عنوان الموضوع : الحسد والغيرة من امي مجابة
مقدم من طرف منتديات نساء الجزائر

الحسد والغيرة من امي



السلام عليكم .مشكلتي في هذه الحياة امي من وانا صغيرة كانت تضربني وتعذبني عشان سبب بسيط مثل اكسار صحن او اذا تأخرت من المدرسة كنت اول احسبها انها تكرهني لدرجة اني اذا شفت اي احد من صديقاتي افتح واياها موضوع امي واصيح واتذكر معاناتي معاها الى الان وبالتفصيل اللممل لكن انا مابي افتح جروح الماضي الان لان مشكلتي هي اللي صايرة الحين معاها من تزوجت يابنات وهي موتاركتني لحالي قسما بالله لو ساافرت تمسك خواتي تقول لهم اني ماسلمت عليها قبل ماسافر والحقيقة اني اتصلت عليها وقلت لها بكل تفاصيل رحلتي ولكن منطقتها بعيدة عني يحتاج ساعة وشوي. واحس دايما كأنها تقول بخاطرها الله خلاكي سعيدة بس انا موجودة انغص عيشتك والله العظيم من الافعال اللي تسويها لي فمثلا كنت انا وخواتي نجتمع بيت اهلي للغداء كل خميس وكانو يجو خالاتي اللي هم خواتها وكانت تستقبلهم كلهم عسل على قلبها الا انا والله يابنات انها تهاوشني وتكلم خواتي يكلموني اني يا ادفع ثمن غداي او اجيب غداي معاي او اتغدى بيتنا واجي شبعانه عشان مالمس الغدا حقهم.طيب موعيب انا بتها ماكل وخالاتي وخواتي اللي قريبين منها يجون ويتغدون عادي ؟؟؟ليش التفرقة؟؟ والله يابنات ان كل مانسيت هم من همومها جددت لي هم اخر .لدرجة اني اختصرتها وصرنا نشتري غدا بيتنا وانزل بيت اهلي اشوفهم كلهم مجتمعين ياكلون مع بعض الا انا؟؟موحرام؟؟ الحمدالله تأقلمت مع هالوضع الى الان اذا سافر زوجي تسوي لي قضايا ومشاكل وتقولي لاتجي بيتنا عيني عينك ماتبيني احظر ليش عشان مانام بيتهم بينما خواتي المتزوجات يجون وينامو معها وتحب عيالهم .بينما انا تكره شي اسمع اعيالي وماتحبهم وماعمرها باست احد من اعيالي. ومع ذلك اقول ماعليه انا اقدر اصبر .واللي قاهرني يابنات ومقطع قلبي كلمتها اذا شافت زوجي سفرنا تقول:شوفو فلانة شيخة ياليت مو هي ياليت انتي يابنتي تقصد اختي .واذا رحت مكان شريت لهم هدايا كلهم والله اني اخسر بالالاف لان عدد خواتي كبير ولا احب اضايقهم وهي شتسوي ترمي الهدية اللي الها بوجهي وتقول مابي ممكن خمس مرات سوتها فيني واجي بيتي بدمعتي لان هذا جزاتي اتعب مشوار واشتري لهم واخسر على حساب افرحهم وفي الاخير رمي بوجهي.طبعا خواتي بالعكس يشكروني بس هي توسوس عليهم.عندي اخت تموت بالاطفال مررة شرت لبنتي فستان والله قدامي امي هاوشتها وقالت لها مومحتاجة هي تجيبين لها ليش تخسرين نفسك وهي ظلت مترددة لدرجة انها قالت لامي لا لا انا باخذ ثمنه منها عشان تريحها.واخير مرة يابنات سفرني زوجي دبي والله العظيم قسما بالله انها قامت القيامة منها ليش ارروووووح ماآخذها واياي !! طيب ليش مااخذها واياي؟؟ لان زوجي مايحب احد يجي معنا باي سفررة والله انه مفشلني بس هذا اسلوبه خلاص كم مرة هي بنفسها تكلمه مايرضى يقول مااخذ احد من اهلك لان امي بتزعل وبصير اراضي الجهتين على حسابي.تعبت واياه قلت لهم الحقيقة قالت امي كذااااااابة لاتصدقوها هي منها ماتبينا وخواتي انقسمو نصين نص معاي ونص مع امي .لدرجة اني تعبت والله تعبت .ولما رحت دبي طبعا كم ظليت هنام يومين كل هالقيامة عشان يومين.اتصلت علي اختي تقولي ابي تشترين لبنتي فستان قلت لزووجي قالي شوفي عاد انا موفاتح بنك كل ماسافرت طارت الفولوس حق مقاضي اهلك واعيالهم بصراحة انا انحرجت وجلست اترجاه قلت له بس هذي اختي لانها اتصلت ووصتني قال والله ماراح اشتري لحد وبالمووووت اقنعته وظل مطنقر على هالفستان اللي شريته لها. ولما جيت بيت اهلي عجبها اختي بينما قامت القيامة الثانية من امي والسبب ليش اشتري حق بنت اختي ولا اشتريلها هي .طيب انا موموظفة من بيعطيني الفلوس غير زوجي واذا مارضى يعطيني ماتعذروني .حرام عليها مضيقة علي في كل شي ,وقبل كم يوم جات اختي بيتنا مع اعيالها وباتت عندي واستشرتها عشان نروح مطعم نتعشى فيه نغير جو .والحمدالله انبسطنا وايا العيال .بالله عليكم فيه داعي للزعل؟؟؟؟؟؟؟؟؟ الا امي تزعل على اختي ليش تروح معاي المطعم ولا ناخذها قالت لها اختي يمه هي في منطقة بعيدة وانتي ماتحبي تروحي بيتهم وظلت زعلانة على كذا مع ان راحت المطعم جات عفوية.لان بقا من مصروف لعيال ورحنا فيه المطعم مايحتاج يعني تكبر السالفة.واخر شي يابنات اللي حرق قلبي حرق.ان خالتي قالت بتسوي عزيمة في استراحة واستشارتني متى بتنزلي عشان احدد موعدها فكان الموعد هو نفسه يوم عزيمة بيت اهل زوجي وقلت لها الغدا مااقدر احظر بس العشا اقدر اجي من العصر.واختي بعد نفس الشي قالت افضل في العزيمة تكون عشا .سمعت امي قالت ياسلام تروح تنبسط وتتغدى بيت اهلها واحنا هنا ننتظرها لا والله مانتظرناها خليها غدا وكيفها لاتجي. واتصلت علي خالتي قالت ترا امك تبيه عشا قمت واتصلت على امي قلت لها ترا اهل زوجي مارتاح معهم ابي معكم قالت مولازم تجي قلت وبنتي تبي تلعب مع بنات اختي قالت لا بنتك شبعانة لاتجي قلت لها طيب يعني ماتبوني قالت شوفي تعالي وجلسي في البيت واحنا اذا خلصنا بنجي البيت .يعني تبيني اروح مانبسط ولا شي والسبب اني لييييييييييييييييييش اتغدا بيت اهل زوجي حاولت اقنها اني رايحة بشكل رسمي مو لاني انبسط هناك بس مافي فايدة مارضت تغير الموعد وخلته غدا عشان مااجي واغير جو.وحابة اقولكم حاجة ترا كل خواتي وخالاتي يعرفوها ودايما اذا تكلمت عني او اغتابتني دائما طبعا تغتابني لان بعض الكلام يوصل وبعضه يلطشون خواتي انها اغتابتني ,واللي اكثر شي مضايقني انها تحاسبني محاسبة غير عن خواتي كلهم مثلا اذا ركبنا مع سواق تبيني انا اللي ادفع الكروة .واذا سوت عزيمة الكل تناديه ويجي عادي اما انا تشرط علي اني ما اجي الا بطبق وهي اللي تحددة .بنات انا موشايفة الا جفاف وكره لي ولعيالي ماتحبني بشهادة كل اهلي ومبداها في الحياة تضييق علي اكثر .يعني ليش مثلا وش بتخسر اذا شافت بنتي تلعب مع بناتها ولا جيت انا وحظرت معاهم العشا مااراح تدفع شي من جيبها فليش كل هالتقصير والتضييق على حياتي .وعلى فكرة ماعمرها ذكرتني بهدية دايم تجيب لخواتي اذا سافرت الا انا وطبعا لايمكن اني اقول لها لانها واضحة انها تكرهني مابي تجيب لي ولا لعيالي.هذا وغير العيدية والله ينكسر قلبي على عيالي تعطي الكل الا اعيالي تقول خلصت الفلووووس .
بنات تعبت ابي اشتكي همومي منها والله اني تعبانة منها اكثر من اي انسان ثاني.ولو اني راعية مشاكل كان عالقليلة صارت لي مع اهل زوجي الاجانب اللي مايقربون لي والحمدالله العلاقة طيبه معهم ومع الجميع مو لانهم هم الزينين لاني انا مابي مشاكل اخاف اقابل ناس مثل صنف امي

>>>>> ردود الأعضـــــــــــــــــــاء على الموضوع <<<<<
==================================


طولي بالك وقوليلا لي عم تسوي معي هيك او احكي لحد من خالاتك تحكي معاها


__________________________________________________ __________

اني ما شايفة اكو شي يساهل هالكد تحقدين على امج
عادي كل الامهات ينغصن على بناتهن ويحاسبنهن هاذا شي عادي
والام ما تفرق او م منتبهة ما يصير واحد يضل ور ورة امه بكل صغيرة وجبيرة
اني عشت بضروف اصعب من هاي بس ما حقدت على امي واكول تكرهني
ما اعرف شنو قصتكم وية الامهات كل بنية تحقد واتكول امي تغار مني امي تكرهني على اسباب مو مهمة
لشي ما تهتم ليش ما تدير بالهة من عدنا ليش مدري شو
ما تعرفون الام اشكد تعاني من تربيكم وكبرتكم سوت كل وحدة منكم من طفل الى امراة شابة

هذا جزاء الام
والله العظيم تاذا ازوج ما اجيب بنية لو اموت والله ما اريد تجيني بنية

مو كادرة اتحمل حجيكم على امككم
حرراااااااااااااااااااامات العب حيا حيف على التعب وسهر اليالي
يا خسارة التربية
يا خسارة الحليب الي ما ثمر بيكم
اااااااااااه
لو تعرفون الام شتعاني واشلون تتعب
كافي تحمل 9 اشهر
افي تربيكم وتسر الليالي وكافي تتعب من تتمرضون تنحرم من النوم علمود تنيمكم وتشربكم

يا حراام على الام الي تنلهف على الامومة وهذا جزاهتها هذا الكلام مو بس الج موجه وانما كل بيت عاق
يا قلبي الي تقطع من اسمع كلامكم
كل ما اشوف موضوع واقرء العنوان عن الام
امي تكرهني وامي تغار .... الخ
اكول بنفسي لا تدخلين حتى لا ااذي نفسي
بكل مرة اكول يجوز همرة اام صدك موزينة بس مع الاسف

وياريت الي مو عاجبها ردي لا تسويلي اقتباس لان مو متحملة اتناقش بهيج موضوع
الي مو عاجبها كلامي وتريد تسويلي اقتاس لا تسوي
روحو على الادارة بتحذفني اذا كلت كلمة وحدة غلط
ان شاء الله حتى اذا تزوجت يارب ما احمل واجيب بنية


__________________________________________________ __________

الله يعينك يا روحي


__________________________________________________ __________

معليه ياقلبي الكلام طويل وكله شبه بعض
بالنهاية
فعلا يحصل غيرة أحيانا وانتبهي تعملي المستحيل منشان ترضي اهلك من جيب زوجك انتبهي

خلي علاقتك رسمية مع الجميع واعطي بالمعقول وحاولي تأخذي موقف من أي كلمة أو تصرف مايعجبك وردي عليه بأسلوب مقنع لاتسكتي وترجعي بيتك تبكي
اللي عاجبه عاجبه واللي مو عاجبه بكيفه
وانتبهي تقنعي زوجك بسفر أمك أو اهلك معاك عيب مره طالما أهله موجودين هم أولى بالسفر وبفلوسة أبدا مو مكلف بأهلك وقولي هالكلام لإمك مو عيب ولا حرام
كل مأوضعتي النقاط على الحروف راح ينعملك ألف حساب أنا تآكلينها لحالك معليه هذا أسلوب انسأنة ضعيفه
الله يوفقك


__________________________________________________ __________

ي حياتي الله يعينك ي رب