عنوان الموضوع : عشان نفسك مو عشان زوجك (هام) -لصحتك
مقدم من طرف منتديات نساء الجزائر

عشان نفسك مو عشان زوجك (هام)



بسم الله الرحمن الرحيم
السلام عليكم ورحمة الله وبركاته
الرجاء من الاداره الكريمه طرح موضوعي

كيف الحال اخباركم
انا حبيت انزل هالموضوع في هذا القسم لان بتكلم عن مشاكل شفتها والعبره من هالمشاكل

اني اجمل نفسي واكون بافضل واجمل صوره عشان نفسي مو عشان احد

اولا ارجو منكم الدعاء لي بتوظيف المباشر ولجميع المسلمين

ثاني شي صديقاتي كلهم تزوجو الا انا طبعا هذه مو مشكله لان هالامور عند الله

لكن انا تعلمت من مشاكلهم قبل الزواج اشياء مهمه

وبقولكم على قصص لبعض منهم وارجو انكم فعلا تاخذون هالقصص بعين الاعبتار وتكون حافز ودعم لكم

وبقولكم على امثله من صديقاتي والي اعرفهم

اول واحده

صديقتي قبل زوجها بست اشهر دفعت 23 الف ريال على ايش تتوقعون ذهب ملابس جهاز

لا دفعتهم على جسمها ومهرها كان 40 الف يعني ما تهنت وقبل الزواج حصلت على70% من النتائج الي تبيها وكانت تكمل بعد الزواج بسر عن زوجها جلسات

دفعتهم على تفتيح الاماكن الحساسه و الركب والاكواع وازالة الشعر والحمامات والزيوت والخ


ثاني واحده دفعت حوالي 70 الف ريال سعودي في امريكا عشان تشيل الخطوط البيضاء و تشيل دهون من جسمها

الثالثه أجلت زواجها ثلاث سنوات على شان تقدر تنحف و تحسن شكل جسمها و تنظف عمرها

الرابعه كانت تصير بينها وبين زوجها مشاكل لانها ماتعرف تتكلم وعشان ماعندها ثقافه عن المعاشره ومعاملة الزوج


كان بالاماكان لو انهم يهتمون بانفسهم من البدايه وعالجو انفسهم هم في غنى عن هالامور ناهيكم عن المشاكل الي كانت تصير لهم في البشره والتنفس والصرف والتأجيل والاسلوب

هالبنات وغيرهم علموني اني اهتم بنفسي باي وقت وكل الوقت مو عشان بس اتزوج لا عشان اكون راضيه عن نفسي عشان ما احرم نفسي من شي عشان البس واكل واسوي الي ابيه ولو ربي كتب لياتزوج ما اشيل هم واصرف مصاريف كبيره واخرب على نفسي

صرت اهتم بجسمي كثير واقرا مواضيع عن الاهتمام بالبشره والجسم و اسوي رياضه ماشاء الله واتزنت بالاكل وقمت اقرا عن كيفية التعامل مع الناس والاحكام الشرعيه الي تخص كل شيء من والى اثقف نفسي دينا وعلميا وادبيا واحاول اني اكون دائما بشكل الافضل

لان ماعندي استعداد اجي اشتكي وابكي واشيل هم

يابنات اهتمو باجساكم اذا عندك اسمرار في المناطق الحساسه او الركب او الاكواع كل اسبوع سوي تقشير وهوي المناطق ورطبيها والبسي ملابس داخليه قطنيه الشورت القصير افضل من الاندر وير العادي وجففي المنطقه زين بعد كل مره تدخلي فيها دورة المياه وانتو بكرامه
لو عندك تفسخات وخطوط بيضاء وترهلات العبي رياضه ادهني جسمك كل يوم بزيت زيتون او جنين القمح
لو شعرك خشن خفيف عندك مسامات سوي خلطات طبيعيه واستخدمي زيوت طبيعه
لو عندك مقدره ماديه شوي جلسات علاج في المستشفى بس وقتها بكون كل شي بهدوء وعلى الهادي مو بسرعه ويالله يمدي


تثقفي اقري كتب عن تطوير الذات لا تقعدين على مواقع التواصل الاجتماعي طول وقتك والسوالف على الواتس اب اقري عن حقوقك في الاسلام كامراه وبنت واخت وزوجه وام وانسانه

خليك شخصيه اذا احد شافك يقول يالتني مثلها

لا تقعدين تقولين لين جيت اتزوج سويت وسويت ترى والله بتندمون وماتلقون وقت وتضظرون تدفعون مبالغ كبيره لا تخلين الاهتمام بالنفس والجمال بس عشان الزوج
انت مالك حق على نفسك ؟؟!! تتوقعين ان زوجك بكون يكرف على نفسه مثلك

والامهات الي ساكتين على بناتهم ليه ماتنصحون بناتكم ليه ماتخلونهم يهتمون بانفسهم ليه اذا بغت تقص شعرها او تصبغ او تشتري كريمات للبشره او تروح نادي عشان تخفض وزن تسون لها سالفه وتقولين لين رحتي بيت زوجك سوي الي تبين

ليه تزرعون في راسهم ان الواحده لازم تكون جميله وحلوه عشان زوجها بس


طيب نفرض انها ما تزوجت تقعد كذا طول العمر تناظر غيرها وتقول عندها وما عندي

شوفو كل كم من يوم داخله واحده تشتكي وتقول عندي وعندي كل شوي عروس جايه شايله هم شي والسبب هو التأجيل والاهمال

ترى يا بنات حتى الرجال عندهم بدانه و خطوط بيضاء واسمرار في المناطق ومسامات واسعه ورؤوس سوداء وتجاعيد وترهلات وبلاوي مو عند الحريم بس الي خلاه يهمل ومايهتم هو العباره المتخلفه الرجال مايعيبه شي لو الرجال ما يعيبه شي ليه ربي خلق لنا ولهم نفس الاجسام ونفس المشاكل ؟؟؟؟!!!! بس هالشروط زادت وانتشرت وقام الرجل يفكر بالاسمرار او الركب او غيره من الصور وافلام الممثلات الي نحاتين نفسهم نحت والي تلقين لواحده اقل شي مسويه خمس عمليات تجميل حتى رجالهم مشتغلين على نفسهم

وحتى الشباب ياليت يا امهات انكم تقولون لعياكم يهتمون باشكالهم ويهتمون بنظافتهم الشخصيه وشكله واسلوبه

ارجو منكم ان كل واحده تشوف موضوعي تحاول تغير وتهتم وتتجمل من نفسها عشان نفسها مو عشان احد

>>>>> ردود الأعضـــــــــــــــــــاء على الموضوع <<<<<
==================================


كلااامك شدني صحيح الوحده لازم تهتم بكل معنى الكلمه لو رضيت عت نفسهاا راح تكون مرآة للمجتمع


__________________________________________________ __________

والله انتي ععسسل
انتي على حق في كل كلممة قلتيهااا


__________________________________________________ __________

مشكورة ع الموضوع والطرح المميز ، وانا معك بكل كلمة قلتيها .....


__________________________________________________ __________

جزاك الله خيرا علي الموضوع الرائع.


__________________________________________________ __________

كلام سليم مئه بالمئه وطرح رائع ،بس انا كمان عندي نقطه أضيفها ترى الام كمان لها دور في هل الموضوع انا ولدتي الله يحفظها لما كانا صغار كانت تهتم فينا كثير مو بس بالنظافة الشخصية وبس لا يعني مشاء الله عليه كان كل أسبوع تزيت شعورنا انا خواتي وكل أسبوع تحط حناء ولا سدر في شعرنا ما كانت تفوت ولا يوم الا وتلقينها حاط علي شعرنا شيء ولا الصابون الي كانت تسويه لنا كنت تنقع صابون غار مع ماء ورد وتغسل أجسامنا فيه يعني الله يحفظها ماكانت مقصره فينا بشيء حتى واحنا كبر صارنا نسوي كل شيء أهي كانت تسويه لنا سوانا لان او لبناتنا خلاص صارات عاده عندنا تعودنا عليه مانقدر نتركه والنقطه الهم انه لما كنت تحط في شعرنا الزيت ولا الحناء والسدر كنا نزعل ونصيح مانبغى بس كانت تقول احطه لكم عشان يطلع شعرك حلو وتطلعين حلوه مافهمنا هل الشيء الا لما كبرنا انا الوحدة اهتمامها بنفسه مو لغيره من جد يبنات لما تزوجنا انا وخواتي ماتعبنا علي انفسنا ولله الحمد لا في الشعر ولا في الجسم لانه خلص شعرنا تعود علي الاهتمام من الصغر واجسمنا بعد يعني الام له دور في هل الشيء وكمان التجرب الي ناخذها من النساء الاخريات لها دور من جد اهتمتي بنفسك مو عشان زوجك بس عشان نفسك واغرسو هذا الشيء في نفس بناتكم من الصغر عشان ماتتعبون معهم بعدين وقت فرحهم ترى البنات وخاصه الصغار اذا شفت أمها تهتم بنفسها تلاقينها تسوي مثلك فإلام قدوه لبنتها....وأشكر صاحبه الموضوع علي هل الطرح الرائع