموضوع دايركت ..
انا عمري 18 سنه ..
بصف 3 ثانوي و هذا اخر ترم لي ان شاء الله

كلمني شخص المهم فتح لي موضوع الزواج وتجاهلته
ورجع يسألني ثاني وثالثه لان ما كنت ادري انه جاد
لين ما قال فكري واذا وافقتي بكلم امي ولا ابي اشوفك ولا ابي منك شي
الا لمن اخطبك ويكونوا اهلك عارفين لاني ابيك بالحلال .
طبعاً هو خلوق ، ما يدخن ولا يعسل ، موظف بالديوان
وامورهه كلهاا اكثر من تمام وغير كذا يحبني من زمان وانا مو معطيته وجه
ومتحملني وفتح لي هالموضوع .

انا ترددت لاني لسى صغيره و دراستي اشوفها اهم
هو والله ما يتفوت ولا اظن رح الاقي زيه

بس جوه غير عني انا فرفوشه وتلاقوني اضحك اغلب الوقت
هو رومانسي و منظم وقته بالدقيقه واحسه جاد شوي
احس ما حنبسط معاه

وغير كذا هو مو من قبيلتي ولا اعرف عنهم اي شي
يعني احس اني بخش عرض وانا ما اعرف اي حاجه عنهم


مدري ارفض واكمل دراستي ولا ايش اسوي
اتمنى من البنات تركز ع المشكله اللي طرحتهاا مو على اي شي ثاني
واللي عندها كلمه حلوه وتنصحني زي اختهاا تتفضل واللي بتقول كلام يجرح ومن هالقبيل اتمنى ما تكتب حاجه .

و نفرض وافقت .. كيف اوفق بينه وبين دراستي ؟
ومثلا لو حملت احس رح ينزل مستواي لمن ادخل الجامعه ؟
انا بجد في دوامه من الحيره !!!!!


انتظر نصايحكم ..
واناا بجد مرهه احبكم مع اني ما اعرفكم واحسكم زي خواتي .
اتمنى من الاداره تطرح الموضوع ب اقرب وقت لاني ما صرت اعرف انام من التفكير

>>>>> ردود الأعضـــــــــــــــــــاء على الموضوع <<<<<
==================================


عادي ياقلبي وافقي هي لسة خطوبة واستخيري الله
علشان تكونو على دراية بكل اموركم وتعرفو ايش تبغو
اشرطي عليه تكملي دراستك وخليها شرط في العقد
و عالأقل يصبر سنتين بعدين تسوو الزواج تكوني كبرتي واخدتي سنتين في الجامعة
وخدي مانع اول سنتين بس اكشفي قبلها علشان تطمني انك سليمة وطبيعية
تكوني كملتي اربع سنوات دراسة سنتين قبل الزواج وسنتين بعد
تعدي بسرعة مارح تحسي
وربي يوفقك.


__________________________________________________ __________

حبيبتي الدرااسه قبل الزوااج لاحقه على الزواج اذا هو يبيك قوليله ينتظرك لين تخلصين دراستك اذا هو متمسك فيك يجي يخطبك ويحجزك ... انصحكك بقووة درااستكك اهم اذا تزوجتي ونتي تدرسين بتندمين كثير وبتتعبين الدراسه يبي لها وقت وتركيز وتفكيرك مايكون بزوج ولا طفل كذا بتتشتتين لتزوجتي ونتي بعدكك صغيره واللي بسنك بصرااحه وماتزعلين موقد مسؤؤليه انتي بعدك مراهقه وكلنا كنا مراهقين مثلك ومجربين شعورك ونا انصحك كاخت واذا تبين مصلحتك الدرااسه اهم والباقي لاحقه عليه والله يوفقكك


__________________________________________________ __________

انا من تجربتي في الحياة انصحك تكملين دراستك افضل لك ولمستقبلك وقالتها الدكتورة فوزية الدريع اصحابك هم فلوسك وصحتك ..كملي دراستك لان الزواج بيغير فيك حاجات كثيره ولو حملتي وجبتي نونو يبي له وقت وسهر وتعب ومرض الطفل شي وارد جدا ......الخ
الله بيرزقك بخير منه او اذا بيصبر عليك لين تخلصين الجامعه انتي حره استخيري ..بس احس ان انتي لسا صغيره على الهم ..













.


__________________________________________________ __________

صلي استخارة اختي والي فيه الخير ربنا يقدمة
بالتوفيق


__________________________________________________ __________

انا بقول لسه بكير ع زواجك
دامك بتفكري تكملي دراستك كملي
احكيله اذا يقدر يستناكي لتخلصي
وافقي ويخطبك اذا مابده يستناكي انتي قرري